🙏💱 *எந்த காய்கறியை எப்படி பார்த்து வாங்க வேண்டும்* 💚❤️

தேங்காயை கையில் எடுத்து குலுக்கிப்பாருங்கள். உள்ளே தண்ணீர் இருக்கவேண்டும். தேங்காயின் கண்கள் இருக்கும் பகுதியை லேசாக அழுத்திப்பாருங்கள். அமுங்காமல் இருந்தால் நல்ல தேங்காய்.

முட்டைக்கோஸ் கெட்டியாக, பளிச்சென்று புதிதாக இருக்கவேண்டும்.

உருளைக்கிழங்கு பழையது என்றால் அமுங்கும். புதியது கெட்டியாக இருக்கும். அமுக்கிப்பார்த்து வாங்குங்கள்.

கீரைத்தண்டுவை ஒடித்துப்பாருங்கள். வளையாமல் ஒடிந்துவிடவேண்டும்.

முள்ளங்கியில் வேர்கள் தோன்றாமல் இருப்பது நல்லது. நிறமும் நம்மை கவரும்படி அமைந்திருக்கவேண்டும்.

பூண்டுவை கையில் எடுத்து அழுத்திப்பாருங்கள். கனமாக, கெட்டியாக இருப்பதே சிறந்தது.

கருணைக்கிழங்கு நல்லதாக பார்த்து தேர்ந்தெடுத்து வாங்கிவந்து, இரண்டு நாட்கள் வீட்டில் வைத்துவிட்டு சமைக்க பயன்படுத்துங்கள்.

கோவக்காய் சீராக, பளிச்சென்று இருக்கவேண்டும். அமுங்கினால் வாடிவிட்டதாக அர்த்தம். வாடிப்போனதை வாங்கக்கூடாது.

வெண்டைக்காய் இளசாக இருக்கவேண்டும். நுனியை லேசாக அழுத்தினாலே ஒடிந்துவிடும்.

பீன்ஸ், அவரையை கையில் எடுத்து பார்த்தாலே நாரை எளிதாக உரித்தெடுக்க முடியுமா என்பது தெரிந்துவிடும். எளிதாக உரிக்கும் விதத்தில் இருக்கவேண்டும்.

கொத்தவரை, வெண்டைக்காய் மாதிரிதான் வளையாமல் முறியவேண்டும்.

வாழைத்தண்டு அதிக தண்ணீர்தன்மையோடு வாடாமல் வெள்ளை நிறத்தில் பளிச்சென்று இருப்பது அவசியம்.

சேனைக்கிழங்கு அதிக சிவப்பாக இல்லாமல் மஞ்சள் நிறம் கலந்திருப்பதை பார்த்துவாங்குங்கள். அதிக சிவப்பை குழந்தைகள் சாப்பிட்டால் நாக்கு அரிப்பதாக சொல்வார்கள்.

வெங்காயம் சிவப்பு நிறத்தில் இருப்பது நல்லது. வாடலாக, அழுகலாக இருந்தால் நிறம் மாறும். பொதுவாக கருநீலநிறத்தில் இருப்பது அழுகலின் அடையாளம்.

முருங்கைக்காய் பச்சை நிறமாக இருக்கவேண்டும். அதிக கனமாகவும், கெட்டியாகவும் இருக்கக்கூடாது. வளையவேண்டும். முற்றிய முருங்கைக்காயை வளைத்தால் முறிந்துவிடும்.

புடலையில் நார் இருக்கக்கூடாது. எளிதாக உடையும் விதத்தில் இருந்தால் நல்லது.

கேரட் இப்போதே பச்சையாக கடித்துவிடலாமா? என்று தோன்றும் விதத்தில் பளிச்சென்ற நிறத்துடன் மீடியமான சைசில் இருக்கவேண்டும்.

பாகற்காய் சிறியதுமில்லாமல், பெரியதுமில்லாமல் நடுத்தரமாக, நல்ல நிறமாக, அமுங்காமல் இருக்கவேண்டும்.

வாழைப்பூ இதழை தூக்கிப்பார்த்தால், கறுப்பாக பீலிகள் இருந்தால் நல்லதல்ல. கெட்டியாக, இளசாக இருக்கவேண்டும். முற்றல் அதிக துவர்ப்பாகிவிடும்.

 வாழ்க்கையில் எந்த மாதிரியான பழக்கங்களை குழந்தைகளுக்குக் கற்றுத்தர வேண்டும்?

பிடிவாதம் பிடிக்காமல் இருப்பது,

பெரியவர்களிடம் பணிவோடு நடந்து கொள்வது,

உணவுப் பொருளோ,

விளையாட்டுப் பொருளோ பகிரும் பழக்கம்,

பொருட்களை அதனதன் இடத்தில் வைப்பது,

வயதிற்கேற்ப பெற்றோருக்கு உதவி செய்வது,

தவறு செய்தால் யாராயிருந்தாலும் மன்னிப்பு கேட்பது,

மற்றவர் பொருளுக்கு ஆசைப் படாதது,

 வேண்டிய இடத்தில் தயவுசெய்து, மன்னியுங்கள், நன்றி ஆகிய சொற்களைப் பயன்படுத்துவது,

விருந்தினர்களோ மற்றவர்களோ பரிசுப் பொருட்கள் அளித்தால் பெற்றோரின் அனுமதிக்குப் பிறகே நன்றி கூறிப் பெற்றுக் கொள்வது,

பொது இடங்களில் நாகரிகமாக நடந்து கொள்வது,

வெளியிடங்களுக்குச் செல்கையில் கூட்ட நெரிசல்களில் பெரியவர்களின் கையைப் பிடித்துக் கொண்டு செல்வது,

ஆகிய பழக்கங்களை குழந்தைக்குப் புரியும் வயதிலேயே புரிந்து கொள்கிறார் போலப் பழக்கினால் பெற்றோருக்கு நல்லது.

 தினமும் உணவில் சர்க்கரை சேர்ப்பதை தவிர்த்து தேனை சேர்த்துக் கொண்டால், அது உடலில் ரத்த சர்க்கரையின் அளவை சீராக்கி, உடலில் உள்ள கொலஸ்ட்ராலின் அளவைக் குறைக்கும். இதய நோய் தாக்காமல் இருக்க வேண்டுமெனில், தினமும் காலையில் வெதுவெதுப்பான நீரில் தேன் கலந்து குடித்து வர வேண்டும்.

தேனின் பயன் அறிந்தே, நமது ஆயுர்வேத வைத்தியத்திலும் சித்த வைத்தியத்திலும் பல சூரணங்களைத் தேனில் குழைத்து உண்ண மருத்துவர்கள் தருகிறார்கள். தேனை உண்டால் பசியும் ருசியும் உண்டாவதோடு. நல்ல உறக்கமும் ஏற்படுகிறது.

வாய்வுத் தொல்லையில் இருந்து நீங்குவதோடு, வயிற்று உப்புசம் குறைந்து, ஒருவித புத்துணர்வு கிடைப்பதை உணரலாம். நோய்களை உண்டாக்கும் பாக்டீரியாக்களை அழித்து, நோயெதிர்ப்பு மண்டலத்தின் சக்தி மற்றும் வலிமையை அதிகரிக்கச்  செய்யும்.

உடல் பருத்தவருக்கும், உடல் இளைத்தவருக்கும் தேனே சிறந்த மருந்தாக உள்ளது. உடல் பருமனானவர்கள் தினமும்  வெந்நீரில் இரண்டு தேக்கரண்டி விட்டு அருந்திவர, உடலிலுள்ள ஊளைச்சதை குறையும் பலம் அதிகரிக்கும்.

உடலின் மூலை முடுக்குகளில் தங்கியுள்ள டாக்ஸின்கள் அனைத்தும் சிறுநீர் பெருக்கத்தின் மூலம் முழுமையாக வெளியேற்றப்படும். உடலில் உள்ள கழிவுப்பொருட்களை வெளியேற்றி, சருமத்தை பாக்டீரியாக்களின் தாக்குதல்களில் இருந்து  பாதுகாத்து, பொலிவான சருமத்தைப் பெற உதவுகிறது.

உடல் மெலிந்தவர்கள் இரவு உணவிற்குப் பின், ஒரு கப் பசும்பாலில் இரண்டு தேக்கரண்டி தேனை விட்டு அருந்திவர,  உடல்  பருமன் கிட்டும், ஆயுளும் நீடிக்கும்.

தேன் பருகுவதன் மூலம் பல தொற்று நோய்கள், மலேரியா, அம்மை போன்ற நோய்களை வரமால் தடுக்கலாம். பேரீச்சம்பழத்தைக் தேனில் ஊற வைத்து உண்பதால் நல்ல இரும்புச்சத்தோடு. தேனிலுள்ள சத்துக்களும் கிடைக்கும் அதுபோல்,  ரோஜா மலரிலுள்ள இதழ்களை தேனில் ஊறவைத்து உண்பதால், உடலுக்குபலமும், குளிர்ச்சியும், தாதுவிருத்தியும் உண்டாகும். 

வாழ்க நலமுடன்

#தூதுவளை/ தூது வேளை/ சிங்க வல்லி.

#solanum_trilobatum.

"தூதுவளை இலை அரைச்சி

தொண்டையில தான் நினைச்சி

மாமன்கிட்ட பேசப்போறேன் மணிக்கணக்கா‌..."

இன்னும் கிராமத்து மினி பேருந்துகளில், கிராமத்துக்குச் செல்லும் பேருந்துகளில் இப்பாடல் ஒலிக்காத நாட்கள்‌ இருப்பது அரிது.

மூக்கு, தொண்டை உள்ளிட்ட சுவாசம் சம்பந்தப்பட்ட நோய்களுக்கு அருமருந்து தூதுவளை. மழைக்கால நோய்களுக்கு முசுமுசுக்கை போல இந்த தூதுவளையும் மிகச் சிறந்த தீர்வாகிறது.

இலை, தண்டுகளில் கொக்கி போன்ற முட்கள் காணப்படும். பூக்கள் ஊதா நிறத்தில் இருக்கும். உருண்டையான காய்கள் காணப்படுகிறது. வெள்ளை நிறத்தில் பூக்கள் கொண்ட தூதுவளையும் உண்டு. கத்தரிக்காய் குடும்பத்தைச் சேர்ந்த தாவர வகை இது.

சூப் வடிவத்திலும், அரிசி மாவோடு சேர்த்து கெட்டியாக அடையாகவும், தோசையாகவும் சாப்பிடலாம். துவையல், சட்னி, ரசம் வடிவத்திலும் செய்து சாப்பிடலாம்.

#மிகச்சிறந்த கோழை அகற்றியாக செயல்படுகிறது.

#ஈரல் பாதுகாப்பில் முக்கியமானது.

#சர்க்கரை நோயை கட்டுக்குள் வைத்திருக்கிறது.

#காச நோயின் தீவிரத்தைக் குறைப்பதிலும் முக்கியப் பங்கு வகிக்கிறது.

#புற்றுநோய்ச் செல்களின் வளர்ச்சியைத் தடுக்கிறது.

#காமம் பெருக்கி..

மேலும் கொசுக்களின் லார்வாக்களை அழிக்கும் மிக முக்கியமான பண்பை தூதுவளை பெற்றிருப்பதாக ஆய்வுக் கட்டுரைகள் தெரிவிக்கின்றன.

தொடர்ச்சியாக இல்லாவிடினும் அவ்வப்போது உணவில் தூதுவளை சேர்த்துக் கொள்வோம்.

நான் காட்டுக் கீரை என்ற சொல்லும் தூதுவளை Amazon இணையத்தில் கிலோ 1500/- ரூபாயில் இருந்து, 2000/- வரை விற்கிறது.

நன்றி!

இராமமூர்த்தி நாகராஜன்.

தூதுவளை மூலிகை பயன்கள்.

தூது வளையும் மாதுளையும் வளர்த்த வீட்டில் மார்பிலையும் வயிற்றிலையும் களங்கம் வராது என்பது பழமொழி.

உடலுக்கும் உயிருக்கும் தூதாக நிற்பதால் தூதுவளை என்று பெயர் வந்தது. இங்கு காற்று மூல ஆதாரமாக செயல்படுகிறது.

இக்காற்று தங்கு தடையில்லாமல் உடலின் ரத்தத்திற்கு செல்வதற்கு ஒரே காரணம் நுரையீரலில் ஏற்படும் குறைகளை வெப்பம் மூலம் அகற்றி விடும் வேலை செய்வதால் தூதுவளை மார்பிற்கு கலங்கம் வராது என்பார்கள்.காற்று காற்று உயிர் என்பார்கள். 

ஆதலால் உடலுக்கும் உயிருக்கும் தூது செல்வதால் தூதுவளை என்று பெயர் வந்தது. மாதுளை சிறந்த கர்ப்பப்பை குறைகளை நீக்கி. ஆதலால் வயிற்றுக்கு களங்கம் வராது என்ற பழமொழி இணைத்து கூறப்பட்டது.

மழைக்காலங்களில் இதன் வளர்ச்சி எல்லா வேலிக்கருவை மற்றும் புதர் செடியில் இடையில் காணப்படும் .மழைக்காலம் மனிதர்களுக்கு இருமலும் சளியும் பிடிக்கக் கூடிய காலம் அப்பொழுது இதனுடைய பயன்பாடு பல மக்களுக்கு பயன்படும் ரசம் ரொட்டி என்று சொல்லக்கூடிய அடையாக சாப்பிடுவதால் சிறந்த ஒரு கோழைநீக்கியாக இது செயல்படுகிறது.

 *_கசகசா மருத்துவ குணங்கள் பயன்கள்....._* 

கசகசா… நம்ம ஊர் மளிகைக் கடைகளில் சர்வசாதாரணமாக கிடைக்கும் உணவுப்பொருள். ஆனால், இதை வெளிநாடுகளுக்கு எடுத்துச் செல்ல தடை விதிக்கப்பட்டுள்ளது. குறிப்பாக வளைகுடா நாடுகள் கசகசாவுடன் வருபவர்களுக்கு கடுமையான தண்டனையை கொடுத்து வருகிறது.

சொந்த ஊரில் இருந்தவரை, மணக்க, மணக்க மசாலாவுடன் சாப்பிட்டு பழகிய நம்ம ஊர் இளைஞர்கள், வளைகுடா நாடுகளுக்கு வேலைக்குச் செல்லும்போது, ஊறுகாய் பாட்டில்களுடன், கசகசாவையும் எடுத்துச் சென்றதற்காக தண்டனை விதிக்கப்பட்ட சம்பவமும் நடந்துள்ளது. 

எந்தவொரு பொருளையும் அளவாக சாப்பிட்டால் அது நன்மையை தரும். 

அளவுக்கு மீறி எந்த உணவுப் பொருட்களை உட்கொண்டாலும் அது நமக்கு தீமையே கொடுக்கும்.

கசகசா எப்படி கிடைக்கிறது?

வெள்ளை, சிவப்பு, வெளிர் சிவப்பு, வெளிர் நீலம் ஆகிய வண்ணங்களில் அழகான பூக்களைப் பூக்கிறது. இப்பூக்களிலிருந்து பச்சைநிற 4-6 செமீ உயரமும், 3-4 செமீ விட்டமும் கொண்ட கோளவடிவிலான காய்கள் தோன்றுகின்றன. 

இவை போஸ்தக்காய் என்றழைக்கப்படுகிறன. போஸ்த்தக்காய் இளமையாக இருக்கும் போது (விதைகள் உருவாகும் தருணத்தில்) அதனுடைய வெளிப்புறத் தோலினைக் கீறும் போது வெள்ளைநிற பால் போன்ற திரவம் வெளியேறுகிறது.

இத்திரவமே ஓபியம், ஹெராயின், மார்பின் உள்ளிட்ட போதைப் பொருள்கள் தயார் செய்யப் பயன்படுத்தப் படுகின்றது. இத்திரவம் மருந்துப் பொருட்கள் செய்யவும் பயன்படுத்தப் படுகிறது.

 பச்சைநிற போஸ்த்தக்காய் முற்றி பழுப்பு நிறத்திற்கு மாறியதும் உள்ளிருக்கும் விதைகளே கசகசாவாகப் பயன்படுத்தப் படுகின்றன. ஒரு பாப்பி தாவரத்திலிருந்து 10,000 – 60,000 வரையிலான கசகசாவிதைகள் பெறப்படுகின்றன.

கசகசாவின் மருத்துவ குணங்களைப் பற்றி பார்ப்போம்

வயிற்று போக்கு

வயிற்று போக்கு ஏற்படும் நேரத்தில் சிறிதளவு கசகசாவை வாயிலிட்டு மென்று சிறிதளவு நீர் குடித்து வர வயிற்றுபோக்கு நிற்கும்.

உடல் வலிமை பெற

கசகசா, முந்திரி பருப்பு, பாதம் பருப்பு இவற்றை வகைக்கு 100 கிராம் அளவு எடுத்து பொடியாக்கி காலை, மாலை என இருவேளை ஒரு ஸ்பூன் அளவு எடுத்து உண்டுவர உடல் வலிமை பெறும்.

தூக்கமின்மை பிரச்சனை

தூக்கமின்மை பிரச்சனை உள்ளவர்கள் இரவு நேரங்களில் கசகசாவை பாலில் அரைத்து உண்டால் தூக்கம் நன்றாக வரும்.

நீரிழிவு நோய்

கசகசாவை துவையலாக அரைத்து உண்டு வந்தால் உடல் வலிமை பெறும். நீரிழிவு நோய் கட்டுப்படும். தூக்கம் நன்றாக வரும். நரம்புகள் வலுவாகும். விந்து கட்டும். உடல் வலிமை பெறும். ஆண்மை பெருகும். உடல் பொலிவு பெறும். நரம்புகள் பலம் பெறும்.

மாதவிடாய்

மாதவிடாய் முடிவுக்கு வரும் மேனோபாஸ் காலகட்டத்தில் பெண்களுக்கு உடல் வறண்டுபோகும். கண்களை சுற்றி கருவளையமும் சுருக்கமும் உண்டாகும். உடல் பலமும் குறையும். அப்போது கசகசா மற்றும் பாதாம்பருப்பை அரைத்து பாலில் கலந்து பருகலாம்.

கெட்ட கொலஸ்ட்ராலைக் குறைக்க

கெட்ட கொலஸ்ட்ராலைக் குறைத்து நல்ல கொலஸ்ட்ராலை அதிகரிக்கும். அதிலுள்ள ஒலியீக் ஆசிட், லினோலியிக் ஆசிட் போன்ற அமினோ அமிலங்கள் மாரடைப்பைத் தடுத்து, பக்கவாதத்தில் இருந்து பாதுகாக்கவும் உதவுகிறது.

வாய் புண்கள் குணமடையும்

கசகசா விதைகள் உடலுக்கு குளிர்ச்சி அளித்து வாய் புண்களுக்கு எதிராக சிறப்பாக செயல்பட்டு வாய் புண்களை விரைவில் ஆற்றுகின்றன. உலர்ந்த தேங்காய், பொடித்த சர்க்கரை மிட்டாய், நில கசகசா விதைகள் ஆகியவற்றை நன்கு கலந்து கொள்ளவும். வாய் புண்களிலிருந்து உடனடி நிவாரணம் பெற, இக்கலவையை ஒரு சிறு சிறு துண்டுகளாக செய்து, மிட்டாய் போல மென்று சுவைத்து சாப்பிடுவதன் மூலம் வாய் புண்கள் விரைவில் குணமடையும்.

ஆற்றலை அதிகரிக்கிறது

உடலுக்கு ஆற்றல் அளிக்கும் சிறு ஊட்டச்சத்துக்களான சிக்கலான கார்போஹைட்ரேட்கள் கசகசா விதைகளில் அடங்கியுள்ளது. இந்த விதைகள் கால்சியம் சத்தை உறிஞ்சி உடல் சோர்வு ஏற்படாமல் பார்த்துக் கொள்கின்றன.

🌷🌷

 80 வயதிலும் கண் காது தெளிவாக இருக்க;

மனிதனின் ஐம்புலன்களையும் ஆட்டுவிப்பதும்,நோய் வருதல்,வந்த நோய் குணமாகுதல் ஆகியவற்றிக்கு காரணம் நம் உடம்பில் உள்ள வாதம்,பித்தம், கபம் எனும் மூன்று நாடிகளே ஆகும்....

இந்த மூன்று நாடிகளும் எப்போதும் சமநிலையில் இயங்கினால் நோய் தோன்றாது,மூப்பு உண்டாகது,இறப்பு இருக்காது இதனை பின்பற்றியே சித்தர்கள் பல்லாண்டு உயிர் வாழ்ந்தனர்....

இந்த மூன்றையும் இஞ்சி, அருகம்புல் மிளகு  ஆகியவை சமநிலையில் வைத்திருக்க உதவும்.

அருகம்புல் இஞ்சி மிளகு இதனை இடித்து சாறு எடுத்து வாரம் ஒருநாள் குடித்து வர 80வயதுல கூட கூன் விழுகாமல் கண்பார்வை தெளிவாக இருக்கும் காதும் நன்றாக கேட்கும். அற்புத மருந்து.

உடற்சூடு உள்ளவர்கள் இஞ்சியை குறைவாக எடுத்து கொள்ளவும்.

 தாம்பூலமும் தாம்பத்யமும்.

அடல்ட்ஸ் ஒன்லி விஷயம் எல்லாம் இல்லை,

 விழா நிகழ்வுகளில் மரியாதைக்கு உரியதாக இருந்த ஒரு பொருள் , அவ்வளவு ஏன் விளையாட்டாக ஆமா உங்களை ....பாக்கு வைச்சு கூப்பிட்டா தான் வருவீங்களோ என அறிய பட்ட பச்சை தங்கம், நமக்கு என்ன தொழில் என கேட்டால் சும்மா வீட்டுக்கு பக்கத்தில ஒரு வெத்தலை பாக்கு கடை வைச்சிருக்கேன் என அன்றாட  வாழ்வோடும்,பொருளாதாரத்தோடும் தொடர்புடைய வெற்றிலையை சமீபத்தில் புகை பிடிக்கும் திரிக்காக தேடிய போது தோன்றிய வருத்தம் தான் இந்த பதிவு,

1980 களில் டூத் பேஸ்ட்க்கு வந்த விளம்பரம் இப்போதும் நினைவில் உள்ளது,அட பயில்வான் உடம்புக்கு பாதம்,பல்லு தேய்க்க கரியா என்றவர்கள் இப்போ நாம் பல் துலக்கும் போது வீட்டை உடைத்து கொண்டு வந்து மைக்யை நீட்டி ,நீங்க துலக்கும் பேஸ்டில் உப்பு இருக்கா,கரி இருக்கா,மீன் இருக்கா என்கிறார்கள்,இது போல் 

வாயில் கேன்சர் வந்திரும், பல்லு கரை போகவே போகாது,தவிர டேய் இன்னும் பழைய ஆள் மாதிரி வெத்தலையை போட்டுக்கிட்டு என சொல்லி சொல்லியே வெற்றிலை பாக்கு போடும் பழக்கம் நம்மிடம் இருந்து கொஞ்சம் கொஞ்சமாக மறைக்க பட்டே விட்டது.

வெற்றிலை, பாக்கு, சுண்ணாம்பு அதிலும் கல் சுண்ணாம்பு, முத்து சிப்பி சுண்ணாம்பு என வித்தியாசம் காட்டி அது மட்டுமா ஏலக்காய், கிராம்பு, சாதிக்காய், என வாசனை பொருட்கள் கலந்து வாயில் இட்டு சுவைத்து, முதலில் ஊறும் நீரும், இரண்டாவது ஊறும் நீரையும் துப்பி விட வேண்டும் என்றும், மூணாவது ஊறும் நீரே அமிர்தம் என தாம்பூலம் இட வழி முறைகள் சொன்ன சித்த மருத்துவம் இருந்த ஊரில்,ஆங் தாம்பூலமா அப்புடின்னா என கேட்கும் அடுத்த தலைமுறை வந்து விட்டது, 

பெருகி வரும் ஆண் மலட்டு தன்மை குறிப்பாக விந்தணு உற்பத்தி மற்றும் அதன் motility குறைதல் இவற்றுக்கு தாம்பூலம் மிக சிறந்த மருந்து.வெற்றிலையில் உள்ள Hydroxy chavicol எனும் Phenol compound ஆனது ஆண்களின் prostate யை வலு படுத்துகிறது, மேலும் Prostate புற்று வராமல் தடுக்கும் ஆற்றல் கொண்டது, விதை பையில் உற்பத்தியாகும் விந்தணுவிற்கு  prostate இல் இருந்து சுரக்கும் நீரில் உள்ள Zinc மூலம் தான் உயிரே கிடைக்கிறது, அதாவது motility உண்டாகிறது,IVF நிகழ்வில் விந்தின் Capacitation நிகழ்வும் முக்கியம், அந்த Capacitation நடக்க Prostate சுரப்பு ரொம்ப முக்கியம் , இதையெல்லாம் தெரிந்ததால் தானோ என்னவோ காதல் மனைவி ஊட்டி விடும் தாம்பூலத்தை சிலாகித்து பேசி இருக்கிறார்கள் போல,

மலச்சிக்கலா தாம்பூலத்துடன் கொஞ்சம் அதிகம் பாக்கை சேர், வாய் நாற்றமா வெற்றிலையை சேர், வீரியம் வேண்டுமா சாதிக்காய் சேர் என சொன்ன சமுகம் இன்று Infertility center களில் முடங்கி கிடக்கிறது.

அடுத்த தலைமுறைக்கு இனியாவது தாம்பூல மகத்துவத்தை எடுத்து உரைப்போமே.

 *தலையணை இல்லாத தூக்கம்… உடலில் நிகழ்த்தும் மாற்றம்.. இதுதான் நிஜ தலையணை மந்திரம்!*

தலையணை இல்லாமல் தூங்குபவர்களை விரல் விட்டு எண்ணி விடலாம். ஏனெனில் இங்கு தலையணை வைத்து தூங்குவதை நம் மரபாகவே நாம் நினைத்து விட்டோம். இன்னும் சிலர் தலைக்கே இரண்டு தலையணை வைத்து தூங்குவார்கள்.

இன்னும் சிலர் இருக்கிறார்கள். இவர்களுக்கு காலுக்கு, பக்கத்தில் கட்டிப்பிடித்து படுக்க என வித, விதமாக தூங்குவதற்கு தலையணை ஸ்டைல் வைத்திருப்பார்கள். இப்படியான தலையணையே இல்லாமல் தூங்குவதில் தான் நம் ஆரோக்கியமே இருக்கிறது.

தலையணை இல்லாமல் தூங்குபவர்களுக்கு தண்டுவடம் அதன் இயல்பான நிலையில் இலகுவாக இருக்கும். இதனால் உடல்வலி, தண்டுவட பிரச்னை எட்டியே பார்க்காது. உயரமான தலையணை பயன்படுத்தும் போது படுக்கை நிலை குலையும். தண்டுவடமும் பாதிக்கப்படும். தலையணை இல்லாமல் தூங்கினால் தோள்பட்டை, கழுத்து வலியும் வராது.

இதனால் உடலின் எலும்புகளையும் சீராக்க முடியும். தலையணை பயன்படுத்தாமல் தூங்குபவர்களுக்கு முகச்சுருக்கமும் இருக்காது. சிலர் நேராக படுத்து தூங்குவார்கள். அவர்களுக்கு மெல்லிய தலையணையே சிறந்தது. இது கழுத்து, தலை, தோள்பட்டை பிரச்னைகளில் இருந்து காக்கும்.

சிலர் ஒருசாய்த்து அதாவது ஒருபக்கமாக படுப்பதை வழக்கமாக வைத்திருப்பார்கள். இவர்களுக்கு அடர்த்தியான தலையனை வைத்து படுத்தால் தோள்பட்டை, காதுக்கு இடையே சமநிலையை ஏற்படுத்தும்,.

குப்புறப்படுத்தும் தூங்குபவர்களுக்கு தட்டையான தலையணை ரொம்ப சிறந்தது. இது நம் தலையில் நிலையை அசொளரியமாக உணராமல் இருக்க உடதவுவதோடு, முதுகு, இடுப்பு வலியையும் விரட்டும்..

ஆனால், இதையெல்லாம் விட நாம் முன்பே சொன்னது போல் தலையணை இல்லாத தூக்கம் தான் நோய்களை விரட்டும். சிலருக்கு மருத்துவர்கள் தலையணை வைத்து தூங்க பரிந்துரைத்து இருப்பார்கள். அவர்கள் இந்த டிப்ஸை தவிர்த்து விடுவது நல்லது.

 🌸பூண்டு பூண்டு பூண்டு !!!

*பூண்டை உபயோகப்படுத்தும் முறை*

1.   பூண்டை வறுத்து சாப்பிடுவதை விட வேக வைத்து சாப்பிடுவதே நல்லது.

2.   நாட்டுப்பூண்டையே அதிகமாக பயன்படுதுங்கள், சைனா பூண்டை விட நாட்டுப்பூண்டிலேயே அதிக சத்து உள்ளது.

3.   பூண்டை மறைமுகமான விதத்தில் பூண்டு ஊறுகாய், பூண்டு மாத்திரை போன்ற வடிவில் சாப்பிடுவதை விட நேரடியாக சாப்பிடுவதே நல்லது.

4.   பூண்டு உடல் உஷ்ணத்தை அதிகப்படுத்தக் கூடியது. அதிகளவில் பயன்படுத்தினால் நீர்க்கடுப்பு, நீர் எரிச்சல் உண்டாகும்.

5.   பூண்டின் காரம் போக சிறிது மோர் அருந்தலாம் இல்லை என்றாலும் ஒன்றும் பாதிப்பில்லை.அளவுக்கு அதிகமானால் அமிர்தமும் நஞ்சு என்பதை போல நிறைய அதிகமாக சேர்த்துக் கொள்ளாதீர்கள்.

6.   தினசரி ஒரு நபருக்கு ஆறு பல்லு விதம் கணக்கிட்டு சேர்த்துக் கொள்ளுங்கள்.

7.   பூண்டுச் சாற்றையும், இஞ்சிச் சாற்றையும் சம அளவு கலந்து காலை, மாலை மூன்று நாட்கள் சாப்பிட நெஞ்சுக் குத்து நீங்கும்.

8.   பூண்டையும், துத்தி இலையையும் சேர்த்து லேசாக நசுக்கி நல்லெண்ணையில் போட்டுக் காய்ச்சி எண்ணெயை உடலில் தடவி வர உடல் வலி குறையும்.

9.   காய்ச்சிய பாலில் இரண்டு அல்லது மூன்று பல் பூண்டைப் போட்டுப் பருக நன்கு தூக்கம் வரும். இரத்தக் கொதிப்பு அடங்கும்.

10.பூண்டைப் பொன்னாங்கண்ணிக் கீரையுடன் சேர்த்துச் சாப்பிட மூலநோய் நீங்கும்.

11.  பூண்டை நசுக்கிய சாற்றுடன் கற்பூரத்தை கரைத்துப் பூச மூட்டு வலி குணமாகும்.

இதய பிரச்சினைகளுக்கு,

(ரத்தக்குழாய் அடைப்பு,  ஹார்ட் ஹட்டாக், பை பாஸ் சர்ஜரி, ஓப்பன் ஹார்ட் சர்ஜரி, இது சார்ந்த, ட்ரெட் மில், ஆன்ஜியோ கொடுமைகளில் இருந்து தப்பிக்க),

உடல் உறிஞ்ச தகுதியில்லாத கழிவாக தேங்கியுள்ள கெட்ட கொழுப்பை கரைத்து வெளியேற்ற,

"நிறை மாத கர்பிணி" போன்ற தோற்றத்தை தரும் பலரின் பானை வயிற்றை flat ஆக்க,

பச்சை பூண்டு மிக மிக சிறந்தது!

சிலர் இதை அப்படியே சாப்பிட முயற்சித்து, 

அதில் உள்ள அமிலத்தன்மையின் வீரியம் தாங்கமுடியாமல் 

"சமைத்து சாப்பிடுதல்" என்ற வசதியான குறிப்பை சாதகமாக்கிகொண்டு,

முயற்சித்து, பயன் இல்லாமல் பாதியிலேயே விட்டு விடுவார்கள்!

பூண்டில் இருக்கும் ஒரு இயற்கை அமிலம் ஒப்பற்ற மருத்துவ குணம் உடையது!

சமைத்தால்,

அதன் இயல்பு தன்மை வெகுவாக பாதிக்கப்படும்!

இயற்கையாகவே, 

சமைத்து கெடாத பூண்டு துண்டங்களை நன்கு கடித்து 

உமிழ் நீரில் செரிமானம் செய்தலே,

பூண்டை உணவாகவும், மருந்தாகவும் பயன்படுத்தும் சரியான முறையாகும்!

செய்முறை:

பத்து முழு பூண்டை உரித்து, 

தோல் நீக்கி, 

சிறு சிறு துண்டுகளாக்கி,

சுத்தமான பருத்தி துணியில் 8லிருந்து12 மணி நேரம் 

நிழலில் காய வைத்த பின், 

அதனுடன் 5 முழு எலுமிச்சை பழங்களின் சாற்றோடு, 

மூழ்கும் வரை தேன் ஊற்றி, 

குறைந்தது 50 நாட்கள் ஊரவைத்த பின், 

காலை மாலை 1/2 ஸ்பூன் பூண்டு துண்டங்களை ருசித்து ரசித்து சாப்பிட, 

ஆரோக்யத்தை அருகிலேயே வைத்துக்கொள்ளலாம்!

சாப்பிட அவ்வளவு ருசியாகவும், 

அடுத்த நாள் தானாக உடலும் மனமும் நாடும் ஒரு பதார்த்தமாக விளங்கும்!

6 மாதத்திற்கு ஒரு முறையாவது 48 நாட்களுக்கு  தொடர்ந்து சாப்பிட்டு வர, 

"எம தர்மன்" நமது பெயரை, 

உடனடி காத்திருப்போர் பட்டியலில் இருந்து நீக்கிவிட்டு , 

100 ஆவது வயதிற்குபின் வரும் superannuation retirement பட்டியலில் சேர்த்து விடுவார்!

குறிப்பு: இது மருந்தல்ல!

                 உணவு!

நேபாளிய மக்களின் நீண்ட ஆயுளின் இரகசியம் இது.....!

 பாதாம் மரத்தில் பசைபோல் வெண்மை கலந்த பழுப்பு நிறத்தில் வடியும் பிசினே பாதாம் பிசின் ஆகும். பாதாம் பிசினில் அதிகப்படியான சத்துக்கள் நிறைந்துள்ளன. மேலும் அதிக மருத்துவகுணம் கொண்டது.

தேவையான அளவு பாதம் பிசினை ஒரு பாத்திரத்தில் போட்டு அவை மூழ்கும் அளவிற்கு தண்ணீர் ஊற்றி 8 மணி நேரம் கழித்து பார்த்தால்  பாதாம் பிசின் ஜெல்லிபோல காணப்படும். இதனுடன் பால், சர்க்கரை சேர்த்து சாப்பிட்டு வருவதால், பல மருத்துவ பலன்களை பெறலாம்.

நெஞ்செரிச்சல் (அசிடிட்டி) செரிமான கோளாரால் உண்டாகும் வயிற்று வலி போன்றவை நீங்க பாதாம் பிசினை ஊறவைத்து சாப்பிட்டு வர குணமாகும். பாதாம் பிசினில் உள்ள தாதுக்கள் தோல் மற்றும் எலும்புகளின் ஆரோக்கியம் மற்றும் உடலில் தாது பற்றாக் குறையை  போக்குகிறது. தோல் வறட்சி, வெடிப்புகளை குணமாக்கும்.

உஷ்ணத்தால் உடலில் நீர் பற்றாக் குறை ஏற்பட்டு சிலருக்கு வேறு சில உடல் நல பாதிப்புகளை ஏற்படுத்துகிறது. குறிப்பாக நீர் சுருக்கு, சிறுநீர் அடைப்பு, சிறு நீரகக் கல் போன்றவைகளை தவிர்க்க ஊறவைத்த பாதாம் பிசினை சாப்பிட்டு வர மேற்கூறிய உஷ்ண நோய்கள் தீரும்.

நீண்ட நாள் நோயால் பாதிக்கப்பட்டவர்களுக்கு உடலில் சத்து இன்றி மெலிந்து இருப்பார்கள், இவர்கள் வாரத்திற்கு மூன்று நாட்கள் பாதாம் பிசினை ஊறவைத்து சாப்பிட்டு வர உடலுக்கு தேவையான சத்துக்கள் கிடைக்கும் அத்துடன் நோய் எதிர்ப்பு திறனையும் அதிகரிக்கும்.

ஆண் மலட்டு தன்மை உடையவர்கள் தினமும் இளம் சூடான பசும்பாலில் பாதாம் பிசினை கலந்து குடித்து வந்தால் நரம்புகள் வலு பெற்று  மலட்டு தன்மை நீங்கும்.

பாதாம் பிசின் சாப்பிடுவதால் உஷ்ணத்தால் உண்டாகும் நோய்கள் மற்றும் உடலுக்கு தேவையான சத்துக்களையும் கொடுக்கின்றது. இது  குழந்தைகள் முதல் பெரியவர்கள் வரை அனைவரும் சாப்பிடலாம்.