*ஒற்றைத் தலைவலி குணமாக  சில எளிய வழி முறைகள்.*

ஒற்றைத் தலைவலி சிலருக்கு பரம்பரையாகவே தோன்றும். வேலை செய்யும் இடங்களில் ஏற்படும் பிரச்சனைகள். பெண்களுக்கு மாதவிலக்கு காலங்களில் ஏற்படும் பாதிப்புகளினால் அதிகமாக ஒற்றைத்தலைவலி தோன்றும்.

ஒற்றைத் தலைவலி பரம்பரையாகவும், பணி சூழல், உணவு முறைகளாலும் ஏற்படக்கூடியது. ஆண்களை விட பெண்களே அதிக அளவு பாதிக்கப்படுகிறார்கள். ஒற்றைத் தலைவலியில் கண் நரம்பு ஒற்றைத் தலைவலி, பக்கவாத ஒற்றைத் தலைவலி, முக நரம்பு ஒற்றைத் தலைவலி என வகைகள் உண்டு.

ஒற்றை தலைவலி வந்தவுடன் சிலருக்கு வாந்தி உண்டாகும். படபடப்பு, அதிக களைப்பு, பசியின்மை ஏற்படும். மூக்கிலிருந்து நீர் கசியும். அதிக மன அழுத்தத்துடன் காணப்படுவார்கள்.

லேசான தலைவலியுடன் ஆரம்பித்து தீவிர தலைவலியாக தொடர்ந்து நீடிக்கும் சிலருக்கு 72 மணி நேரம் கூட தொடர்ந்து நீடிக்கும்.

நல்லெண்ணெய் 100 மிலியுடன் 5 மிலி குப்பைமேனி சாறு கலந்து காய்ச்சி வடிகட்டி இரண்டு நாட்களுக்கு ஒரு முறை தலைக்கு தேய்த்து குளித்து வர ஒற்றைத்தலைவலி குணமாகும்.

நல்லெண்ணெய் கால் லிட்டரில் கருஞ்சீரகப்பொடி 50 கிராம், நெய் 10 கிராம், எலுமிச்சை சாறு 10 மிலி, வெற்றிலைச்சாறு 10 மிலி கலந்து நன்றாக காய்ச்சி வடித்து வைத்துக்கொண்டு ஒருநாள் விட்டு ஒரு நாள் தலைக்கு தேய்த்து குளித்து வர ஒற்றைத்தலைவலி குணமாகும்.

Thanks to

*🍃Sri Yoga & Naturopathy

 *கண்களுக்கு ஆரோக்கியம்*

உடலில் அதிக வேகமாக செயல்படும் உறுப்புகளில் கண்களும் ஒன்று.

வாரத்தில் குறைந்தது இரண்டு முறையாவது நாம் உண்ணும் உணவில் கீரையைச் சேர்த்துக் கொண்டு வந்தால், முதுமையில் ஏற்படும் கண் பார்வை கோளாறுகளை தடுக்கலாம்.

இன்றும்கிராமங்களில் வசிக்கும் வயது முதிர்ந்தவர்கள் பலர் கண்ணாடி அணியாமல்படிப்பதைக் காணலாம். அதற்குக் காரணம் ரசாயனம் கலக்காத இயற்கை உணவுகளே..

ஆனால் இன்று இரண்டு மூன்று வயது குழந்தைகள் கூட கண்ணாடி அணிந்திருப்பதைப்பார்க்கிறோம். அவசர கதியில் தயாரிக்கப்படும் இன்ஸ்டன்ட் உணவுகள், சத்தில்லா உணவுகள், மற்றும் கண்களை பாதிக்கும் தொலைக் காட்சிப் பெட்டி, கணினி... என பட்டியல் நீளும்.

கண்பார்வைக் கோளாறு ஏற்படக் காரணம்...

உறவினர் முறையில் திருமணம் செய்பவர்களின் குழந்தைகளுக்கு கண்பார்வைக் குறைபாடு ஏற்படுகின்றது.

கருவிலிருக்கும் போது குழந்தைக்குத் தேவையான ஊட்டச் சத்து குறைபாட்டாலும் பார்வைக் கோளாறு ஏற்படுகின்றது.

சரியான உணவு உண்ணாமல் இரத்தச் சோகை ஏற்பட்டாலும் பார்வைக் குறைபாடு உண்டாகும்.

தூக்கமின்மையாலும், மங்கிய ஒளி அல்லது கண் கூசும் அளவு வெளிச்சம் உள்ளஇடங்களில் வேலை செய்பவர்களுக்கும் கண் பார்வைக் குறைபாடு உண்டாகும்.

தற்போதைய கணினி உலகில் கண்களுக்குத் தான் அதிக வேலை உண்டாகிறது. இரவுகண்விழித்து கணினி முன் அமர்ந்து அதிக நேரம் வேலை செய்பவர்களுக்கு கண்குறைபாடு எளிதில் உண்டாகும்.

ஈரல் பாதிக்கப்பட்டு பித்தம்அதிகரித்தால் முதலில் தாக்கப்படுவது காண் பார்வை நரம்புகளே...

இதனால்தான் காமாலை நோய்களின் அறிகுறி கண்களில் தெரியவரும்.

மது, புகை, போதைப் பொருள்கள் உண்பவர்களின் கண்கள் எளிதில் பாதிப்படையும்.

தொலைக்காட்சியின் முன் அமர்ந்து அதிக நேரம் தூக்கமில்லாமல்நிகழ்ச்சிகளைப் பார்ப்பவர்களின் கண்கள் வறட்சி கண்டு கண்பார்வை குறைபாடுஉண்டாகும்.

நீரிழிவு நோய்க்காரர்களுக்கும் இரத்த அழுத்தம் உள்ளவர்களுக்கும் கண் பார்வைக் குறை அவ்வப்போதுலைவலி்போதுலைவலிலைவலி, தலைச்சுற்றல், கிறுகிறுப்பு உள்ளவர்களுக்கும் பார்வைக் குறைபாடு உண்டாகும்.

வரும்முன் காக்க....

சர்க்கரை வள்ளிக் ‌கிழங்கு ‌கிடைக்கும் காலங்களில் அதனை அவித்தோ அல்லது உணவில் சமைத்தோ சாப்பிட்டு வரலாம். 

இதில் உள்ள வைட்டமின் ஏ கண் பார்வையில் ஏற்படுகின்ற பிரச்சனைகளை தடுக்கிறது..

கண்களில் ஏதேனும் தூசு விழுந்தாலோ அல்லது வலி, ஏற்பட்டாலோ கண்மருத்துவரை அணுகுவது நல்லது.

மருத்துவரின் ஆலோசனை யில்லாமல் கண்களுக்குமருந்துகள் இடக் கூடாது.

அதிக வெயிலில் அல்லது வெப்பமான பகுதிகளுக்குச் செல்ல நேர்ந்தால் குளிர் கண்ணாடி அணிந்துகொள்ள வேண்டும்.

ஒரு நாளைக்கு 6 மணி நேரமாவது தூங்க வேண்டும். நல்ல தூக்கமே கண்களைப் பாதுகாக்கும்.

கணினியில் வேலை செய்பவர்கள் அதிக நேரம் ஒரே இடத்தில் அமர்ந்து வேலைசெய்யக் கூடாது.

அவ்வப்போது குறைந்தது 5 நிமிடமாவது விழிகளை சுழலவிட்டுபின் கண்களை மூடி சிறிது நேரம் தியானம் செய்வதுபோல் இருக்க வேண்டும்.

உணவில் தினமும் கீரைகள், காய்கறிகள் சேர்த்துக்கொள்ள வேண்டும். காரட் கண்களுக்கு மிகவும் சிறந்தது.

எளிதில் சீரணமாகக்கூடிய உணவுகளை சாப்பிட்டு மலச்சிக்கல் இல்லாமல் பார்த்துக்கொள்ள வேண்டும்.

மது, புகை, போதை போன்றவற்றைத் தவிர்ப்பது நல்லது.

உடல் சூடு அடையாமலும், பித்த மாறுபாடு அடையாமலும் இருப்பதற்கு வாரம் ஒருமுறையாவது எண்ணெய் தேய்த்துக் குளிக்க வேண்டும்.

தொலைக்காட்சியை அதிக நேரம் பார்த்துக் கொண்டு இருக்கக் கூடாது.

மங்கலான ஒளியில் படிப்பதைத் தவிர்க்க வேண்டும்.

அதிக வெயில் இருக்கும்போது சூரியனைப் பார்க்கக்கூடாது.

நீரிழிவு நோய், இரத்த அழுத்தம் உள்ளவர்கள் அடிக்கடி கண் பரிசோதனை செய்துகொள்வது நல்லது.

அதிக மன அழுத்தம், டென்ஷன் கூட பார்வை நரம்புகளைப் பாதிக்கும். எனவே மன அழுத்தம் ஏற்படாமல் பார்த்துக்கொள்ள வேண்டும்.

வைட்டமின் ஏ அடங்கிய பழங்களையும், தயிரையும் காலை உணவில் செர்த்து கொள்வதனால், கண் பார்வையை ‌சீராக வைத்துக் கொள்ளலாம்.

பால், மீன், முட்டைகோசு, கேரட், கீரை, மாம்பழம் போன்றவற்றில் வைட்டமின் ஏ அதிகமாக உள்ளது.

எனவே இவற்றை உண்டு வந்தால் கண் பார்வை குறைபாடு உள்ளவர்களுக்குக் கூட பார்வைத் ‌திறன் அதிகரிக்கும். 

குளுகோமா நோயைத் தவிர்க்கலாம்.

காய்கறிகள், பழங்கள், ‌கீரைகளை அதிகம் உணவில் உட்கொள்வது கண்ணுக்கு ‌மிகவும் நல்லது.

Thanks to

*🍃Sri Yoga & Natural

 *தொடர் தும்மல் ஏற்பட என்ன காரணம்- தீர்வு என்ன?* 

சிலர், காலையில் எழுந்தவுடன் தொடர்ச்சியாக தும்மிக்கொண்டே இருப்பார்கள், தும்மல் தொடங்கினால் அவ்வளவு சீக்கிரம் நிற்காது.  

காற்றைத் தவிர வேறு எந்த ஒரு வெளிப்பொருளும் மூக்கில் நுழைந்தால், மூக்கு அதை ஏற்காது. உடனே ஒரு எதிர்வினையை உருவாக்கும். அந்த எதிர்வினைதான் தும்மல். இது அனிச்சையாக நடக்கும்.  உள்ளே செல்லும் பொருளை வெளியே தள்ள நடக்கும் முயற்சி அது. தூசு, துகள்கள், பாக்டீரியா என்று எது போனாலும் உடனே தும்மல் வெளிப்படும்.   

தூசு மற்றும் ஒவ்வாமை காரணமாகவே தொடர் தும்மல் ஏற்படுகிறது. ஏ.சி-க்கு கீழே அமர்ந்து வேலை பார்ப்பவர்களுக்கு மூச்சுக்குழாயில் ஃபங்கஸ் (Fungus) படர்வதால் தொடர் தும்மல் ஏற்படலாம். வாகனப்புகைகளை சுவாசிப்பது, அன்றாடம் பயன்படுத்தும் பொருள்களின் மூலம் பரவும் தூசுகள், கழிவுகளிலிருந்து வெளிவரும் மாசு போன்றவை ஏற்படுத்தும் ஒவ்வாமையும் தும்மலுக்குக் காரணமாக இருக்கும்.  

அதேபோல் உடல் உறுப்புகளில் ஏற்படும் ஒவ்வாமைப் பிரச்னைகளும் (Internal Influence) தும்மல் வரக் காரணமாக இருக்கின்றன. இந்தப் பிரச்னை உள்ளவர்களுக்கு, நோய் எதிர்ப்பு சக்தி மிகவும் குறைவாக இருக்கும். இந்த ஒவ்வாமையானது தும்மல் மட்டுமின்றி வேறு சில பிரச்னைகளையும் ஏற்படுத்தலாம். உதாரணமாக கண் அரிப்பு, சளி, இருமல், மூச்சுக்குழாய் மற்றும் தோலில் அரிப்பு, தோல் தடித்துக் காணப்படுதல் போன்ற பாதிப்புகளை ஏற்படுத்தலாம். இப்படிப்பட்டவர்களுக்கு ஆஸ்துமா, சைனஸ், மூச்சிரைப்பு போன்ற பாதிப்புகள் இருக்க வாய்ப்புகள் அதிகம்.  

தும்மலின்போது கண் அரிப்பு, கண் வலி, மூச்சிரைப்பு அல்லது தீவிர தலைவலி போன்றவை இருந்தால், அவை சைனஸ் பாதிப்பின் அறிகுறிகளாக இருக்கும். இப்படிப்பட்ட சூழலில் மருத்துவரை அணுகி, எக்ஸ்-ரே எடுத்துக்கொள்ளவும். அதைத் தொடர்ந்து, `ஈஸ்னோபீலியா கௌன்ட்' (Eosinophil count) என்ற ரத்தப் பரிசோதனை செய்துபார்க்கவும். 

சளி இருமல் போன்ற பிரச்னைகளுக்கு முதல் நிலையிலேயே (Acute Illness) மருத்துவ ஆலோசனை பெறுவது, பிரச்னையின் தீவிரத்தைக் குறைக்க உதவும். பலர் வீட்டு மருத்துவத்திலேயே தீர்வு காண முயல்வர். சளி, இருமல் போன்ற தொந்தரவுகள் அதிகபட்சம் ஒருவாரம் வரை இருக்கலாம்; மூன்று நாள்களுக்குப் பிறகு பாதிப்பின் தீவிரத்தன்மை குறைய வேண்டும். அப்படியில்லாமல் `க்ரோனிக் இல்னெஸ்' (Chronic Illness) எனப்படும் தொடர் பாதிப்பு இருந்தால், நெஞ்சுச்சளி இருக்கிறதா என்பதைத் தெரிந்துகொள்ள மார்பு பகுதியில் எக்ஸ்-ரே எடுத்துப் பார்க்கவும்.  

ஒவ்வாமை காரணமாக ஏற்படும் தொடர் தும்மல், `அலெர்ஜிக் ரைனைட்டிஸ்' (Allergic Rhinitis) பாதிப்புக்கான அறிகுறியாக இருக்கலாம். இந்தப் பிரச்னை இருந்தால் தும்மலுடன் சேர்ந்து இருமல், கண் எரிச்சல், சளி அதிகமாகி மூக்கு ஒழுகுதல், கண்ணில் கருவளையம் தோன்றுதல், உடல் சோர்வு, கண்ணில் நீர் வடிதல் போன்ற பாதிப்புகள் ஏற்படும். எனவே, அப்படியான அறிகுறிகள் தெரிந்தாலும் மருத்துவரை உடனடியாக அணுக வேண்டும்.  

ஒவ்வாமை மற்றும் பாதிப்பின் முதல் நிலையில் இருப்பவர்கள் மட்டுமே வீட்டு மருத்துவத்தைப் பின்பற்றலாம். தொடர் சிக்கல் நீடித்தால், உங்கள் உடலுக்கு எது ஒவ்வாமையை ஏற்படுத்துகிறது என்பதைக் கண்டறிந்து, அந்தச் சூழலைத் தவிர்க்கவும். முடியாதபட்சத்தில், அந்தச் சூழலில் பாதுகாப்பாகச் செயல்பட வேண்டும். தூசு அலர்ஜி உள்ளவர்களுக்கு, ஒவ்வாமை எளிதில் ஏற்பட்டு தொடர் தும்மலை ஏற்படுத்தும். எனவே, அத்தகைய பிரச்னை உள்ளவர்கள் வீட்டைச் சுத்தமாகவும் தூசு சேராமலும் பார்த்துக்கொள்ள வேண்டியது அவசியம். 

*எளிய வைத்தியம்*

* கண்களில் நீர்வடியும் பிரச்சனை உள்ளவர்கள் தினந்தோறும் வெறும் வயிற்றில் ஊறவைத்த 4 பாதாம் பருப்புகளை மென்று தின்றால் நீர் வடிதல், கண் சூடு, கண் எரிச்சல் ஆகியன குணமாகும்.

* சித்தரத்தையைச் சிறிதளவு எடுத்துப்பொடித்து, பசும்பாலில் கலந்து உட்கொண்டால் தும்மல், மூக்கில் நீர்வடிதல் குணமாகும். 

* பூண்டுத் தோல், மிளகு, ஓமம், ஆகியவற்றை இடித்து நெருப்பு அனலில் இட்டுப்புகையைப் பிடித்தால் மூக்கடைப்பு மூக்கில் நீர்வடிதல் முதலிய நோய்கள் குணமாகும். 

* 1 ஸ்பூன் தேனில் சிறிது மிளகுத் தூள்  கலந்து ஒரு நாளைக்கு 2-3 முறை சாப்பிட்டு வந்தால், தும்மல் பிரச்சனை நீங்கும். 

* எலுமிச்சை ஜூஸில் தேன் கலந்து குடித்தால் மூக்கில் ஏற்படும் அரிப்பில் இருந்து விடுவிக்க உதவும். 

* இஞ்சியை பொடியாக நறுக்கி, கொதிக்கும் நீரில் போட்டு நன்கு கொதிக்க வைத்து இறக்கி வடிகட்டி, தேன் கலந்து குடிக்க வேண்டும். அப்படி தினமும் குடித்து வந்தால்,  தொற்றுக்களால் ஏற்படும் தும்மலில் இருந்தும் விடுபடலாம். 

* நான்கு கப் தண்ணீரில் சிறுதுண்டு இஞ்சி, இலவங்கப்பட்டை சிறுதுண்டு  நட்சத்திர சோம்பு 2 மூன்றையும் போட்டு கால் கப் ஆகும் வரை நன்றாகக் கொதிக்கவைத்து 2 மேசைக்கரண்டி தேன், பாதி எலுமிச்சம் பழத்தையும் அத்துடன் பிழிந்து அருந்த ஜலதோஷத்தைப் போக்கக் கூடிய அற்புதமான நிவாரணியாக இருக்கும்.  

* ஒரு தம்ளர் பசும்பாலை அடுப்பில் வைத்து காய்ச்சி பால் பொங்கியதும் அடுப்பை மிதமான சூட்டில்(Sim) வைத்து, பாலில் ஒரு டீஸ்பூன் மஞ்சள் தூள், அரை டீஸ்பூன் இலவங்க பட்டை தூள், சின்ன இஞ்சி துண்டை நசுக்கி போட்டு, அரை டீஸ்பூன் மிளகு தூள் ஆகியவற்றை சேர்த்து ஒரு நிமிடம் அடுப்பை எரிய வைத்து அடுப்பை அணைத்து சூடு சற்றே ஆறியதும் வடிகட்டி தேவைக்கு ஏற்ப தேன் அல்லது பனங்கற்கண்டு தூள் சேர்த்து பருகலாம். தும்மல், மூக்கு ஒழுகுதல், கண் சூடு, ஒவ்வாமை தீரும். 

* ஒரு தம்ளர் தண்ணீரில் மஞ்சள் தூள், மிளகு போட்டு கொதிக்க வைத்து குடிக்கும் பதச்சூடு வந்தவுடன் வடிகட்டி அருந்த ஒவ்வாமை தன்மை, மூக்கில் நீர் வடிதல், தொடர் தும்மல் தீரும். 

ஏதாவது ஒரு எளிய மருத்துவ முறையை பயன்படுத்தி பயனடையவும்.

 *சைனஸ் தொல்லையா? கவலை இல்லை!* 

சைனஸ் பிரச்சனையை கவனிக்காமல் விட்டால், மூக்கின் இரண்டு பக்கங்களிலும் உள்ள சிற்றறைகளில் தேங்கிய நீர், மூளை வரை சென்று, மூளைக் காய்ச்சல் வர வாய்ப்பு ஏற்பட்டு விடும். வீடுகளில், மின் விசிறிகளில், குளிர்சாதன இயந்திரங்களில், துாசி தேங்காமல் பார்த்துக் கொண்டால், மூக்கில் ஒவ்வாமை ஏற்படாமல் சைனசிலிருந்து தப்பிக்கலாம் 

*சைனஸ் என்றால் என்ன?* 

நம் மூக்கைச் சுற்றி, எலும்புகளில் துளைகள் உள்ளன. இவற்றை, சைனஸ் அறைகள் என்கிறோம். புருவத்தின் மேல் நெற்றியில், 'பிரன்டனல்' என்ற அறைகளும், சற்று கீழே, 'எத்மாய்டு' அறைகளும், மூக்கின் இருபுறமும் கன்னத்தில், 'மேக்சிலரி' என்ற, சிற்றறைகளும் உள்ளன. இந்த சிற்றறைகள், காற்றால் நிரப்பப்பட்டிருக்கும். இவற்றின் ஏதாவது ஒரு அறையில், நீர் அல்லது சளி தங்கிய பின், சில காரணங்களால், அந்த அறை வாசல் அடைத்துக் கொள்வதால், சைனஸ் பாதிப்பு ஏற்படுகிறது. 

*அறிகுறிகள்* 

தலை பாரமாக இருத்தல், மூக்கடைப்பு, மூக்கில் நீர் வடிதல், அதிக தும்மல், தலைவலி ஆகியவை முக்கிய அறிகுறிகள்; முற்றிய நிலையில் தொண்டை வலியும் இருக்கும். 

*மூக்கடைப்பு ஏற்படும்* 

சிற்றறைகளில் இருந்து வெளியே வர வேண்டிய நீர், சளியாக மாறி, கட்டியாக அடைத்துக் கொள்வதால், மூக்கடைப்பு, மூச்சுத் திணறல் ஏற்படுகிறது. ஒரு வாரம், மருந்து, மாத்திரை சாப்பிட்டால், சரியாகி விடும். 

*சளி தானே என விடுவது ஆபத்தா?* 

அலட்சியமாக விட்டால் மூச்சுத் திணறலால் அவதிப்பட வேண்டி வரும். தொற்று பாதிப்புகள் வரவும் வாய்ப்புண்டு. நெற்றி சிற்றறைகளில் சேர்ந்த நீர், மூளை வரை சென்று, மூளைக் காய்ச்சல் ஏற்படவும் வாய்ப்புள்ளது. ஒரு கட்டத்தில், உயிரிழப்புக்கும் இது காரணமாகி விடும்; இதில், கவனமாக இருப்பது நல்லது. 

*சுயமருத்துவம் நல்லதா?* 

சளி பிரச்னைக்கு, மருந்து கடைகளில், மருந்து, மாத்திரை வாங்கி சாப்பிடலாம்; ஒரு வாரத்தில் சரியாகவில்லை என்றால் மருத்துவ நிபுணரின் ஆலோசனை பெறுவது அவசியம்.    

*முன்னெச்சரிக்கை நடவடிக்கைகள் என்ன?* 

வீடுகளை, தூய்மையாக வைத்திருக்க வேண்டும். மின் விசிறிகளில் துாசி படிவது; நாய், பூனை உள்ளிட்ட வீட்டு செல்லப் பிராணிகள் எச்சம் மற்றும் முடி இரைந்து கிடப்பது, குளிர்சாதன இயந்திர, 'பில்டரில்' துாசி படிதல் ஆகியவற்றால், பிரச்னை ஏற்படும். குளிர்சாதன இயந்திரத்தை, வாரத்திற்கு ஒரு முறை, சுத்தம் செய்ய வேண்டும். பெரிய அலுவலகங்களில், 'சென்ட்ரலைஸ்டு ஏசி' உள்ளது. இவற்றில், நிறைய துாசி படியும். இதை ஆண்டுக்கணக்கில் சுத்தம் செய்யாமல் விட்டு விடுவதால், சைனஸ் பிரச்னை வர வாய்ப்புள்ளது. மேலும், அலுவலகத்தில் உள்ள ஒருவர், அலர்ஜியால் பாதிக்கப்பட்டு தும்மினாலும், அதன் பாதிப்பு, அலுவலகத்தில் உள்ள எல்லாரையும் தொற்றிக் கொள்ள வாய்ப்புள்ளது. இது, நிறுவனத்தின் வளர்ச்சியை பாதிக்கும் என்பதால், நிறுவனங்கள் இதில் கவனம் செலுத்த வேண்டும். 

*வீடுகளை சுத்தம் செய்வதில் சிறப்புக் கவனம் தேவை* 

வீடுகளை வெறுமனே பெருக்கி சுத்தம் செய்து விட்டோம் என, இருப்பது சரியல்ல. தண்ணீரால், தினமும் தரையைத் துடைக்க வேண்டும். சிலருக்கு காட்டன் மெத்தை, தலையணை, அலர்ஜியை ஏற்படுத்தும். அத்தகைய வீடுகளில், 'போம்' வகையிலான மெத்தை, தலையணையை பயன்படுத்துவது நல்லது. 

*குழந்தைகளுக்கான பாதிப்பு* 

குழந்தைகள், தரமற்ற ஐஸ்கிரீம் சாப்பிடுதல், காய்ச்சி வடிகட்டிய தண்ணீர் குடிக்காமல், சாதாரணமாக தண்ணீர் குடிப்பது, குளிர்பதன பெட்டிகளில் சரியாக அளவில் பாதுகாக்காத, 'ஐஸ்கிரீம்' சாப்பிடுவதால், சைனஸ் பாதிப்பு வரும். இதில், பெற்றோர் கவனமாக இருக்க வேண்டும். குழந்தைகளுக்கு 

தொண்டை தசை (டான்சில்) வளரும்போது, மூச்சு விடுவதில் சிரமம் இருக்கும். மூக்கு, தொண்டைக்கு மேல் உள்ள, 'அடினாய்டு' அடைப்பு ஏற்படுவதால் பாதிப்பு வரும். இதற்கு அறுவைச் சிகிச்சை செய்ய வேண்டும்

*பனிக் காலங்களில் பாதிப்பு* 

பனிப் பொழிவு அதிகம் உள்ள பகுதிகள், மலை பிரதேசங்களில், அலர்ஜி பாதிப்பு அதிகம் வரும். மலர்களில் உள்ள, மகரந்த துகள்கள், இதற்கு காரணமாக அமையும். காது, மூக்கு, தொண்டைக்கும் தொடர்புண்டு. இதனால், ஒன்றில் ஏதாவது பாதிப்பு வந்தாலும், அடுத்தடுத்த பகுதிகளையும் பாதிக்கும். தும்மல், சளிதானே என, மக்கள் அலட்சியமாக இருப்பதை கைவிட வேண்டும். 

*சளிக்கான சிறப்பான வைத்தியம்* 

ஒரு கைப்பிடி தூதுவளை,

ஒரு கைப்பிடி துளசி,

ஒரு வெற்றிலையுடன் ஒரு சிறிய துண்டு சுக்கு,

அரை டீஸ்பூன் மிளகு,

ஒரு டீஸ்பூன் முழு மல்லி சேர்க்கவும் (திப்பிலி இருந்தால் அரை டீஸ்பூன் சேர்த்துக்கொள்ளலாம்).

இவை அனைத்தையும் இரண்டு டம்ப்ளர் தண்ணீரில் ஐந்து நிமிடங்கள் கொதிக்க வைத்து இறக்கவும். இதில், பெரியவர்கள் ஒரு டம்ளர், 15 வயது வரையுள்ள குழந்தைகள் அரை டம்ளர், 8 வயதுக்குக் கீழான குழந்தைகள் 10 மிலி என, 15 நாள்களுக்கு ஒருமுறை பருகி வரவும். நாள்பட்ட சளியையும் வெளியேற்றிவிடும். மேலும், நுரையீரலை பலப்படுத்தி சளி தங்காமல் காக்கும். 

*  தக்காளி, மிளகு, பூண்டு ரசம் வைத்து சூடாக அடிக்கடி குடிக்கலாம். 

*  குப்பை மேனி இலையை அரைத்து சாறு எடுத்து அதில் ஒவ்வொரு சொட்டு இரண்டு மூக்கு துவாரங்களில் விட்டால் முக்கடைப்பு, தலைபாரம் தீரும்.   

*  ஒரு கைப்பிடி குப்பைமேனியை எடுத்து அலசி, அதோடு 4 மிளகு சேர்த்து தண்ணீர் சேர்க்காமல் அரைத்து சாறு எடுக்கவும். இதை மூன்று நாள்களுக்கு காலையில் வெறும் வயிற்றில் குடித்து வரவும். இதைக் குடித்த பின்னர் நிச்சயம் வாந்தி வரும் பயப்பட வேண்டாம் அது சளி வெளியேற்றமே. மேலும், குப்பைமேனியால் குப்பையான மேனியும் அழகுபெறும். பெண்களுக்கு கர்ப்பப்பை புற்றுநோய், மார்பகப் புற்றுநோய் வராமல் காக்கும். 

*  இஞ்சி, பூண்டு, மிளகு, துளசி, ஏலக்காய் போன்றவற்றை தட்டிப்போட்டு அத்துடன் பனைவெல்லம் சேர்த்து சாப்பிட்டால் சளி, தொண்டை வலிக்கு இதமாக இருக்கும். முருங்கைக்கீரை பொறியல் அல்லது சூப் வைத்து சாப்பிடலாம். 

*முருங்கை இலை சூப்* 

*தேவையான பொருட்கள்*

முருங்கை இலை - 2 கப்

சின்ன வெங்காயம் - 10

தக்காளி - 1     

பூண்டு - 4 (அ) 5  (பெரிய பல்)

மிளகு - ½ டீஸ்பூன்    

சீரகம் - ½ டீஸ்பூன்

உப்பு - தேவைக்கேற்ப

மல்லித் தழை - 1 கைப்பிடி. 

*செய்முறை*

முருங்கை இலையை (பழுப்பு இலை இல்லாமல்) ஆய்ந்து நன்கு கழுவி அத்துடன் சின்ன வெங்காயம், தக்காளி, பூண்டு, சீரகம், மிளகு, தண்ணீர் ஆகியவற்றை சேர்த்து நன்றாக வேக வைத்து, இறக்கிவைக்கவும். பின், சூடு ஆறிய பிறகு, அதை மிக்ஸியில் அரைத்து, தேவைப்பட்டால் தண்ணீர் உப்பு, மிளகுத்தூள் சேர்த்து ஒரு கொதி கொதிக்க வைத்து மல்லித்தழை தூவி சூடாக குடிக்கலாம். 

இது சளி, தொண்டை கரகரப்புக்கு நல்ல இதமாக இருக்கும். மிளகு, பூண்டு, வெங்காயம், தக்காளி அனைத்துமே நல்ல நோயெதிர்ப்பு பொருட்கள். 

சிறியவர்களுக்கும், முதியவர்களுக்கும் இந்த சூப் செய்து சளிபிடித்த நாட்களில்  கொடுத்துவர அவர்களின் உடலில்  நோயெதிர்ப்புத் திறனை மேலும் வலுவடையச் செய்யலாம். 

அதேபோல, உணவும் மருந்தும் ஒருபுறம் இருக்க, நுரையீரலை ஆரோக்கியமாக வைத்துக்கொள்வதும் அவசியம். அதற்கு, மூச்சுப் பயிற்சி நல்ல பலனைக் கொடுக்கும்.

*சுப்த வஜ்ராசனம்*🌿🙏

வஜ்ராசன நிலையில் அமரவும்

1.முதலில் இடது முழங்கை முட்டியையும், பிறகு வலது முழங்கை முட்டியையும் ஒன்றன் பின் ஒன்றாக மிக மெதுவாக பின் பக்கத் தரையில் வைக்கவும்.

2.மெதுவாக உடலை பின் பக்கமாகச் சாய்த்து - முதுகையும், பிறகு தலையையும் தரையில் வைக்கவும். கைகள் இரண்டையும் உடலின் பக்கவாட்டில் நேராக வைக்கவும்.

3.தோள்கள் இரண்டும் தரையை தொட்ட நிலையிலும், முழங்கால் முட்டிகள் இரண்டும் அருகருகே சேர்ந்த நிலையிலும் இருக்க வேண்டும். புதிதாகத் துவக்குபவர்கள் கைகள் இரண்டையும் தொடையின் மீது வைத்துக் கொள்ளலாம்.

4.இந்த நிலையில் நன்கு பயிற்சி பெற்றதும், இரண்டு கைகளையும் மேல் நோக்கி மடக்கி - கத்தரிக்கோல் போன்ற நிலையில் தோளுக்குக் கீழ் - வைத்துக்கொள்ளவும்.

5.வலது கை இடது தோளுக்குக் கீழும், இடது கை வலது தோளுக்குக் கீழும், மடங்கிய கைகளுக்கு இடையில் தலை இருக்கு மாறும் நிலைகொள்ள வேண்டும்.

6.பழைய நிலைக்குத் திரும்ப முதலில் கைகள் இரண்டையும் ஒவ்வொன்றாக எடுத்து, உடலின் பக்கவாட்டிற்கு கொண்டு வந்தப் பிறகு, ஆரம்பத்தில் செய்த்தைப் போல முழங்கைகளால் ஊன்றிக் கொண்டு வஜ்ராசன நிலைக்கு வரவும்.

கவனத்தில் கொள்ள வேண்டியவை:

முதுகை கீழே சாய்க்கும் போது, மிக நிதானமாக உடலின் எடையை சமாளித்து இறக்க வேண்டும். அவசரமாகவோ அல்லது வேகமாகவோ செய்தால் தசை பிடிப்பு ஏற்படலாம்.

வஜ்ராசனம் செய்வதற்கே சிரமப்படுபவர்கள், இந்த ஆசனத்தை செய்வதைத் தவிர்க்க வேண்டும்.

புதிதாக யோகப் பயிற்சி செய்ய‌ப் பழகுகிறவர்கள், முழங்கால்கள் இரண்டையும் ஒன்றாக வைக்க சிரம்மாக இருந்தால் விலக்கி வைத்துக் கொள்ளலாம்.

பயன்கள்:

அடி வயிற்றுத் தசைகளை வலிமைப்படுத்தும்.

அதிக இரத்த அழுத்தம் உள்ளவர்களும், சியாட்டிகா என்றழைக்கப்படும் இடுப்பு சந்து வாதம் உள்ளவர்களுக்கும் இந்த ஆசனம் நல்ல பயனளிக்கும்.சைனஸ் சுவாச கோளாறு,இடுப்பு ஊளச்சதை, சரியாகும்

மலச்சிக்கல் தீர்வதற்கு இது மிகச் சிறந்த வழியாகும்.

குறிப்பு:

மூட்டு வலி உள்ளவர்கள்

வாய்வுப் பிரச்சனை உள்ளவர்களும், இடுப்பு வலியுள்ளவர்களும் இந்த ஆசனத்தை பயிற்சி செய்ய வேண்டாம்.



 *உடல் பருமனை குறைக்க இயற்கை மருத்துவ வழிகள் :-*

👉 சிறிது வெதுவெதுப்பான தண்ணீரில் ஒரு டீஸ்பூன் தேன் கலந்து பருகி வந்தால் உடல் பருமன் குறையும்.

👉 அருகம்புல் சாறெடுத்து தினமும் காலையில் வெறும் வயிற்றில் குடித்து வர தொப்பை குறையும்.

👉 ஆமணக்கின் வேரை இடித்து தேன் கலந்து நீரில் இரவு ஊற வைத்து காலையில் கசக்கிப் பிழிந்து, நீரை வடிகட்டி குடித்தால் உடல் பருமன் குறையும்.

👉 கேரட்டுடன் தேன் சேர்த்து சாப்பிட்டு வந்தால் தேவையற்ற கொழுப்பு குறைந்து உடல் எடை குறையும்.

👉 கரிசலாங்கண்ணி இலையை, பாசி பருப்புடன் சேர்த்து சமைத்து தினமும் சாப்பிட உடல் எடை குறையும். 

👉 உடல் எடையை குறைக்க நினைப்பவர்கள் தினம் குடிப்பதற்கு சுடு நீரை பயன் படுத்திவது நல்ல பலன் தரும்.

👉 முடிந்தால் 15 நாட்களுக்கு ஒரு முறை காலை முதல் மாலை வரை தண்ணீரை மட்டும் அருந்தி விரதமிருங்கள். சர்க்கரை நோய், இரத்த அழுத்தம் வேறு உடல் நலப் பிரச்சனைக்கு மருத்துவம் எடுப்பவர்கள் முயற்சிக்க வேண்டாம்.

*குறிப்பு :*

👉 உடல் எடையை குறைக்க எவ்வளவு மருத்துவ முறைகள் பின் பற்றினாலும் உடற்பயிற்சி, சரியான நேரத்திற்கு உணவு அவசியம்.

 *குளிர்காலத்திற்கு ஏற்ற உணவுகள்..!!*

*குளிர்காலங்களில் ஏற்படும் கடும் குளிரிலிருந்து காத்துக்கொள்ள நாம் சில முன்னெச்சரிக்கை நடவடிக்கைகளை மேற்கொள்ள வேண்டும்.*

*மழை, பனி போன்ற குளிர்காலத்தில் சுற்றுப்புறச்சூழலின் வெப்பம் குறைவாக இருப்பதால் உடலில் ஜீரண சக்தி குறைவாக இருக்கும். அதனால் நாம் எளிதில் செரிமானம் ஆகக்கூடிய உணவுகளை தேர்ந்தெடுத்து சாப்பிட வேண்டும்.*

*உடல் வெப்பத்தை தக்க வைக்கும் உணவுகளை உண்பதன் மூலம் உடலை குளிர்காலத்திற்கு ஏற்ற வகையில் வைத்துக்கொள்ள இயலும். குளிர்காலத்திற்கு ஏற்ற உணவுகள் என்னென்ன? என்பதை பற்றி தெரிந்து கொள்வோம்.*

*குளிர்காலத்தில் சாப்பிட வேண்டியவை :*

*குளிர்காலங்களில் சளி, இருமல் மற்றும் காய்ச்சலால் நீங்கள் அவதிப்பட நேரிடலாம். பாக்டீரியா மற்றும் வைரஸ்களினால் பரவும் நோய்களை எதிர்க்கும் சக்தி பூண்டில் உள்ளது. இதனால், குளிர்காலத்தில் தொண்டைகளில் ஏற்படும் பிரச்சனைகளுக்கு 2-3 பூண்டு பற்களை மென்று விழுங்குவதன் மூலம் தீர்வு காண முடியும்.*

*குளிர்காலங்களில் உணவில் தேனை சேர்த்து கொள்வது மிகச்சிறந்த ஒன்றாகும். இது ஜீரண சக்தியை அதிகரித்து ஆரோக்கியத்தை மேம்படுத்தும். மேலும் நோய் எதிர்ப்பு சக்தியையும் மேம்படுத்த உதவும்.*

*குளிர்காலங்களில் சரியான உணவுமுறையை பெறுவதற்கும், தேவையான பிராணவாயுவை உட்கொள்வதற்கும், வேர்க்கடலையை சிறிதளவு உணவில் சேர்த்து கொள்ள வேண்டும்.*

*பாதாம் பருப்பு அதிகளவில் பலன் தரக்கூடியது. இதன்மூலம் குளிர்காலங்களில் ஏற்படும் மலச்சிக்கலை தவிர்க்க முடியும்.*

*நீர்ச்சத்துக்கள் நிறைந்த சுரைக்காய், பூசணிக்காய், புடலங்காய், பீர்க்கங்காய், வெள்ளரி போன்ற காய்கறிகளை குறைந்த அளவிலேயே சாப்பிடலாம்.*

*காரம், கசப்பு, துவர்ப்பு சுவையுள்ள உணவுகளை அதிகம் சேர்த்து கொள்ளலாம்.*

*இரவு தூங்குவதற்கு முன்பு பசும்பாலில் மஞ்சள் தூள், மிளகுத்தூள், பனங்கற்கண்டு சேர்த்து சாப்பிடுவது உடலுக்கு நல்லது. இதனால், ஜலதோஷம் தொடர்பான பிரச்சனைகள் வராது.*

*சாப்பிடக்கூடாதவை :*

*உணவில் இனிப்பு அதிகம் சேர்த்து கொள்ளக்கூடாது.*

*எண்ணெயில் பொரித்த உணவுகளை அதிகம் சாப்பிடக்கூடாது.*

*இரவு உணவில் பச்சைப் பயிறு, கேழ்வரகு ஆகியவற்றை சேர்க்க வேண்டாம்.*

*சிலருக்கு மழைக்காலத்தில் எலுமிச்சை பழம் மற்றும் ஆரஞ்சு ஜுஸ் பருகினால் ஒத்துக்கொள்ளாது. அதனால், பருகாமல் இருப்பது நல்லது.*

*மழைக்காலங்களில் இரவில் கீரை வகைகளை அதிகம் சாப்பிடக்கூடாது.*

*பால், தயிர், வெண்ணெய் மற்றும் நெய் போன்றவற்றையும் அதிகம் சாப்பிடக்கூடாது.*

 *பிராண_முத்திரை*

மோதிர விரல், சுண்டு விரல் நுனிகள் இரண்டும், கட்டை விரலின் நுனியை தொட்டு கொண்டு இருக்க வேண்டும். மற்ற விரல்கள் நேராக இருக்க வேண்டும்.

*பலன்கள்*

1. கண் கோளாறுகள் நீங்கி ஒளி பெறும்.

2.நோய் எதிர்ப்பு சக்தி அதிகரிக்கும்.

3.புற்று நோய்க் கட்டிகள் நீ்ர்க்கட்டிகளின் தீவிரத்தைக் குறைக்கும்.

4.நோய் எதிர்ப்பு சக்தி அதிகரிக்கும்

5.கண் சம்மந்தமான நோய்கள் குணமாகும்

6.களைப்பு நீங்கும்

7.நரம்புத் தளர்ச்சி நீங்கும்

8.பக்கவாதம் குணமாகும்

9.நினைவாற்றல் அதிகரிக்கும்

10.ஆஸ்துமா, சுவாச நோய்கள் குணமாகும் .

11.திக்குவாய் பேச்சு தெளிவின்மை ஆகியவற்றைப் போக்கும்.

12.கைகால் நடுக்கம் நடையில் தள்ளாட்டம் ஆகியவற்றைப் பேக்கும்.

இம்முத்திரையை 20 முதல் 40 நிமிடங்கள் வரை செய்யலாம். வஜ்ராசனம், பத்மாசனம், சுகாசனத்தில் செய்வது சிறப்பு.  வயதானவர்கள், ஆசனநிலையில் அமர முடியாதவர்கள் நாற்காலியில் அமர்ந்து செய்யலாம்.

 தொடர்ந்து 40 நிமிடம் செய்ய முடியவில்லை என்றால் காலையில்20 நிமிடமும் மாலையில்20 நிமிடமும் செய்யலாம்.

 *உடல் எடை குறைக்கும் பாதஹஸ்தாசனம்*

தொந்தி குறையும்

-----------------

தொந்தி வியாதிக்கு தந்தி. தொப்பையை குறைக்கும் அருமையான ஆசனம் இது.

உடல் எடை

------------

உடல் எடை அதிகமாக இருந்தாலும் அதனை குறைத்துவிடும். வயதிற்கேற்ப உடல் தசையை இருக்கச் செய்யும்.

சர்க்கரை நோய் நீங்கும்

-----------------------

கணையம் நன்றாக இயங்கும் அதனால் சர்க்கரை நோய் (சுகர்) கட்டுக்குள் கொண்டு வரும். தொடர்ந்து பயிற்சி செய்தால் சுகர் இல்லாமல் சுகமாக வாழலாம்.

முதுகு திடப்படும்

-----------------

முதுகெலும்பு திடமாக இயங்கும். முதுகு தண்டை திடப்படுத்தும் ஆசனமிது.

மாதவிடாய் பிரச்சனை

----------------------

பெண்களுக்கு ஏற்படும் மாதவிடாய் பிரச்சனை, நீர்க்கட்டி பிரச்சனை தீரும்.

ஆண்மையின்மை

-----------------

ஆண்மைக்குறைவு, மலட்டுத்தனம் சரி செய்கின்றது.

இருதயம்

---------

இருதயம் நுரையீரல் உள்ள கழிவுகள் வெளியேறி மிக நன்றாக இயங்கும்.

கண் பார்வை

------------

கண் பார்வை தெளிவாகின்றது. கண் நரம்புகள் நன்றாக இயங்கும்.

தலைமுடி

---------

தலைமுடி நன்கு வளரும் முடி கொட்டாது.

 *பழங்களை நீரில் ஊற வைத்து சாப்பிடுவதினால் இவ்வளவு நன்மைகளா?*

பழங்களினால் கிடைக்கும் ஆரோக்கிய நலன்கள் ஏராளம். பழங்களை சாப்பிடுவதற்கு முன் நீரில் ஊற வைத்து சாப்பிடுவதால் உடலுக்கு எண்ணற்ற நலன்கள் கிடைக்கும்.

• இன்றைய நவீன உலகத்தில் விளைச்சல் அதிகம் கிடைப்பதற்காக பயிர்களின் மேல் பூச்சிக்கொல்லி மருந்துகளை உபயோகப்படுத்துவது அதிகமாகிவிட்டது.

• பழங்களின் மேல் தெளிக்கப்பட்டிருக்கும் பூச்சி கொல்லிகள், உரங்கள் ஆகியவற்றை நீக்க, பழங்களை நீரில் ஊற வைப்பது சிறந்த வழியாகும்.

* இதனால் பூச்சிக்கொல்லிகளினால் ஏற்பட கூடிய பாதிப்புகளான கண் எரிச்சல், சரும பிரச்சினைகள், சுவாச கோளாறுகள் போன்றவற்றிலிருந்து விடுபடலாம்.

* பழங்களை நீரில் ஊற வைத்து சாப்பிடுவதால் செரிமான கோளாறுகள், வயிற்று போக்கு, நோய் தொற்றுகள் ஏற்படாமல் தடுக்க இயலும்.

பொதுவாகவே பழங்களை 3 முதல் 4 மணி நேரம் நீரில் ஊற வைப்பது சிறந்தது

 *இந்த ஒரு சூப்_குடிச்சால்_எந்த_நோயும் #உங்களை_நெருங்காது*

வீட்டில் இருக்கும் அனைவருக்கும் ஒருவர் பின் ஒருவராக காய்ச்சல் வருவதை நாம் தவிர்க்க முடிவதில்லை. காய்ச்சல் என்பது உடல் சூட்டை மட்டும் கொடுக்காது தலைவலி மற்றும் சளி போன்ற பிரச்சனைகளையும் கொடுக்கிறது. இதை தடுக்க நாம் பல மருந்துகளை உபயோகித்தாலும், உணவே மருந்து என நமது தமிழ் மக்களின் கொள்கைப் படி இப்போது நாம் காய்ச்சல், தலைவலி, சளி போன்றவற்றை சரி செய்ய ஒரு உணவை தயாரிப்பது எப்படி என இங்கே காண்போம். இது ஒரு திரவ உணவு, சூடான சூப் வகையை சேர்ந்தது. இத சூப் உடல் சூடு மற்றும் நுண்ணுயிர்கள் எதிர்ப்பில் மிக சிறந்த பலன்களை கொடுக்க வல்லது.

தேவையான பொருட்கள்: 👩‍🍳🍛 📖✍🏻 

சீரகம் – 1/2 டீஸ்பூன்

இஞ்சி – 1 துண்டு

பட்டை – சிறிதளவு

வெள்ளை பூண்டு – 10 பற்கள்

மஞ்சள் தூள் – 1 டீஸ்பூன்

தனியா – சிறிதளவு

கிராம்பு – 7

தண்ணீர் – 750 ml

உப்பு – தேவையான அளவு

சூப் செய்முறை : ஒரு பிரஷர் குக்கரை எடுத்து அடுப்பில் வைக்கவும். குக்கரில் நாம் எடுத்து வைத்திருக்கும் 1/2 ஸ்பூன் சீரகத்தையும், மிளகையும், 1 டீஸ்பூன் மஞ்சள் தூளையும், தனியாவையும் போட வேண்டும். இந்த கலவையை நன்கு கிளறவும். பிறகு ஒரு 15 நொடிகளில் இருந்து 20 நொடிகளுக்கு பிறகு சிறிதளவு பட்டையையும், கிராம்புகளையும், இஞ்சி துண்டையும், தேவைக்கேற்ப உப்பையும் போட்டு அந்த கலவையை நன்கு கிளறவும்.

10 நிமிடங்கள் : ஒரு 10 நொடிகளுக்கு பிறகு நாம் எடுத்து வைத்திருந்த 750 ml தண்ணீரை அதனுள் ஊற்றி நன்கு கலக்கவும். பிறகு அந்த பிரஷர் குக்கரை அடுப்பின் மிதமான சூட்டில் ஒரு 10 நிமிடங்கள் வைக்கவும். (குறிப்பு:- பிரஷர் குக்கர் உபயோகிக்க வில்லை எனில் வேறு ஒரு பாத்திரத்தில் நாம் சமைக்கலாம். ஆனால் தண்ணீர் 750 ml க்கு பதில் 1250 ml தண்ணீர் அதனில் கலக்க வேண்டும். மேலும் 10 நிமிடங்களுக்கு பதில் 45 நிமிடங்கள் அடுப்பின் மிதமான சூட்டில் வைக்க வேண்டும்.)

சூப் ரெடி : பிறகு அந்த திரவத்தை தனியே எடுத்து, அதனுள் இருக்கும் இஞ்சி முதலான பொருட்களை நன்கு மசிய வைக்க வேண்டும். பிறகு அந்த திரவைத்தை ஒரு வடிகட்டி மூலம் வடித்து ஒரு பாத்திரத்தில் எடுத்துக் கொள்ளவும். இப்போது அந்த திரவத்துடன், சிறிதளவு தேன் கலந்தால் நம் உடலைக் காக்கும் சூப் ரெடி.

இந்த சூப்பில் உள்ள ஊட்டச்சத்துக்களின் விவரங்கள்:

மொத்த கலோரிகள்: 36 கலோரிகள்

மொத்த கொழுப்பு: 0.5 கிராம்

சாச்சுரேட்டட் கொழுப்பு: 01. கிராம்

சோடியம்: 603 mg

மொத்த கார்போ ஹைடிரேட்: 3%

*சளித் தொல்லை : இந்த சூப்பை காலை மாலை மற்றும் இரவு வேளைகளில் 3 நாட்களுக்கு பருகுவதால், உடல் வலி பறந்து போய் விடும். மிளகு, இஞ்சி போன்றவை சளி தொல்லைக்கு சிறந்தது என்பதால், சளி மூக்கின் வழியாக நீராக வந்து விடும்*

*இந்த சூப்பை குழந்தைகளுக்கு கூட கொடுக்கலாம்*

 *சாப்பிடும் முறையும் முக்கியம்...*

‘கல்வி, பொருளாதாரம் போன்ற நம் வாழ்வின் ஒவ்வொரு அத்தியாவசிய தேவைகளுக்காகவும் தற்போது நாம் அனைவரும் வேகமாக பயணிக்கும் ஒரு சூழல் ஏற்பட்டுள்ளது. இதுபோன்ற அவசரகதியான வாழ்வியல் சூழல்களால் சாப்பிடும்போதுகூட நாம் சரியான சாப்பிடும் முறைகளைக் கடைபிடிப்பதில்லை. 

இதனால் நமக்கு பல்வேறு உடல்நல பிரச்னைகள் உண்டாகிறது’ என்ற குடல் மற்றும் இரைப்பை அறுவைசிகிச்சை மருத்துவர் தீபக் சுப்பிரமணி அவர்கள் இதுகுறித்து மேலும் விளக்கமாக கூறியது...

இன்றைய பரபரப்பான நகர்ப்புற வாழ்க்கைச் சூழலில் சாப்பிடுவதற்குகூட சரியாக நேரம் ஒதுக்காமல் வேகவேகமாக ஓடுகிறபொழுது, பலர் காலை உணவு சாப்பிடுவதே இல்லை. அப்படியே சாப்பிட்டாலும் வேகவேகமாக அள்ளி விழுங்கி விட்டு செல்கின்றனர். சிலர் பணியிடங்களில் உள்ள பணிச்சுமை காரணமாக பல நேரங்களில் சாப்பிடுவதையே தவிர்த்துவிடுகின்றனர்.

அது மட்டுமல்ல இன்று பலர், பசி எடுக்கும் பொழுது சரியான நேரத்திலோ, சரியான முறையிலோ சாப்பிடுவதும் இல்லை. இதனால் நெஞ்செரிச்சல், வாயு பிரச்னைகள் மற்றும் சிறுகுடல், பெருங்குடல், இரைப்பை புண்கள் போன்றவையே பொதுவாக ஏற்படுகிற பிரச்னைகளாக இருக்கிறது. பள்ளி, கல்லூரி, அலுவலகம் மற்றும்

பணியிடங்களில் ஒரு மணி நேரம் வரையில் உணவு இடைவேளை விடுவதற்கும் காரணம் உள்ளது. உண்ணும் உணவை அவசரமின்றி, பொறுமையாக நன்கு மென்று, ருசித்து சாப்பிட வேண்டும் என்கிற காரணத்திற்காகவே இதுபோன்ற கால அளவில் உணவு இடைவேளைகளை வரையறை செய்துள்ளனர். ஒரு நாளைக்கு காலை, மதியம், இரவு என்று மூன்று பொழுதுகள் சாப்பிடுபவர்கள், ஒரு பொழுது சாப்பிடுவதற்கு குறைந்தது 10 முதல் 15 நிமிடங்களாவது செலவிட வேண்டும்.

தமிழ்நாட்டு உணவுமுறையில் சாம்பார், ரசம், மோர் என்று வரிசையாக சாப்பிடும் பழக்கம் உள்ளது. முதலில் காரமான உணவுப் பொருளை சாப்பிடத் தொடங்கி கடைசியாக தயிர் அல்லது மோர் என்று சாப்பிடுவது உணவு செரிமானத்துக்கு உதவியாக இருக்கும். அதாவது நாம் ஒரு சில நேரங்களில் அதிக காரமான உணவினை மட்டுமே சாப்பிடுகிறபோது வயிற்றில் ஏதோ ஒரு அமிலம் இருப்பது போன்ற அல்லது நெஞ்செரிச்சல் உணர்வு ஏற்படுவதுண்டு.

இதுபோன்ற உடல் உபாதைகள் ஏற்படாமல் இருப்பதற்கு நம் முன்னோர்கள் உருவாக்கியுள்ள உணவுமுறை உதவியாக இருக்கிறது.

இதுபோன்ற ஒரு வரிசைப்படி சாப்பிடும் முறையை நம் நாட்டில்தான் பின்பற்றுகிறோம். அமெரிக்கா, ஐரோப்பா போன்ற பிற நாடுகளில் இதுபோன்ற உணவு வரிசை முறைகள் பின்பற்றப்படுவது இல்லை.

பலரும் நினைப்பது போல நாம் சாப்பிடும் உணவின் செரிமானம், அது நம் வயிற்றுக்குள் சென்ற பிறகு மட்டுமே நடப்பதல்ல. அது நமது வாயில் இருந்தே தொடங்கி விடுகிறது. உணவானது வாயில் நமது எச்சிலில் உள்ள என்சைம்களுடன் சேர்ந்து நன்கு அரைக்கப்படுகிற பொழுதில் இருந்தே அதன் செரிமானம் ஆரம்பமாகிறது என்பதை நாம் புரிந்துகொள்ள வேண்டும். இதை அறியாமல் அப்படியே கடித்து விழுங்குகிற அனைத்து உணவுப் பொருட்களின் செரிமானப் பணியும் வயிற்றில் உள்ள குடலுக்கு மொத்தமாக அளிக்கப்படுகிற பொழுது அது அதிகப் பளுவாகி குடலுக்கு சிரமத்தை ஏற்படுத்தி விடுகிறது. இந்தக் காரணத்தால் தற்போது வயிற்றுப்போக்கு பிரச்னை அதிகமாகி வருகிறது.

இரவு தூக்கத்திற்குப் பிறகு அதிக நேரம் எதுவும் சாப்பிடாமல் இருந்துவிட்டு காலை உணவு சாப்பிடுவதால் அது உடலுக்கு மிகவும் அவசியமானது. அன்றைய தினம் நமது உடல் இயக்கங்களுக்குத் தேவையான சக்தியை அளிப்பதாக காலை உணவு இருக்க வேண்டியது அவசியம். இதனால்தான் காலை உணவை ஒரு ராஜாவைப் போல உண்ண வேண்டும் என்று சொல்கிறார்கள். அதன் பிறகு மதிய உணவு காலை உணவைவிட குறைவாக இருக்க வேண்டும். அதாவது ஒரு சாதாரண குடிமகன் உண்பதைப்போல உண்ண வேண்டும்.

இரவு உணவு மதிய உணவைவிட குறைவாக இருக்க வேண்டும். அதாவது யாசகம் பெற்று சாப்பிடுபவரைப் போல சாப்பிட வேண்டும் என்றெல்லாம் சொல்வதை நாம் கேள்விப்பட்டிருப்போம். ஆனால் இன்று நம்மில் பலர் பல்வேறு காரணங்களால் நேரம் இல்லை என்று சொல்லி, உடலுக்கு மிகவும் அவசியமான காலை உணவை தவிர்க்கும் பழக்கத்தால் பல்வேறு உடல்நல பிரச்னைகளுக்கு ஆளாகி வருகிறோம். மேற்சொன்ன அளவுகளில் உணவு உண்பதோடு, காலை உணவை நாம் அனைவரும் கட்டாயம் சாப்பிட வேண்டும்.

பணிக்கு செல்கிற நேரத்தில் சமைக்கிற இடத்தில் நின்று கொண்டே அவசர அவசரமாக சாப்பிடக்கூடிய நபர்களை நாம் பார்த்திருப்போம். அது மட்டுமின்றி சாலையோரக் கடைகளில் பலர் நின்றுகொண்டே வேகவேகமாக சாப்பிடுவதையும் பார்த்திருப்போம். இப்படி நின்று கொண்டே அவசரகதியில் உணவு உண்பது தவறான ஒன்று.

ஓரிடத்தில் நாற்காலியில் அமர்ந்து சாப்பிடலாம். அல்லது தரையில் சம்மணம் போட்டு அமர்ந்தும் சாப்பிடலாம். இப்படி தரையில் சம்மணம் போட்டு உட்கார்ந்து நிதானமாக சாப்பிடுவது உடல்நலனுக்கு மிகவும் நல்லது. இப்படி சாப்பிட முடியாதவர்கள் இருக்கைகளில் அமர்ந்து சாப்பிடலாம். ஆனால் நின்றுகொண்டே அவசரகதியில் சாப்பிடுவது கூடாது.

சாப்பிடுவதற்கு 30 நிமிடங்களுக்கு முன்னரோ, சாப்பிட்ட பிறகு 30 நிமிடங்கள் வரையிலோ அதிக அளவில் தண்ணீர் குடிக்க வேண்டாம். அது நாம் உண்ணும் உணவு சரியாக செரிமானம் அடையாமல் இருக்க காரணமாகிறது. அதே போல சாப்பிடுகிற பொழுதும் தண்ணீர் அதிகமாக குடிக்க வேண்டாம்.

ஒரு நாளைக்கு உடல் தேவைக்கு ஏற்ப 4 முதல் 5 லிட்டர் வரை தண்ணீர் குடிக்க வேண்டியது அவசியம். ஆனால், அதை எப்போது எவ்வளவு குடிக்க வேண்டும் என்பதை அறிந்து சரியாக குடித்தால் உணவு செரிமானத்துக்கு மிகவும் உதவியாக இருக்கும் என்பதை நாம் புரிந்துகொள்ள வேண்டும்.

சிலர் மதிய வேளைகளில் சாப்பிட்ட உடனே ஒரு குட்டித் தூக்கம் போட்டுட்டு வந்துடுறேன் என்பார்கள். இது தவறான பழக்கம். சாப்பிட்ட பிறகு நாம் நின்று கொண்டோ, நடந்து கொண்டோ அல்லது அமர்ந்து கொண்டோ ஏதாவது ஒரு வேலை செய்கிறபொழுது வயிற்றில் நடைபெறும் செரிமானம் சரியாக நடைபெறும். ஆனால் படுக்கையில் படுத்த உடனே செரிமானத் திறன் குறைந்துவிடும்.

நாம் சாப்பிடும் உணவு நமது வயிற்றில் குறைந்தது 2 மணி நேரம் முதல் அதிகபட்சம் 6 மணி நேரம் வரை தங்கியிருக்கும். இந்த நேரத்தில் அந்த உணவு செரிமானம் அடைந்து, அதிலிருந்து தேவையான சத்துக்களும், ஆற்றலும் உடலுக்குக் கிடைக்கிறது. இதனால்தான் நாம் தினசரி 4 முதல் 6 மணி நேர கால இடைவெளிகளில், 3 வேளைகள் சாப்பிடுகிறோம்.

சாப்பிட்ட உடனே தூங்குவதால் அந்த உணவு வயிற்றில் வழக்கமாக தங்கியிருக்கும் நேரத்தைவிட கூடுதலான நேரம் தங்கியிருக்கும். இப்படி அதிக நேரம் தங்கியிருப்பதால் அதை செரிக்கச் செய்வதற்கான அமிலங்கள் அதிக அளவில் சுரக்க ஆரம்பிக்கும். இப்படி படுத்திருக்கும் பொழுது சுரக்கும் அதிக அளவிலான அமிலங்கள், வயிற்றோடு நிற்காமல் மேலே உணவுப் பாதைக்கும் போகிறது. இதனால் செரிமானக் கோளாறு, நெஞ்செரிச்சல் போன்ற பிரச்னைகள் உண்டாகிறது.

சாப்பிட்ட உடனே படுப்பவர்களுக்கு இந்தப் பிரச்னைகள் அதிகளவில் உண்டாகிறது. நாளடைவில் இந்தப் பிரச்னைகள் தீவிரமாகிற பொழுது அதுவே குடல் மற்றும் இரைப்பை சார்ந்த புற்றுநோய்கள் உண்டாக காரணமாகிறது. எனவே சாப்பிட்ட உடனே தூங்கச் செல்வதைத் தவிர்க்க வேண்டும். இரவு உணவருந்திய பிறகு இரண்டு மணி நேரம் கழித்து தூங்கச் செல்வதே இது போன்ற பிரச்னைகளைத் தவிர்க்க உதவியாக இருக்கும்.

வயிறு என்பது தனியாக செயல்படக்கூடிய உறுப்பு அல்ல. அது மூளையோடு நரம்புகள் மூலமாக இணைக்கப்பட்டுள்ளது. ஒரு நபருக்கு மனநல பாதிப்புகள் இருந்தால் சரியாக தூக்கம் வராது. சரியான தூக்கம் இல்லை என்றால் அந்த நபரின் அடுத்த நாள் உடல் செயல்பாடுகள் சரியாக இருக்காது. உடல் செயல்பாடுகள் சரியாக இல்லை என்றால் செரிமான பிரச்னைகள் உண்டாகும். செரிமான பிரச்னைகள் இருந்தால் சரியாக பசி எடுக்காது. எனவே, உணவு உண்பதிலும், அந்த உணவு மூலம் உடலுக்குத் தேவையான சத்துக்கள் மற்றும் ஆற்றல் கிடைப்பதிலும் பிரச்னைகள்

உண்டாகிறது.

அதிக மன அழுத்தம் மற்றும் மனநலம் சார்ந்த பிரச்னைகள் இருப்பவர்களுக்கு முதலில் பாதிக்கப்படுவது செரிமான உறுப்புகளே. அதேபோல மனநல பிரச்னைகள் சரியாகிற பொழுது முதலில் சரியாவதும் அந்த செரிமான உறுப்புகளே.

வயிறு முழுவதும் நிரம்புமாறு சாப்பிடுவது சரியல்ல. எப்போதும் முக்கால் வயிறு நிரம்புமாறு சாப்பிடுவதே சரியானது. காலையில் எதுவுமே சாப்பிடாமல் இருந்துவிட்டு, மதிய வேளையில் சேர்த்து அதிகமாக உணவு எடுத்துக் கொள்வதும் சரியல்ல. பசியெடுக்கும் பொழுது சரியான நேரத்தில், சரியான அளவில் சாப்பிட வேண்டும்.

கடினமான உடல் உழைப்பு உள்ளவர்களுக்கு கார்போஹைட்ரேட்கள் அதிகமாக தேவைப்படும். அலுவலகப்பணி மற்றும் உட்கார்ந்த நிலையில் பணி செய்கிறவர்களுக்கு Balanced diet(சீரான உணவு) தேவைப்படும். விளையாட்டுப் போட்டிகளில் ஈடுபடும் நபர்கள் பயிற்சி செய்கிற பொழுது அதிக அளவு புரத உணவுகளும், போட்டிகளில் ஈடுபடுகிற பொழுது கார்போஹைட்ரேட் உள்ள உணவுகளையும் அதிகமாக எடுத்துக் கொள்வதுண்டு.

இதுபோல குழந்தைகள், பெரியவர்கள், ஆண்கள், பெண்கள் என்று ஒவ்வொருவருக்கும் தேவையான சத்துக்கள் மற்றும் உணவு தேவைகளில் வேறுபாடுகள் உள்ளது. எனவே, அவரவர் தேவையறிந்து சரியான முறையில், சரியான அளவில் உணவு உண்பதே உடல் ஆரோக்கியத்திற்கு உகந்தது...

 மாதுளம் பழச்சாற்றுடன் இந்த பொருட்களை கலந்து குடிப்பதால் கிடைக்கும் பலன்கள்.....!

மாதுளம் பழத்தைச் சாப்பிட்டால் விக்கல் உடனே நிற்கும். அதிக தாகத்தைப் போக்கும். அடிக்கடி மயக்கம் உள்ளவர்கள் மாதுளம் பழத்தைச்  சாப்பிட்டால் நன்மை கிடைக்கும்.

தொடர்ந்து நோயின் பாதிப்பால் பலகீனம் அடைந்தவர்கள் மாதுளம் பழத்தைச் சாப்பிட்டால் உடல் தேறும். உடல் எடை கூடும். தொண்டை,  மார்பகங்கள், நுரையீரல் மற்றும் குடலுக்கு அதிகமான வலிமையை உண்டாக்குகிறது.

ஆண் தன்மையில் பலகீனம் உள்ளவர்கள் மாதுளம்பழம் சாப்பிடுவதால் மிகுந்த சக்தியை அடைய முடிகிறது. மாதுளம்பழச் சாறுடன் இஞ்சிச் சாறை சம அளவு எடுத்து அதில் ஒரு டீஸ்பூன் தேன் கலந்து குடித்தால் நாள்பட்ட வறட்டு இருமல் ஓடிவிடும்.

மாதுளம் பழச்சாற்றை ஒரு பாத்திரத்தில் விட்டு சிறிது நேரம் வெயிலில் வைத்து எடுத்துச் சாப்பிட்டு வந்தால் நினைவாற்றல் பெருகும். பற்களும், எலும்புகளும் உறுதிப்படும். இதனால் மாதுளம் பழத்தின் அனைத்து நன்மையையும் பெறலாம்.

மாதுளை ஜூஸை தொடர்ந்து 40 நாட்கள் குடித்து வந்தால் பெண்களின் மாதவிடாய் பிரச்சனை நீங்கும். நினைவாற்றல் பெருகும். இது மட்டுமல்லாமல் ரத்தத்தில் உள்ள ஹீமோகுளோபின் அளவு அதிகரித்து உடல் ஆரோக்கியமாக இருக்கும்.

மாதுளம் பழச்சாற்றில் தேன் கலந்து காலை ஆகாரத்துக்குப் பின் தினமும் சாப்பிட்டால், ஒரு மாத உபயோகத்தில் உடல் ஆரோக்கியமும் தெம்பும் உண்டாகும். புதிய ரத்தம் உற்பத்தியாகும்.

மாதுளம் பழத்தை அரைத்து அதனுடன் ஒரு டீஸ்பூன் பயத்த மாவு, அரை டீஸ்பூன் எலுமிச்சைச் சாறு சேர்த்து கலக்க வேண்டும். குளிப்பதற்கு  முன் இதை முகத்தில் பூசி, காய்ந்த பிறகு கழுவ வேண்டும். வாரம் இரண்டு முறை இப்படி செய்து வந்தால், பருக்கள் இருந்த இடம்  தெரியாமல் மறைந்துவிடும்.

சிலருக்கு தலையில் புழுவெட்டு இருந்தால் முடி ஏராளமாக உதிரும். இதைச் சரி செய்யும் தன்மை மாதுளைக்கு உண்டு. புளிப்பு ரக மாதுளம் பழத்திலிருந்து 3 டீஸ்பூன் சாறு எடுத்து, அதை தலை முழுவதும் எண்ணெய் தடவுவது போல பரவலாக தடவ வேண்டும்.

புளிப்பு மாதுளையைப் பயன்படுத்தி வந்தால் வயிற்றுக் கடுப்பு நீங்குவதோடு, ரத்த பேதிக்குச் சிறந்த மருந்தாகிறது. தடைப்பட்ட சிறுநீரை  வெளியேற்றுகிறது. பித்த நோய்களை நிவர்த்தி செய்கிறது. குடற்புண்களை ஆற்றும் பெப்டிக் அல்சர், டியோடினல் அல்சர், கேஸ்ட்ரிக் அல்சர்  முதலிய எந்த அல்சரையும் குணமாக்குகிறது.

துவர்ப்பு மாதுளம் பழச்சாற்றில் தேன் கலந்து புண்களின் மீது போட்டு வந்தால் விரைவில் புண்கள் ஆறிவிடும்.

– அனைவருக்கும் பகிருங்கள்

 *பிரசவத்திற்கு பின் உடல் எடை குறைய*

பிரசவம் என்பது பெண்களின் மறுபிறப்பு என்றே சொல்லலாம். ஒரு பெண்ணின் வாழ்க்கையில் மகத்தான தருணம் தாய்மை அடைவது. தாய், குழந்தை இருவரின் உடல் நலத்தை பேணிக்காக்க நம் நாட்டில் பிரசவ சமயத்தில், பெண் தன் தாய்வீட்டுக்கு சென்று விடுவது வழக்கம். ஆனால் ஒரு கர்ப்பிணிபெண்ணுக்கு தரும் கவனம் குழந்தை பிறந்த பின்னும் தொடர வேண்டும். பிரசவத்துக்குப் பின் பெண்கள் குண்டாகி விடுவது சகஜம். அதை முறையான உணவு மற்றும் முறையான உடற்பயிற்சினால் குறைக்கலாம் 

பிரசவத்திற்கு பின் உடல் எடை குறைய

1. உங்களின் செல்லக் குழந்தை பிறந்த பின் ஏறும் எடையை குறைக்கலாம். அதற்கு முதல் தேவை “பத்தியம்” அல்ல. குழந்தைக்கு தாய்ப்பால் கொடுக்க வேண்டும். அது அவசியம். தாய்ப்பால் கொடுக்கும் போது உங்களுக்கு சத்தான உணவு தேவை. எனவே அவசரப்பட்டு “டயட்” டில் இறங்கி விடாதீர்கள். உங்கள் உணவு ஆரோக்கியமானதாக இருக்க வேண்டும். அதே சமயத்தில் தேவையின்றி “எக்ஸ்ட்ரா” கலோரிகளை ஏற்றிக் கொள்ளாமல் உணவு கட்டுபாட்டுடன் இருப்பது நல்லது.

2. நிறைய தண்ணீர் குடிக்கவும். உணவுடனும் குடிக்கவும். தண்ணீர் அதிகமாக குடிக்க,வயிறு உணவை குறைவாக எடுத்துக்கொள்ளும்.

3. உணவில் நார்ச்சத்தை அதிகமாக சேர்த்துக் கொள்ளவும். நார்ச்சத்து சாப்பிட்ட பின் சர்க்கரை உட்கிரகிக்கப்படுவதை தாமதப்படுத்தும். நார்ச்சத்தினால் வயிறு சீக்கிரமே நிறைந்தது போல் உணர்வீர்கள். பழங்கள், காய்கறி, பீன்ஸ், பழுப்பு அரிசி (கைக்குத்தல் அரிசி, முழுத்தானியங்கள், பார்லி, ஓட்ஸ்) முதலியவை நார்ச்சத்து அதிகமுள்ள உணவுகள்.

4. சர்க்கரையை கூடிய வரையில் தவிர்க்கவும். சர்க்கரையில் எந்த விதமான ஊட்டச்சத்தும் இல்லை. சர்க்கரைக்கு பதில் தேன் பனைவெல்லம்,கருப்பட்டி ,பனக்கற்கண்டு பயன்படுத்தலாம்.

5. கூடிய வரை கொழுப்பு உணவுகளை தவிர்க்கவும்.

6. உணவு உண்ணும் போது நன்றாக மென்று விழுங்கவும்.

7. ஆயுர்வேதம் தாய்க்கும் சேய்க்கும் ஏற்ற வாசனை திரவியங்கள் கலந்த உணவை வலியுறுத்துகிறது. உணவுகள் புதிதாக தயாரிக்கப்பட வேண்டும். ஈரப்பசை உடையதாக இருக்க வேண்டும். இளம் சூட்டுடன் பரிமாறப்பட வேண்டும். சீரகம், கருஞ்சீரகம், இஞ்சி, கடுகு, துளசி, மஞ்சள், வெந்தயம், இலவங்கப்பட்டை, பூண்டு (வறுத்து உபயோகிக்க வேண்டும் பச்சையாக அல்ல) முதலியவை உணவில் இடம் பெற வேண்டும். மாமிசம் இரு வாரங்களுக்கு ஒரு முறை போதும். காப்பி, டீ, வெள்ளை சீனி, பச்சை காய்கறிகள், உலர்ந்த உணவுகள் போன்றவற்றை தவிர்க்கவும்.

8. காய்கறிகளின் பயன்கள் காரட், தக்காளி வளர்சிதை மாற்றம் துரிதமாக நடைபெற உதவும் காய்கறிகள்.

பீட்ரூட், சிட்ரஸ் பழங்கள், தர்பூசணி போன்றவை உடலின் கொழுப்பை கரைக்கின்றன.

9. நெய்யை தவிர்க்காதீர்கள். சிறிதளவு பசுநெய் சேர்த்துக் கொள்ள வேண்டும்.

10. உணவைத் தவிர நிறைய இளம்சூடான சுத்தமான தண்ணீர், கொதிக்க வைத்து இளம் சூட்டுக்கு ஆறின பால் இவற்றை நாள் முழுவதும் குடித்து வரலாம்.

11. இளம் சூடான நல்லெண்ணையால் உடல் மசாஜ் செய்து கொண்டு குளிப்பது நல்லது.

12. ஒரு பருத்திப் புடவை எடுத்து வயிற்றை சுற்றி இறுக்கமாக கட்டிக் கொண்டால் வாயு சரிநிலையில் இருக்கும். வயிறு சாதாரண நிலைக்கு திரும்பும். இதை 42 நாட்கள் செய்யவும். தற்போது இதற்கென பிரத்யேக பெல்ட்டுகள் கிடைக்கின்றன.

13. ஆயுர்வேத திரிபால கஷாயம் உடல் எடை குறைய உதவும். 20 கிராம் த்ரிபாலா சூரணத்தை 200 மி.லி. நீருடன் கலந்து, நீர் 50 மி.லி. அளவுக்கு சுண்டும் வரை காய்ச்சவும். வடிகட்டி தேன் சேர்த்து பருகவும்.

14. கடுக்காய் வயிற்றை சுத்திகரிக்கும் குணமுடையது. உடல் கொழுப்பையும் குறைக்கும். கடுக்காய் தோலின் பொடியை 1 டீஸ்பூன் எடுத்து வெந்நீருடன் படுக்கும் முன்பு எடுத்துக் கொள்ள நலம் உண்டாகும் .

Thanks to

*🍃Sri Yoga & Naturopathy*🍃

 *பெண்களுக்கான 30 வகை சிறப்பு உணவு... பூப்பெய்தல் முதல் மெனோபாஸ் வரை*

*எள்ளுருண்டை*

*தேவை:* கறுப்பு எள் - 100 கிராம், துருவிய வெல்லம் - 100 கிராம், நல்லெண்ணெய் - ஒரு டீஸ்பூன்.

*செய்முறை:* முதலில் வெறும் கடாயில் கறுப்பு எள்ளை வெடிக்கும் வரை நன்கு வறுத்து ஆறவிடவும். பிறகு ஒரு மிக்ஸி ஜாரில் இரண்டு சுற்று சுற்றி கொரகொரப்பாக அரைக்கவும். இதனுடன் துருவிய வெல்லம் சேர்த்து மேலும் இரண்டு சுற்று சுற்றி, பின்னர் நல்லெண்ணெய்விட்டு நன்கு கலந்து சிறிய சிறிய உருண்டைகளாகப் பிடித்துவைக்கவும். இதை காற்றுப்புகாத டப்பாவில் போட்டு, 20 நாள்கள் வரை கெடாமல் வைத்துப் பயன்படுத்தலாம். விருப்பப்பட்டால் ஒரு கைப்பிடி வறுத்த வேர்க்கடலையும் சேர்க்கலாம்.

*சிறப்பு:* கறுப்பு எள் பெண்களுக்கு நன்மை அளிக்கும். இது கருப்பைக்கு மிகவும் நல்லது. இதில் அதிக அளவு உள்ள கால்சியம் சத்து எலும்புகளை வலுப்படுத்தும். பற்களை உறுதிப்படுத்தும். மாதவிடாய் நேரத்தில் வரும் இடுப்பு வலியையும் சரிசெய்யும். இதில் இருக்கும் மெக்னீசியம் ரத்தத்தில் சர்க்கரை அளவைக் கட்டுப்படுத்தும். இரும்புச்சத்து ரத்த விருத்திக்கு உதவும்; ஒழுங்கற்ற மாதவிடாய்ப் பிரச்னையையும் சரிசெய்யும்.

*கவுனி அரிசி இடியாப்பம்*

*தேவை:* பதப்படுத்திய கவுனி அரிசி மாவு - ஒரு கப், தேங்காய் எண்ணெய் - கால் டீஸ்பூன், துருவிய தேங்காய் - ஒரு டேபிள்ஸ்பூன், தண்ணீர் - தேவையான அளவு, உப்பு - சிறிதளவு.

*செய்முறை:* முதலில் நீரை நன்கு கொதிக்கவிடவும். பிறகு அதில் உப்பு மற்றும் எண்ணெய்விட்டு வெந்நீரைச் சிறிது சிறிதாக மாவில் விட்டு நன்கு பிசையவும். இடியாப்ப நாழியில் மாவை வைத்துப் பிழிந்து ஆவியில் 6 – 10 நிமிடங்கள் வேகவைத்து எடுக்கவும். அதன் மீது தேங்காய்த் துருவல் தூவிப் பரிமாறவும். இதைத் தேங்காய்ப்பால் அல்லது கடலை குருமாவுடன் ருசிக்கலாம்.

*சிறப்பு:* இது நார்மல் டெலிவரிக்கு உதவி செய்யும். இதில் கிளைசெமிக் இண்டெக்ஸ் குறைவு. எனவே, எடையைக் குறைக்க உறுதுணை புரியும். கர்ப்பப்பை வாய்ப் புற்றுநோயைத் தடுக்க உதவும். பூப்படையும் பருவ நிலையில் உள்ள பெண்கள் இந்த அரிசியை வாரத்தில் இரண்டு முறையாவது எடுத்துக் கொள்ளலாம். இதை ஒரு பூப்பெய்தல் உணவு என்றும் கூறலாம். மனச்சோர்வையும் உடல் சோர்வையும் போக்கும்.

*அக்கி ரொட்டி*

*தேவை:* பதப்படுத்திய மாப்பிள்ளை சம்பா அரிசி மாவு (அ) பதப்படுத்திய சாதாரண பச்சரிசி மாவு - ஒரு கப், இஞ்சி (துருவியது) - ஒரு டீஸ்பூன், பச்சை மிளகாய் - 2, பெரிய வெங்காயம் - ஒன்று, நறுக்கிய கொத்தமல்லித்தழை, கறிவேப்பிலை - சிறிதளவு, உப்பு, தண்ணீர் - தேவையான அளவு, எண்ணெய் - ஒரு டேபிள்ஸ்பூன், வாழையிலை - சிறியது.

*தாளிக்க:* கடுகு, உளுந்து, கடலைப்பருப்பு, சீரகம், பெருங்காயத்தூள் - தலா கால் டீஸ்பூன்.

*செய்முறை:* முதலில் கடாயில் எண்ணெய்விட்டு தாளிக்கக் கொடுத்துள்ள பொருள்களைத் தாளிதம் செய்து, அதனுடன் பொடியாக நறுக்கிய வெங்காயம், பச்சை மிளகாய், இஞ்சித் துருவல், கொத்தமல்லித்தழை, கறிவேப்பிலை சேர்த்து நன்கு வதக்கவும். இதை மாவில் போட்டு தேவையான அளவு உப்பு மற்றும் தண்ணீர் சேர்த்து நன்கு தளர பிசையவும். சிறிய வாழையிலையில் அடை வடிவில் ரொட்டிகளாகத் தட்டி, சூடான தவாவில் போட்டு எடுத்தால் ருசியான அக்கி ரொட்டி தயார்.

*சிறப்பு:* இது உடல் பலத்தைக் கூட்டும். ரத்தக் கொதிப்பு மற்றும் சர்க்கரை அளவைக் கட்டுப்படுத்தும். இந்த அரிசி ஜீரண சக்தியை அதிகரிக்கும். வயிற்றுப்புண்ணை சரிசெய்யும். நோய் எதிர்ப்புத் திறனை அதிகரிக்கும்.

*வெந்தயக்களி*

*தேவை:* புழுங்கல் அரிசி - ஒரு கப், வெந்தயம் - கால் கப், உளுந்து - ஒரு கைப்பிடி அளவு, கரைத்து வடிகட்டிய வெல்லம் (அ) கருப்பட்டிச்சாறு - 2 கப், நெய் (அ) எண்ணெய் - ஒரு டேபிள்ஸ்பூன், ஏலக்காய்த்தூள் - கால் டீஸ்பூன், தண்ணீர் - தேவையான அளவு.

*செய்முறை:* புழுங்கல் அரிசி, வெந்தயம், உளுந்தை மூன்று மணி நேரம் ஊறவைத்து அரைத்தெடுக்கவும். அரைத்த மாவை தண்ணீர்விட்டுச் சற்று நீர்க்கக் கரைத்து வைத்துக்கொள்ளவும். பிறகு அடிகனமான பாத்திரத்தில் அரைத்த மாவைச் சேர்த்து கட்டியில்லாமல் முக்கால் பதம் வெந்து சுருண்டு வரும் வரை நன்கு கலக்கவும். சிறிதளவு நல்லெண்ணெய் (அ) நெய் விட்டுக் கொள்ளலாம். பிறகு கரைத்து வடிகட்டிய வெல்லம் (அ) கருப்பட்டிச்சாறுவிட்டு நன்கு கலந்து அல்வா போல சுருள வந்ததும் ஏலக்காய்த்தூள் சேர்த்து, இறுதியில் நல்லெண்ணெய் (அ) நெய்விட்டு இறக்கி சூடாகச் சாப்பிடவும்.

*சிறப்பு:* இதில் நார்ச்சத்து அதிகம். உடல் சூட்டைத் தணித்து அடிவயிற்றைக் குளிர்ச்சியடையச் செய்யும். மலச்சிக்கலைப் போக்கும். புரதம், நீர்ச்சத்து, இரும்புச்சத்து போன்ற பல சத்துகளை உள்ளடக்கியது. ஹார்மோன் சமசீரற்ற

*கேழ்வரகு உருண்டை*

*தேவை:* கேழ்வரகு மாவு - ஒரு கப், வெல்லம் (துருவியது) - கால் கப், ஏலக்காய்த்தூள் - கால் டீஸ்பூன், எண்ணெய் - மிக சிறிதளவு, உப்பு - ஒரு சிட்டிகை, தண்ணீர் - தேவையான அளவு.

*செய்முறை:* முதலில் கேழ்வரகு மாவில் தேவையான அளவு தண்ணீர் கலந்து அதனுடன் சிட்டிகை உப்பு சேர்த்து சிறிய அடைகளாகச் சூடான கல்லில் தட்டி, மிகவும் சிறிதளவு எண்ணெய்விட்டு, வேகவைத்து எடுத்து ஆறவிடவும். பிறகு ஒரு மிக்ஸி ஜாரில் அடைகளை உடைத்துப் போட்டு ஒரு சுற்று சுற்றி எடுக்கவும். இதனுடன் துருவிய வெல்லம் மற்றும் ஏலக்காய்த்தூள் சேர்த்து இரண்டு சுற்று சுற்றி எடுத்து ஒரு பவுலில் சேர்த்து உருண்டைகளாகப் பிடித்து வைக்கவும்.

*குறிப்பு:* முதலில் இளகினாற்போல் இருக்கும். பிறகு ஆறியவுடன் இறுகிவிடும். விருப்பப்பட்டால் ஒரு டீஸ்பூன் நெய் சேர்த்துக்கொள்ளலாம்.

*சிறப்பு:* இதில் கால்சியம் சத்து மிக அதிகம். ரத்தச் சோகையைச் சரிசெய்யும். எலும்புகளை வலுப்படுத்தும். ரத்தத்தில் ஹீமோகுளோபின் அளவை அதிகரிக்கச் செய்யும். `ஓவர் பிளீடிங்’கைக் கட்டுப்படுத்தும். கர்ப்பிணிகளுக்கு மிகவும் உகந்தது.

*சிவப்பரிசி காரப் பணியாரம்*

*தேவை:* சிவப்பரிசி - ஒரு கப், இட்லி அரிசி - ஒரு கப், கறுப்பு உளுந்து - அரை கப், வெந்தயம் - ஒரு டீஸ்பூன், பெரிய வெங்காயம் - ஒன்று (பொடியாக நறுக்கவும்), பச்சை மிளகாய் - 2 (பொடியாக நறுக்கவும்), கொத்தமல்லித்தழை, கறிவேப்பிலை - சிறிதளவு, இஞ்சி (துருவியது) - ஒரு டீஸ்பூன், உப்பு, நல்லெண்ணெய் - தேவையான அளவு. 

*தாளிக்க:* கடுகு, உளுந்து, கடலைப்பருப்பு, சீரகம், பெருங்காயத்தூள் - தலா கால் டீஸ்பூன்.

*செய்முறை:*  முதலில் சிவப்பரிசி, இட்லி அரிசி, வெந்தயம், உளுந்தை எட்டு மணி நேரம் ஊறவைத்து அரைத்து, உப்பு கலந்து ஐந்து மணி நேரம் புளிக்கவிட்டு எடுத்து வைக்கவும். பிறகு கடாயில் நல்லெண்ணெய்விட்டு தாளிக்கக்கொடுத்துள்ள பொருள்களைத் தாளிதம் செய்து, அதனுடன் பொடியாக நறுக்கிய வெங்காயம், பச்சை மிளகாய், கொத்தமல்லித்தழை, கறிவேப்பிலை, இஞ்சித் துருவல் சேர்த்து நன்கு வதக்கி மாவில் கலக்கவும். குழிப்பணியாரச் சட்டியில் எண்ணெய் விட்டு, மாவை ஊற்றி எடுத்தால், கமகம ருசியான சிவப்பரிசி காரப் பணியாரம் ரெடி.

*சிறப்பு:* சிவப்பரிசி பாலிஷ் செய்யப்படாத அரிசி ஆகும். இதில் கிளைசெமிக் இண்டெக்ஸ் குறைவு. செலினீயம், துத்தநாகம் போன்ற கனிமச்சத்துகள் அதிகம். வைட்டமின் சி சத்தும் அதிகம். ஆன்டி கேன்சர் ஏஜென்ட்ஸ் நிறைய உள்ளன.

*வாழைப்பூ வடை*

*தேவை:* சுத்தம் செய்து பொடியாக நறுக்கிய வாழைப்பூ, கடலைப்பருப்பு - தலா ஒரு கப், உளுத்தம்பருப்பு - ஒரு கைப்பிடி அளவு, பச்சரிசி - ஒரு டேபிள்ஸ்பூன், இஞ்சி - ஒரு சிறிய துண்டு (தோல் சீவவும்), பூண்டு - 8 பல், பச்சை மிளகாய் (அ) சிவப்பு மிளகாய் - 5, சோம்பு - ஒரு டீஸ்பூன், நறுக்கிய புதினா, கொத்தமல்லித்தழை, கறிவேப்பிலை (சேர்த்து) - ஒரு கைப்பிடி அளவு, பெரிய வெங்காயம் - ஒன்று, மஞ்சள்தூள் - கால் டீஸ்பூன், உப்பு - தேவைக்கேற்ப, நல்லெண்ணெய் - பொரிப்பதற்குத் தேவையான அளவு.

*செய்முறை:* முதலில் கடலைப்பருப்பு, உளுத்தம்பருப்பு, பச்சரிசியை ஐந்து மணி நேரம் ஊற வைக்கவும். பிறகு ஒரு மிக்ஸி ஜாரில் முதலில் சோம்பு, இஞ்சி, பூண்டு, புதினா, கொத்தமல்லித்தழை, கறிவேப்பிலை, மிளகாய் சேர்த்து இரண்டு சுற்று சுற்றி, பிறகு ஊறிய பொருள்களையும் சேர்த்து கொரகொரப்பாகக் கெட்டியாக அரைத்தெடுக்கவும். அதனுடன் பொடியாக நறுக்கிய வாழைப்பூ, வெங்காயம் மற்றும் மஞ்சள்தூள், உப்பு சேர்த்து நன்கு கலந்து பிசையவும். மாவை வடைகளாகத் தட்டி சூடான எண்ணெயில் பொரித்தெடுக்கவும்.

*சிறப்பு:* பெண்களின் கர்ப்பப்பைக்கு மிகவும் நல்லது. கணையம் வலுப்பெறும். மாதவிடாய் நேரத்தில் வரும் அதீத உதிரப்போக்கைக் கட்டுப்படுத்தும். வெள்ளைப் படுதலைச் சரிசெய்யும். கெட்ட கொழுப்பைக் கரைக்கும்.

*எள்ளுத் துவையல்*

*தேவை:* கறுப்பு எள் - 100 கிராம், உளுத்தம்பருப்பு - 50 கிராம், காய்ந்த மிளகாய் - 6, புளி - நெல்லிக்காய் அளவு, தேங்காய் (துருவியது) - ஒரு கைப்பிடி அளவு, உப்பு -! தேவையான அளவு, நல்லெண்ணெய் - ஒரு டீஸ்பூன்.

*தாளிக்க:* கடுகு, உளுந்து, கடலைப்பருப்பு, சீரகம், பெருங்காயத்தூள் - தலா கால் டீஸ்பூன், நல்லெண்ணெய் - ஒரு டீஸ்பூன், கறிவேப்பிலை - சிறிதளவு.

*செய்முறை:* முதலில் வெறும் கடாயில் எள்ளை வெடிக்கும் வரை நன்கு வறுத்தெடுக்கவும். பிறகு ஒரு டீஸ்பூன் நல்லெண்ணெய்விட்டு உளுத்தம்பருப்பு, காய்ந்த மிளகாய், தேங்காய்த் துருவல் மற்றும் புளி சேர்த்து வதக்கவும். ஆறிய பிறகு எள்ளுடன் சேர்த்து, உப்பு கலந்து, சிறிதளவு தண்ணீர் சேர்த்து அரைத்தெடுக்கவும். தாளிக்கக்கொடுத்துள்ள பொருள்களைக் கொண்டு தாளிதம் செய்து சேர்த்தால், வீடே மணக்கும் அருமையான, சத்தான எள்ளு துவையல் ரெடி. இது உளுந்தங்கஞ்சி, தேங்காய்க்கஞ்சி, வெந்தயக்கஞ்சி ஆகியவற்றுக்குப் பிரமாதமாக இருக்கும்.

*சிறப்பு:* இதில் ஒமேகா 6 ஃபேட்டி ஆசிட், கரையும் நார்ச்சத்து, புரதம், மெக்னீசியம் போன்றவை அதிகளவில் உள்ளன. இது ஒழுங்கான மாதவிடாய் சுழற்சிக்குப் பெரிதும் உதவுகிறது. ரத்த அழுத்தத்தைக் கட்டுக்குள் வைக்கிறது.

*தேங்காய்க் கஞ்சி*

*தேவை:* வரகரிசி, குதிரைவாலி அரிசி அல்லது பச்சரிசி - ஒரு கப், தேங்காய்த் துருவல் - ஒரு கைப்பிடி அளவு, பூண்டு - 10 பல், சீரகம் - அரை டீஸ்பூன், வெந்தயம் - ஒரு டீஸ்பூன், தேங்காய்ப்பால் - 200 மில்லி, தண்ணீர் - 4 கப், உப்பு - தேவையான அளவு.

*செய்முறை:* முதலில் ஒரு குக்கரில் கழுவி சுத்தம் செய்த அரிசியுடன் தேங்காய்த் துருவல், பூண்டு, சீரகம், வெந்தயம், உப்பு மற்றும் தண்ணீர் சேர்த்து ஐந்து விசில்விட்டு இறக்கவும். ஆறியதும் கடைந்து, அதனுடன் தேங்காய்ப்பால் சேர்த்துக் கலந்து சூடாகப் பருகவும். இதற்கு எள்ளுத் துவையல் அருமையாக இருக்கும். இதைக் காலை நேர சிற்றுண்டியாக அனைவரும் உண்ணலாம்.

*சிறப்பு:* இது உடல்சூட்டைத் தணிக்கும். கெட்ட கொலஸ்ட்ராலைக் குறைக்கும். `ஓவர் ப்ளீடிங்’கைக் கட்டுப்படுத்தும். வறட்டு இருமலையும் கட்டுப்படுத்தும். தலைமுடியையும் சருமத்தையும் மினுமினுப்பாக்கும். இந்த உணவை மாதவிடாய் நேரங்களில் எடுக்கும்போது வயிற்றுவலியைச் சரிசெய்து சோர்வைப் போக்குகிறது. இதில் வெந்தயம், பூண்டு சேருவதால் இது ஒரு சிறந்த ஊட்டச்சத்து கஞ்சியாக இருக்கும். பாலூட்டும் தாய்மார்களுக்கும் சிறந்தது.

*கருப்பட்டி கவுனி அரிசி பணியாரம்*

*தேவை:* கவுனி அரிசி - 200 கிராம், கறுப்பு உளுந்து - 50 கிராம், கருப்பட்டி - 150 - 200 கிராம், தேங்காய்த் துருவல் - ஒரு கைப்பிடி அளவு, ஏலக்காய்த்தூள் - கால் டீஸ்பூன், உப்பு - ஒரு சிட்டிகை, நல்லெண்ணெய் அல்லது நெய் - தேவையான அளவு, நெய்யில் வறுத்த முந்திரி - 10, தண்ணீர் - தேவையான அளவு.

*செய்முறை:* முதலில் அரிசி மற்றும் உளுந்தைச் சேர்த்து ஆறு மணி நேரம் ஊறவிட்டு நன்கு அரைத்து முதல் நாள் இரவே எடுத்து வைக்கவும். பிறகு அதில் சிட்டிகை உப்பு மற்றும் ஏலக்காய்த்தூள், தேங்காய்த் துருவல், முந்திரி ஆகியவற்றைச் சேர்த்துக் கலந்து வைக்கவும். கருப்பட்டியைச் சிறிதளவு தண்ணீர்விட்டுக் கரைத்து கொதிக்கவிட்டு வடிகட்டி மாவில் சேர்த்து, பணியார மாவு பதத்துக்குக் கலந்து வைக்கவும். பிறகு குழிப்பணியாரச் சட்டியில் நல்லெண்ணெய் அல்லது நெய்விட்டு, கொஞ்சம் கொஞ்சமாக மாவை ஊற்றி நன்கு வெந்ததும் எடுக்கவும்.

*சிறப்பு:* இது ரத்தத்தைச் சுத்திகரிக்கும். இடுப்பு எலும்பை உறுதிபெறச் செய்யும். பாலூட்டும் தாய்மார்களுக்கும் கர்ப்பிணிகளுக்கும் சிறந்தது.

*வெந்தயக்கஞ்சி*

*தேவை:* வெந்தயம் - ஒரு கைப்பிடி அளவு, பச்சரிசி - 200 கிராம், பூண்டு - 8 பல், உளுந்து - ஒரு டேபிள்ஸ்பூன், தேங்காய் (துருவியது) - ஒரு டேபிள்ஸ்பூன், பெருங்காயத்தூள் - கால் டீஸ்பூன், சீரகம் - அரை டீஸ்பூன், கறிவேப்பிலை - சிறிதளவு, உப்பு - தேவையான அளவு, தண்ணீர் - 4 - 5 டம்ளர்.

*செய்முறை:* முதலில் அரிசி, உளுந்து, வெந்தயம் ஆகியவற்றைக் கழுவி 10 நிமிடங்கள் ஊற வைக்கவும். பிறகு அதனுடன் பூண்டு, துருவிய தேங்காய், பெருங்காயத்தூள், சீரகம், கறிவேப்பிலை, உப்பு மற்றும் தண்ணீர் சேர்த்து குக்கரில் வைத்து ஐந்து விசில் விட்டு இறக்கவும். சத்தான, குளிர்ச்சியான வெந்தயக் கஞ்சி தயார். இதை சூடாகப் பருகவும்.

*சிறப்பு:* உடல் சூட்டைத் தணிக்கும். மலச்சிக்கலைப் போக்கும். இதில் கரையும் நார்ச்சத்து அதிகம். இது ரத்தத்தில் உள்ள சர்க்கரை அளவைக் கட்டுப்படுத்தும். ரத்த அழுத்தத்தைக் கட்டுக்குள் வைக்கும். இரும்புச்சத்து அதிகம். இது நரம்புகளை வலுப்படுத்தி நரம்புத் தளர்ச்சியைப் போக்கும். இன்சுலின் சுரப்பைச் சரிசெய்யும். தாய்ப்பால் சுரப்புக்கு உதவும். ஈஸ்ட்ரோஜன் ஹார்மோன் உற்பத்திக்கு உதவும். பொட்டாசியம் சத்தும் அதிகம். கூந்தல் வளர்ச்சிக்கு உதவும். பால் சுரப்பை அதிகரிக்கும்.

*சிவப்பு அரிசி சிங்காரப் புட்டு*

*தேவை:* பதப்படுத்திய சிவப்பு அரிசி புட்டு மாவு - ஒரு கப், துருவிய தேங்காய் - 3 கைப்பிடி அளவு, துருவிய வெல்லம் அல்லது நாட்டுச் சர்க்கரை - அரை கப், தண்ணீர் - தேவையான அளவு, ஊறவைத்த பாசிப்பருப்பு - ஒரு டேபிள்ஸ்பூன், ஏலக்காய்த்தூள் - கால் டீஸ்பூன், நெய் - ஒரு டீஸ்பூன், உப்பு - ஒரு சிட்டிகை.

*செய்முறை:* முதலில் சிறிதளவு தண்ணீரை உப்பு சேர்த்து கொதிக்கவைத்து மாவில் தெளித்து, புட்டுக்குப் பிசைவதுபோல பொலபொலவென பிசிறவும். அதனுடன் 2 கைப்பிடி தேங்காய்த் துருவல், ஊறவைத்த பாசிப்பருப்பு, ஏலக்காய்த்தூள் சேர்த்துப் பிசிறி இட்லிப் பாத்திரத்தில், 10 நிமிடங்கள் ஆவியில் வேகவைத்து இறக்கவும். பிறகு புட்டை உதிர்த்துவிட்டு அதனுடன் நெய், ஒரு கைப்பிடி தேங்காய்த் துருவல், துருவிய வெல்லம் அல்லது நாட்டுச் சர்க்கரை சேர்த்து நன்கு கலந்து சூடாகச் சாப்பிடவும்.

*சிறப்பு:* இதில் கிளைசெமிக் இண்டெக்ஸ் குறைவாக உள்ளது. இது உடல் எடை குறைய உதவுகிறது. இதில் செலினீயம், துத்தநாகம், வைட்டமின் சி, ஆன்டி ஆக்ஸிடன்ட்ஸ் அகியவை அதிகம். தயாமின் சத்தும் உள்ளது. குழந்தையின்மை பிரச்னைக்குத் தீர்வாகும்.

*உளுந்து கேரட் போண்டா*

*தேவை:* உளுந்து - 250 கிராம், கேரட் (துருவியது) - அரை கப், பச்சை மிளகாய் - 3 (பொடியாக நறுக்கவும்), பெரிய வெங்காயம் - ஒன்று, கொத்தமல்லித்தழை, புதினா, கறிவேப்பிலை (சேர்த்து) - ஒரு கைப்பிடி அளவு, பெருங்காயத்தூள் - கால் டீஸ்பூன், இஞ்சி (துருவியது) - ஒரு டீஸ்பூன், உப்பு - தேவையான அளவு, எண்ணெய் - பொரிப்பதற்குத் தேவையான அளவு.

*செய்முறை:* முதலில் உளுந்தை இரண்டு மணி நேரம் ஊறவைத்து நன்கு அரைக்கவும். பிறகு அதில் துருவிய கேரட் மற்றும் பொடியாக நறுக்கிய வெங்காயம், பச்சை மிளகாய், கொத்தமல்லித்தழை, புதினா, கறிவேப்பிலை, பெருங்காயத்தூள், இஞ்சி மற்றும் உப்பு சேர்த்து நன்கு கலக்கவும். சூடான எண்ணெயில் மாவைச் சிறிய போண்டாக்களாகப் போட்டுப் பொரித்தெடுக்கவும்.

*சிறப்பு:* இதில் பீட்டாகரோட்டினாய்டு அதிகம் உள்ளது. இது கண்களுக்கு மிகவும் நல்லது. சருமத்துக்கு மினுமினுப்பைத் தருகிறது. மாதவிடாய் நேரத்தில் வரும் சிறுநீர்கடுப்பை சரிசெய்கிறது. எலும்புகளை வலுப்படுத்தும். நரம்புகளை உறுதிப்படுத்தும். நார்ச்சத்து, பொட்டாசியம் மிகுந்து காணப்படுகிறது. பூப்பெய்தல் காலத்தில் மாலை நேர சிற்றுண்டியாக இதைப் பெண் குழந்தை களுக்குச் செய்து தரலாம்.

*கறுப்பு உளுந்தங்கஞ்சி*

*தேவை:* கறுப்பு உளுந்து - 100 கிராம், பனிவரகு - 100 கிராம், பூண்டு - 12 பல், வெந்தயம் - ஒரு டீஸ்பூன், மிளகு, சீரகம் (பொடித்தது) - அரை டீஸ்பூன், சின்ன வெங்காயம் - 5, கறிவேப்பிலை, கொத்தமல்லித்தழை, புதினா (சேர்த்து) - ஒரு கைப்பிடி அளவு, பெருங்காயத்தூள் - கால் டீஸ்பூன், மோர் - 200 மில்லி, உப்பு - தேவையான அளவு, நல்லெண்ணெய் அல்லது நெய் - ஒரு டீஸ்பூன், தண்ணீர் - தேவையான அளவு.

*செய்முறை:* பனிவரகு, கறுப்பு உளுந்தை 30 நிமிடங்கள் ஊறவைக்கவும். ஒரு குக்கரில் எண்ணெய்விட்டு ஊறிய பனிவரகு மற்றும் பருப்பை லேசாக மணம் வரும்வரை வதக்கவும். பிறகு அதனுடன் வெந்தயம், பொடித்த மிளகு, சீரகம், நறுக்கிய சின்ன வெங்காயம், பூண்டு, கொத்தமல்லித்தழை, கறிவேப்பிலை, புதினா, பெருங்காயத்தூள், உப்பு மற்றும் தேவையான அளவு தண்ணீர் சேர்த்து ஐந்து விசில்விட்டு இறக்கவும். ஆறியதும் மோர்விட்டு நன்கு கலந்து இளம்சூடாகப் பருகவும்.

*சிறப்பு:* கால்சியம், பாஸ்பரஸ் சம அளவில் உள்ளது. இது பித்தத்தைத் தணிக்க உதவும். உடலின் நச்சுகளை வெளியேற்றும். கொலஸ்ட்ராலைக் குறைக்க உதவும். சிறுநீர் சார்ந்த பிரச்னைகளைச் சரிசெய்கிறது. கருத்தரிப்புக்கு உதவுகிறது. பால் சுரப்புக்கும் உதவுகிறது.

*வேப்பிலை மஞ்சள் உருண்டை*

*தேவை:* கொழுந்து வேப்பிலை - ஒரு கைப்பிடி அளவு, சுத்தமான விரலி மஞ்சள் - ஒரு சிறிய துண்டு, இந்துப்பு - ஒரு சிட்டிகை.

*செய்முறை:* முதலில் விரலி மஞ்சளை ஒரு மணி நேரம் ஊற வைத்துக்கொள்ளவும். பிறகு சுத்தம் செய்த வேப்பிலையுடன் ஊறிய மஞ்சள் சேர்த்து நன்கு மையாக அரைத்து இதனுடன் ஒரு சிட்டிகை இந்துப்பு கலந்து ஒரு சிறிய கோலிகுண்டு அளவு எடுத்து உள்ளுக்குச் சாப்பிடவும். பிறகு ஒரு டம்ளர் வெந்நீர் பருகவும். இந்த விழுதை நன்கு உலர்த்தி டப்பாவில் அடைத்து ஒரு டீஸ்பூன் வீதம் ஒரு டம்ளர் (200 மில்லி) வெந்நீருடன் கலந்தும் அருந்தலாம். வாரம் ஒன்று அல்லது இரண்டு முறை தாராளமாக எடுத்துக்கொள்ளலாம்.

*சிறப்பு:* வேம்பில் வைட்டமின் இ நிறைய உள்ளது. கரோட்டினாய்டு அதிகம். ஆன்டி இன்ஃப்ளமேடரி பிராப்பர்டீஸ் அதிகம். எனவே, இது வலியைக் குறைக்க உதவும். எசென்ஷியல் ஃபேட்டி ஆசிட்ஸ் அதிகம் காணப்படுகிறது. இது இதயம் மற்றும் தோல் ஆகியவற்றின் பாதுகாப்புக்கு உதவுகிறது. இதனுடன் மஞ்சளும் சேரும்போது இது ஒரு சிறந்த ஆன்டி பேக்டீரியல் ஆகும். இது வயிற்றில் மற்றும் கர்ப்பப்பையில் உள்ள நச்சுகளை வெளியேற்ற உதவுகிறது. கர்ப்பப்பைப் புற்றுநோய் வராமல் பாதுகாக்கும்.

*மாதுளை மணப்பாகு*

*தேவை:* ஃபிரெஷ் மாதுளைச்சாறு - 300 மில்லி, இஞ்சிச்சாறு - 100 மில்லி, தேன் - 2 டேபிள்ஸ்பூன், வெல்லம் அல்லது கருப்பட்டி - 200 கிராம், சுக்குத்தூள், ஏலக்காய்த்தூள் - தலா கால் டீஸ்பூன், தண்ணீர் - தேவையான அளவு.

*செய்முறை:* வெல்லம் அல்லது கருப்பட்டியுடன் தேவையான அளவு தண்ணீர் சேர்த்துக் கரைத்து வடிகட்டி, அடுப்பிலேற்றி கம்பி பதம் வரும் வரை நன்கு காய்ச்சி பிறகு அதனுடன் (தண்ணீர் சேர்க்காத) மாதுளைச்சாறு, இஞ்சிச் சாறு கலந்து இரண்டு நிமிடங்கள் கொதித்ததும் அடுப்பை அணைக்கவும். அதில் சுக்கு மற்றும் ஏலக்காய்த்தூள் சேர்த்துக் கலந்து பிறகு தேன் சேர்த்து ஒரு பாட்டிலில் சேகரித்துக்கொள்ளலாம். தினமும் கால் பங்கு மணப்பாகு முக்கால் பங்கு தண்ணீர் சேர்த்து காலை வேளைகளில் பருகி வரலாம்.

*சிறப்பு:* மாதவிடாய் கால அதிக ரத்த இழப்பை சமன் செய்ய உதவுகிறது. இதில் ஊட்டச்சத்துகள், பைட்டோ கெமிக்கல்கள் ஆன்டி ஆக்ஸிடன்ட் நிறைய உள்ளன. கெட்ட கொழுப்புகள் படிவதைத் தடுக்கிறது. ரத்த அழுத்தத்தைக் குறைக்கும். இதில் இயற்கையாக உள்ள `ஆஸ்பிரின்’ ரத்தம் உறைவதைத் தடுக்கும். ரத்த பேதியை நிறுத்தும். மாதவிடாய்க் காலங்களில் கட்டாயம் எடுத்துக்கொள்ள வேண்டிய பழம் மாதுளை.

*கற்றாழை மோர் கடையல்*

*தேவை:* கற்றாழை மடல் - ஒன்று, மோர் - 100 மில்லி, சீரகத்தூள் - கால் டீஸ்பூன், புதினா, கொத்தமல்லித்தழை (சேர்த்து) - ஒரு கைப்பிடி அளவு, வெள்ளை மிளகுத்தூள் - கால் டீஸ்பூன், உப்பு - தேவையான அளவு, தண்ணீர் - தேவையான அளவு.

*செய்முறை:* கற்றாழை மடலுக்குள் இருக்கும் சோற்றுப் பகுதியை எடுத்து குறைந்து 6 - 8 முறை நன்கு கழுவி பிறகு அதனுடன் புதினா, கொத்தமல்லித்தழை சேர்த்து சிறிதளவு தண்ணீர் விட்டு நன்கு அரைத்து, அதனுடன் நன்கு கரைத்த மோர், உப்பு, சீரகத்தூள், மிளகுத்தூள் சேர்த்துக் கலந்து உடனே பருகவும் (வடிகட்டாமல் அருந்துவதே சிறந்தது. விருப்பப்பட்டால் மட்டும் வடிகட்டலாம்).

*சிறப்பு:* பித்தத்தைக் குறைக்கவும், உடல் சூட்டைத் தணிக்கவும் உதவுகிறது. நீர்க்கடுப்பு, நீர் எரிச்சலைச் சரிசெய்யும் மாதவிடாய்க் கோளாறுகளைச் சரிசெய்யும். கண் சிவப்பு மறையும். பாத எரிச்சலைப் போக்கும். தலை சூட்டைக் குறைக்கும். வெள்ளைப்படுதல் சரியாகும். பதற்றம் நீங்கும். வயிற்று உபாதைகளைப் போக்கும்.

*தினை அரிசி அதிரசம்*

*தேவை:* தினை அரிசி - 500 கிராம், வெல்லம் - 400 கிராம், சுக்குத்தூள், ஏலக்காய்த்தூள் - தலா அரை டீஸ்பூன், எள் - ஒரு டீஸ்பூன், நெய் (அ) நல்லெண்ணெய் - ஒரு டேபிள்ஸ்பூன். பொரிக்க: எண்ணெய் - தேவையான அளவு.

*செய்முறை:* முதலில் தினை அரிசியை மூன்று மணி நேரம் ஊற வைத்து பிறகு நீரை வடியவிட்டு நிழலில் 20 நிமிடங்கள் உலரவிட்டு, அது சற்று ஈரமாக இருக்கும்போதே அரைத்து சலித்துவைக்கவும். பிறகு வெல்லத்தை சிறிதளவு தண்ணீர்விட்டுக் கரைத்து வடிகட்டி கொதிக்கவிட்டு உருட்டு பதத்தில் பாகு எடுத்து அடுப்பை அணைத்துவிடவும். அதனுடன் எள், சுக்குத்தூள், ஏலக்காய்த்தூள் சேர்த்து அதனுடன் இந்த மாவைக் கொட்டிக் கலந்து, நெய் (அ) நல்லெண்ணெய் சேர்த்து, அதிரச மாவுப் பக்குவத்தில் கிளறி வைக்கவும் பிறகு மூன்று மணி நேரம் கழித்து சிறிய தட்டைகளாகத் தட்டி சூடான எண்ணெயில் பொரித்தெடுத்தால் மணமணக்கும் அதிரசம் தயார்.

*சிறப்பு:* இதில் புரதம், கால்சியம், நார்ச்சத்து, பீட்டாகெரோட்டின் அதிகம். கூந்தல், கண் ஆகியவற்றுக்கு நல்லது. இதில் ஆன்டி ஆக்ஸிடன்ட்ஸ் அதிகம். இறந்த செல்கள் மீண்டும் வளர உதவும். கருமுட்டை வளர்ச்சிக்கு உதவும். மன அழுத்தத்தைக் குறைக்கும்.

*கொண்டைக்கடலை அவல் வெஜிடபிள் சாலட்*

*தேவை:* வேகவைத்த வெள்ளைக் கொண்டைக்கடலை - ஒரு கப், கார்குருவை அரிசி அவல் (அ) கவுனி அரிசி அவல் - அரை கப் (ஊற வைக்கவும்), மஞ்சள், பச்சை, சிவப்பு குடமிளகாய் கலவை - கால் கப், கேரட் (பொடியாக நறுக்கியது) - கால் கப், முட்டைகோஸ் (துருவியது) - ஒரு கைப்பிடி அளவு, துருவிய தேங்காய் - ஒரு கைப்பிடி அளவு, எலுமிச்சைச் சாறு - ஒரு டீஸ்பூன், சீரகத்தூள், மிளகுத்தூள், சாட் மசாலாத்தூள் - தலா கால் டீஸ்பூன், எள்ளு பேஸ்ட் - ஒரு டேபிள்ஸ்பூன், கொத்தமல்லித்தழை, புதினா (நறுக்கியது) - ஒரு கைப்பிடி அளவு, நறுக்கிய வெங்காயம் - ஒரு கைப்பிடி அளவு, உப்பு - தேவைக்கேற்ப. எள்ளு பேஸ்ட் செய்ய: கறுப்பு எள் - ஒரு கைப்பிடி அளவு, காய்ந்த மிளகாய் - 3, வேர்க்கடலை - ஒரு கரண்டி, எலுமிச்சைச்சாறு - தேவைக்கேற்ப

*செய்முறை:* கறுப்பு எள்ளை நன்கு வெடிக்கும் வரை வறுத்து பிறகு காய்ந்த மிளகாய், வேர்க்கடலை சேர்த்து வறுத்து நன்கு அரைத்து, எலுமிச்சைச்சாறு விட்டு கலந்து வைத்துக்கொள்ளவும். எள்ளு பேஸ்ட் தயார்.

ஒரு பவுலில் வேகவைத்த கடலை, ஊறவைத்த அவல் ஆகியவற்றுடன் குடமிளகாய், கேரட், முட்டைகோஸ், வெங்காயம் ஆகியவற்றைச் சேர்க்கவும். அதனுடன் ஒரு டேபிள்ஸ்பூன் எள்ளு பேஸ்ட்டும் சேர்த்து நன்கு கலக்கவும். சீரகத்தூள், மிளகுத்தூள், சாட் மசாலாத்தூள், தேங்காய்த் துருவல், கொத்தமல்லித்தழை, புதினா சேர்த்து நன்கு கலந்து, இறுதியாக எலுமிச்சைச் சாறு விட்டு, உப்பு சேர்த்துக் கலக்கவும். காலை உணவாக இதை ஒரு கப் சாப்பிடலாம்.

*சிறப்பு:* முழு ஊட்டச் சத்தும் ஒருசேர உடலுக்குக் கிடைக்கும். நோய் எதிர்ப்புத் திறனைக்கூட்ட உதவும்.

*இரும்புச்சத்து சூப்*

*தேவை:* முருங்கைக்கீரை - 5 கைப்பிடி அளவு, பொன்னாங்கண்ணிக்கீரை - 5 கைப்பிடி அளவு, சின்ன வெங்காயம் - 8 - 10, பூண்டு - 10 பல், கிராம்பு - 2, பட்டை - ஒன்று, துருவிய இஞ்சி - ஒரு டீஸ்பூன், மிளகு, சீரகம் (பொடித்தது) - ஒரு டீஸ்பூன், தக்காளி - ஒன்று, பாசிப்பருப்பு - ஒரு டேபிள்ஸ்பூன், எலுமிச்சைச் சாறு - ஒரு டீஸ்பூன், உப்பு - தேவையான அளவு, இரண்டாவது முறை அரிசியைக் களைந்த தண்ணீர் - 5 டம்ளர்.

*செய்முறை:* முதலில் கீரைகளைச் சுத்தம் செய்து அலசி ஒரு குக்கரில் போடவும். பிறகு அதனுடன் தோலுரித்த சின்ன வெங்காயம், பூண்டு, இஞ்சி, நறுக்கிய தக்காளி, கிராம்பு, பட்டை, பாசிப்பருப்பு ஆகியவற்றுடன் தேவையான அளவு உப்பு சேர்த்து 5 டம்ளர் அரிசி களைந்த சுத்தமான தண்ணீர்விட்டு ஐந்து விசில் வந்ததும் இறக்கி வடிகட்டவும். அதில் வடிகட்டிய சக்கையை ஒரு மிக்ஸியில் ஓர் ஓட்டு ஓட்டி அதை மீண்டும் வடிகட்டிய தண்ணீர்விட்டு கலந்து வடிகட்டவும் (இதனால் சத்துகள் வீணாகாமல் இருக்கும்). பிறகு அதில் பொடித்த மிளகு, சீரகம் மற்றும் எலுமிச்சைச்சாறுவிட்டு சூடாகப் பருகவும்.

*சிறப்பு:* முக்கிய அமினோ அமிலங்கள் அடங்கிய ஒரே கீரை முருங்கைக்கீரை. இதில் அபரிமிதமான இரும்புச்சத்து அடங்கியுள்ளது. ரத்த விருத்திக்கும், உடல் வலுப்பெறவும், மூளை சுறுசுறுப்படையவும் உதவும். இதில் வைட்டமின்கள், கனிமச்சத்துகள், ஒமேகா 3 ஃபேட்டி ஆசிட் ஆகியவை உள்ளன.

*ஹெர்பல் பொடி*

*தேவை:* கறுப்பு உளுந்து - ஒரு கப், வெந்தயம் - ஒரு டீஸ்பூன், பச்சரிசி - ஒரு டேபிள்ஸ்பூன், கடலைப்பருப்பு - ஒரு டேபிள்ஸ்பூன், துவரம்பருப்பு - ஒரு டேபிள்ஸ்பூன், மிளகு - ஒரு டீஸ்பூன், சீரகம் - ஒரு டீஸ்பூன், காய்ந்த மிளகாய் - 5 - 6, பெருங்காயம் - ஒரு துண்டு, கறிவேப்பிலை - 3 கைப்பிடி அளவு, சுத்தம் செய்து உலர்த்திய முருங்கைக்கீரை - 5 கைப்பிடி அளவு, உப்பு - தேவையான அளவு.

*செய்முறை:* முதலில் வெறும் கடாயில் கறுப்பு உளுந்தை நன்கு வறுத்துக்கொள்ளவும். பிறகு அதே கடாயில் வெந்தயம், பச்சரிசி, கடலைப்பருப்பு, துவரம்பருப்பு, மிளகு, சீரகம், காய்ந்த மிளகாய், பெருங்காயம், கறிவேப்பிலை, முருங்கைக்கீரை என ஒவ்வொன்றையும் தனித்தனியாக வறுத்து இவற்றை மிக்ஸி ஜாரில் அரைத்து இவற்றுடன் உப்பு கலந்து வைத்துக்கொள்ளவும். இந்தப் பொடியில் ஒரு டீஸ்பூன் அல்லது ஒரு டேபிள்ஸ்பூன் எடுத்து சூடான சாதத்தில் கலந்து நெய் அல்லது நல்லெண்ணெய்விட்டு சூடாகச் சாப்பிடவும். இட்லி, தோசைக்குத் தொட்டுக்கொள்ளலாம். பொரியல் செய்து இறக்கும்போது இதை ஒரு டீஸ்பூன் தூவி இறக்கலாம்.

*சிறப்பு:* கர்ப்பப்பையை வலுவடைய செய்யும். உடலை வலுப்படுத்தி எலும்புகளை உறுதிப்படுத்தி திடமாக வாழ வழிசெய்யும்.

பிரண்டை பச்சாடி

*தேவை:* பிரண்டை (நார் எடுத்தது) - ஒரு கப், சின்ன வெங்காயம் - 15, பூண்டு - 10 பல், புளி - ஒரு சிறிய எலுமிச்சை அளவு, தேங்காய்த் துருவல் - ஒரு கைப்பிடி அளவு, காய்ந்த மிளகாய் - 6 – 8, கறுப்பு உளுந்து - ஒரு கைப்பிடி அளவு, துருவிய இஞ்சி - அரை டீஸ்பூன், நல்லெண்ணெய், உப்பு - தேவையான அளவு. 

*தாளிக்க:* கடுகு, உளுந்து, சீரகம் - தலா கால் டீஸ்பூன், கறிவேப்பிலை, பெருங் காயத்தூள் - சிறிதளவு.

*செய்முறை:* முதலில் ஒரு கடாயில் நல்லெண்ணெய்விட்டு பிரண்டையை வதக்கி எடுத்துவைக்கவும். பிறகு அதே கடாயில் தோலுரித்த சின்ன வெங்காயம், பூண்டு, புளி, உளுந்து, காய்ந்த மிளகாய், இஞ்சி, தேங்காய்த் துருவல் என அனைத்தையும் வதக்கி, பிரண்டை, உப்பு, சிறிதளவு தண்ணீர் சேர்த்து மிக்ஸி ஜாரில் அரைத்தெடுக்கவும். பிறகு தாளிக்கக் கொடுத்துள்ள பொருள்களைக் கொண்டு தாளித்து சேர்க்கவும். மணமணக்கும் பிரண்டைப் பச்சடி தயார்.

*சிறப்பு:* இதற்கு வஜ்ரவள்ளி எனும் பெயரும் உண்டு. அபரிமிதமான சுண்ணாம்புச்சத்து அடங்கியிருப்பதால் எலும்புகளுக்கு மிகவும் நல்லது. ஜீரணத்துக்கு உதவும். நோய் எதிர்ப்பாற்றலை அதிகரிக்கும். பசியைத் தூண்டும். காய்ச்சலைக் கட்டுப்படுத்தும். வயிற்றில் உள்ள பூச்சிகளை அழிக்கும். ரத்தத்தைச் சுத்திகரிக்கும். இடுப்பு எலும்புகளை வலுப்படுத்தும். பற்களுக்கும் ஈறுகளுக்கும் நல்லது. ரத்த விருத்திக்கும் உதவுகிறது.

*நிடக்காய லேகியம்*

*தேவை:* ஓமம் - 50 கிராம், சுக்கு - 50 கிராம், கிராம்பு - 50 கிராம், சூலத்தவரை - 50 கிராம், கண்டந்திப்பிலி - 50 கிராம், அரிசி திப்பிலி - 50 கிராம், ஏல அரிசி - 25 கிராம், சித்தரத்தை - 50 கிராம், ஜாதிக்காய் - 50 கிராம், மாசிக்காய் - 25 கிராம், வெள்ளை மிளகு - 50 கிராம், கருஞ்சீரகம் - 50 கிராம், கொத்தமல்லி விதை (தனியா) - 50 கிராம், பெருங்காயம் - 25 கிராம், சீரகம் - 50 கிராம், கடுக்காய் - 50 கிராம், எள் - 50 கிராம், விரலி மஞ்சள் - 50 கிராம், தேன் - 100 மில்லி, நல்லெண்ணெய் - 100 மில்லி, கருப்பட்டி - 700 கிராம், தண்ணீர் - 4 டம்ளர் (800 மில்லி).

*செய்முறை:* கொடுக்கப்பட்ட பொருள்களை (கருப்பட்டி, எண்ணெய், தேன் தவிர) வெறும் சட்டியில் வறுத்துப் பொடித்து சலித்து வைக்கவும். அல்லது நாட்டு மருந்து கடையில் பொடியாகக் கிடைக்கும். வாங்கிப் பயன்படுத்தலாம். பிறகு கருப்பட்டியில் 4 டம்ளர் தண்ணீர்விட்டுக் கரைத்து வடிகட்டி கொதிக்கவிட்டு கம்பிப் பதம் வந்ததும் சலித்தவைத்த பொடியைத் தூவி நன்கு கிளறவும.

 எப்படி உடலை ஆரோக்கியமாக வைத்துக் கொள்ளுவது ?

* நாம் உண்ணும் உணவு,நமது உடலுக்கு சக்தி தரக்கூடியதாக இருக்க வேண்டும்.

நாவின் ருசிக்காக உணவை உண்ணக் கூடாது

ஆரோக்கியமான உணவுகள் மற்றும் உடலுக்கு தீங்கு விளைவிக்கும் உணவுகள்.

எந்த உணவுகள் தீங்கு விளைவிக்கும் என்ற அறிந்தாலே போதும்.

 நமக்கு ஆரோக்கியமான உணவு கிடைக்கும்.

 நாம் உண்ணும் உணவை எதை விரும்புகிறோமோ அதையே படைத்த இறைவன் கொடுக்க கூடியவனாக இருக்கிறான். 

நல்லதையே விரும்புவோம் .

குடிக்கும் நீரில் கற்பூரவள்ளி இலை, துளசி போட்டு வைத்து தண்ணீர் குடிக்கலாம்

எந்த பழங்கள், காய்கறி வாங்கி இருந்தாலும் உப்பு மஞ்சள் தூள் கலந்து நீரிலோ 10 முதல் 20 நிமிடம் ஊற வைத்துக் கழுவுவதன் மூலம் இரசாயன பொருட்களின் தாக்கத்தை குறைக்கலாம், தவிர்க்கலாம்.

 இயற்கை முறையில் விளைவும் உணவுகளை வாங்கி பயண்படுத்தலாம். 

வீட்டில் இடம் உள்ளவர்கள் முடிந்த வரை மாடி தோட்டம் அமைக்கலாம்.

வீட்டிலேயே விளையக்கூடிய காய்கறி,கிரைகளைத் தொட்டியிலே வளர்க்கலாம்.இடம் இருந்தால் வாழைமரம், பப்பாளி, மாதுளை வளர்க்கலாம்.

எந்த பழங்கள் சாப்பிட்டாலும் அந்த பழங்களின் விதைகளை எடுத்து மீண்டும் பயண்படுத்தலாம்.

பால் இன்றைக்கு அது நல்ல பொருளாக இல்லை.

நம்பகமான பசும்பால் சில இடங்களில் கிடைக்கிறது .

அதனை மோர்,தயிர்க்கு பயண்படுத்தலாம்.

பால் டீ தவிர்க்கவும் .

அது நம்முடைய பழக்கம் இல்லை.அது 

ஆங்கிலேயர்கள் கொண்டு வந்த பழக்கம்.

 அதற்கு பதிலாக திரிபலா டீ, கொத்தமல்லி டீ, புதினா டீ, லெமன் டீ, ஆவாரம் பூ டீ, மசாலா டீ இத்தனை வகையான டீ குடிக்கலாம் பால் இல்லாமல் சர்க்கரை பதிலாக நாட்டு சர்க்கரை பயண்படுத்தலாம்.(இஞ்சி,எலகாய், வெல்லம் சேர்க்கலாம்) 

பழங்கள் ஜுஸ் குடிக்கலாம்.

காய்கறி சூப்,கிரை சூப்  இவைகளை வீட்டிலே தயாரிக்கலாம் (உப்பு.மஞ்சள்தூள், மிளகு தூள், தக்காளி, வெங்காயம் சேர்த்து குடிக்கலாம்)

தக்காளி சாஸ், பழங்கள் சாஸ் நாமே தயாரிக்கலாம்.

எந்த வண்ணங்கள் உள்ள உணவுகள் நாளைய புற்றுநோய் அதனை முழுமையாக தவிர்க்கவும் (கேசரி பவுடர், ரோஸ் எசன்ஸ்)

குழந்தைகள் சாப்பிடும் பால் பவுடர்கள், பதப்படுத்தப்பட்ட டப்பா, டின், பாட்டில் ஊறுகாய் இவைகளுக்கு பதிலாக

நவதானியங்கள் சத்துமாவு கஞ்சி கொடுக்கலாம், நேரடியாக கொடுக்கும் உணவு நிறையவே சக்தி இருக்கும்.

ஊறுகாய் வீட்டிலே தயாரிக்கலாம்

மைதா,கூல்டிரிங்ஸ்,பிரையலர் கோழி, அடைக்கப்பட்ட உணவுகளை தவிர்க்கலாம்.

 நோய் வந்த பிறகு போராடுவதை விட  நோய்கள் வராமல் தடுப்பது சிறந்த வழிமுறை.அதை கடைப்பிடிப்போம்.

Thanks to:

🍃Sri Yoga & Naturopathy🍃

 ஆரோக்கியம் மேம்பட ஓடி ஆடி விளையாடுங்கள்

விளையாட்டு என்பதனைப் படிப்பை கெடுக்கக்கூடிய விஷயமாகவும், பொழுதுபோக்குக்கான அடையாளமுமாகவே பலரும் நினைக்கிறார்கள். ஆனால், விளையாட்டு என்பது மிகப்பெரிய உடற்பயிற்சி.  அதுவும் எண்ணற்ற பலன்களைக் கொண்ட மனமகிழ்ச்சி தரும் உடற்பயிற்சி’’ என்கிறார் உடற்பயிற்சி மருத்துவ நிபுணரான கண்ணன் புகழேந்தி. 

உடற்பயிற்சியின் பலன்களும், அவசியமும்... 

உடல்நலன் மற்றும் மனநலன் விளையாட்டு என்பது மாநில, தேசிய மற்றும் சர்வதேச அளவிலான போட்டிகளில் பங்கேற்று புதிய சாதனை படைத்தல், பதக்கங்கள் வெல்வதன் மூலமாக இலக்கை அடைதல் ஆகியவற்றுக்கானது மட்டுமே அல்ல.

அதேபோல் பலத்த காயங்கள் ஏற்படல், கவனச்சிதறல் போன்றவற்றால் கல்வி தடைபடுவதாக பெற்றோர் கருதுகின்றனர். இது முற்றிலும் தவறான முடிவு. விளையாட்டால் அனைத்து உடல் உறுப்புகளும் ஒருங்கிணைக்கப்பட்டு, உடல் மற்றும் மனநலன் பேணப்படுகிறது.

நோய்களைத் தடுக்கும் காரணி தனி நபர் விளையாட்டு, குழு விளையாட்டு ஆகியவற்றில் கலந்து கொள்ளல், ஜிம், யோகாசனம் முதலான பயிற்சிகளில் தொடர்ந்து ஈடுபடல் என எதுவாக இருந்தாலும் நம்முடைய உடல் தகுதிக்கு ஏற்ப, பாதிப்புகள் வராமலும், விரைவில் நோய்கள் ஏற்படாமலும் தவிர்ப்பதற்கான முதல் காரணிதான் விளையாட்டுகளும், பயிற்சிகளும் என்பதை அனைவரும் நன்றாகப் புரிந்து கொள்ள வேண்டிய அடிப்படையான விஷயம்.

நமது நாட்டில் பெரும்பாலானோர் விளையாட்டுக்களில் பங்கேற்றால் காயங்கள் உண்டாகும்  என்ற மனநிலையில்தான் காணப்படுகின்றனர். ஆனால், எல்லா நாடுகளிலும், போட்டிகள் அதிகம் உள்ள, காயங்கள் ஏற்படுவதற்கான விளையாட்டுக்களில் கலந்து கொள்பவர்கள் 5 அல்லது 10 சதவீதம்தான் இருப்பார்கள் என புள்ளிவிபரம் ஒன்று தெரிவிக்கிறது.

ஓடி விளையாடு பாப்பா 

20, 25 வருடங்களுக்கு முன்னர், ஓய்வு நேரம் என்றால் வீட்டிலுள்ள பெரியவர்கள் மகாகவி பாரதியாரின், ‘ஓடி விளையாடு பாப்பா’ என்ற அறிவுரைக்கு ஏற்ப சிறுவர், சிறுமியரை ‘வெளியே சென்று விளையாடுங்கள்’ என்று அனுப்புவது வழக்கமாக இருந்தது. இன்றைய 

தலைமுறையினரிடம், ஓய்வு நேரத்தைப் பயன்படுத்தும் விதம் மாறிவிட்டது.

விளையாடுவதால் உடல் நலம் பேணப்படுவதோடு, அறிவாற்றல் வளர வழிவகுக்கும்; அது மட்டுமில்லாமல் கை, கால்கள், கண், காது போன்ற உறுப்புக்களை ஒருங்கிணைக்கவும் விளையாட்டுகள் மற்றும் பயிற்சிகள் உதவுகின்றன. இயற்கையோடு இணைந்த விளையாட்டுக்கள் மற்றும் பயிற்சிகள் இல்லையென்றால் நம்முடைய மூளை வளர்ச்சி மெல்லமெல்ல பாதிப்புக்கு உள்ளாகும்.

வாழ்க்கைப் பாடத்தையும் கற்றுக் கொள்ளலாம் ப்ளே-கிரவுண்டில் ஓடிக்கொண்டிருக்கும் நாம் பந்து எந்த திசையில் வந்து கொண்டிருக்கிறது அதற்கும் நமக்கும் எவ்வளவு தூரம் உள்ளது, எவ்வளவு விரைவாக ஓட வேண்டும், அதை கையால் பிடிக்க வேண்டுமா அல்லது காலால் தடுக்க வேண்டுமா அல்லது எகிறி தடுக்க வேண்டுமா, பால் போகும் திசை, அதை பிடிக்க வேண்டுமா, வேண்டாமா என்பதையெல்லாம் கண் சிமிட்டும் நேரத்திலோ, இதயம் துடிக்கும் பொழுதினிலோ(Split Second)-டில் முடிவு பண்ண கற்றுக் கொண்டுவிடுவோம். 

எதிரணியினர் பந்தை உதைத்தவுடன், கோல் கீப்பர் இம்மி பிசகாமல் துல்லியமாக பந்தைப் பிடிப்பார். இதுபோன்ற விளையாட்டுப் பயிற்சிகள் எல்லாம் நடைமுறை வாழ்க்கையிலும் நமக்கு உதவி செய்யும். 

விளையாட்டில் மூளையின் பல பகுதிகளையும் பயன்படுத்தும் தேவை இருக்கிறது. இதனால் அறிவுத்திறன் வளர்ச்சி அடையும். அவற்றைப் பயன்படுத்த தெரிந்தவர்கள் எதிர்பாராதவிதமாக ஏற்படுகிற விபத்துக்களில் இருந்தும் தங்களைப் பாதுகாத்து கொள்ள கூடிய வாய்ப்புக்களைத் தானாகவே உருவாக்கிக் கொள்ள முடியும் என்பதில் துளியும் ஐயம் வேண்டாம்.

சமயோசித புத்தி 

Presence of mind என்று சொல்லப்படுகிற இதனைப் பாடப்புத்தகத்தில் கற்றுக் கொள்ள முடியாது. ஆனால், விளையாடும்போது தானாகவே கற்றுக் கொள்ளலாம். தொடர்ந்து விளையாடுவதன் மூலமாக அதைப் பழக்கத்திற்குக் கொண்டு வர முடியும்.

விளையாட்டில் தங்களை நோக்கி வருகிற பந்து அல்லது பேட்டைக் கண்டு தலையை விலக்கி கொள்வோம். போட்டியில் இவ்வாறு நடைபெறுவது சகஜம். இதை தொடர்ந்து பயிற்சி செய்தவர்கள் நிஜ வாழ்க்கையில் தங்களை நோக்கி வரக்கூடிய ஆயுதங்களில் இருந்தும் ஒரு நொடியில் யோசிக்காமல் தங்களைக் காப்பாற்றி கொள்ள முடியும். இதை Reflex Action எனக் குறிப்பிடுவோம். விளையாடாமல் ஒருவர் Reflex Action-ஐ பழக்கத்திற்குக் கொண்டு வர முடியாது. இதில் தசைகளும் வலுவடையும், எலும்புகள் உறுதியாவதற்கும் விளையாட்டு பயிற்சிகள் அவசியம்.

காலமாற்றத்தின் கட்டாயத் தேவை நாம் காட்டில் வாழ்ந்தபோது விலங்கு களைத் துரத்த வேண்டி இருந்தது. அவை நம்மைத் தாக்கும்போது, அவற்றிடம் இருந்து தப்பிக்க வேண்டி இருந்தது. இவை இரண்டும் கட்டாய தேவை. கால மாற்றத்தில் காடுகளை அழித்து, நாட்டை உருவாக்கியபோது உடல் உழைப்பு குறைந்து சுகமாக வாழ வேண்டும் என நினைத்தோம். அதற்கேற்றவாறு மிக்சி, கிரைண்டர், வாஷிங் மெஷின், கம்ப்யூட்டர் என நவீன சாதனங்கள் வந்துவிட்டன. 

நினைத்த இடங்களுக்கு நினைத்த நேரத்தில் செல்ல வாகன வசதிகள் வந்துவிட்டது. இதன் காரணமாக, நம்முடைய தசைகள் விரிந்து, சுருங்கி வேலை செய்வதைக் குறைத்ததுதான் இன்றைக்குப் பல நோய்கள் வருவதற்கு காரணமாகி விட்டது. கல்வித்திறன் அதிகரிக்கும் விளையாட்டு என்பது உடல் நலம் மட்டுமில்லாமல், மன நலமும் சார்ந்தது.

விளையாடுதல் காரணமாக, மாணவ, மாணவியரின் உள்வாங்கிக் கொள்ளும் திறன் அதிகரிக்கும். விளையாடிய பின்னர் படிக்கும் மாணவ, மாணவியர் 3 மணி நேரத்தில் படிப்பதை அரை மணிநேரத்தில் படித்துவிடுவார்கள். மன அழுத்தத்தைக் குறைத்து ரிலாக்ஸ்சேஷனைத் தருவதால் எல்லோருக்கும் விளையாட்டு அவசியம்.

மைதானங்களே இன்று தேவை 

உலக சுகாதார மையம்(World Health Organisation) நடத்திய ஓர் ஆய்வின் முடிவில், 2010-ம் ஆண்டுக்குப் பிறகு பிறந்த குழந்தைகள் உடல் நலக் குறைபாட்டால் பெற்றோருக்கு முன்னர் இறப்பார்கள் எனக் கண்டறியப்பட்டது அதிர்ச்சி தந்தது. இதைத் தவிர்க்க, மருத்துவமனைகள் தேவையில்லை. 

விளையாட்டு மைதானங்கள்தான் இன்றைய முக்கிய தேவையாக உள்ளது. அதிலும், குறிப்பாக, உள்ளரங்கு விளையாட்டுத் திடல்கள் தான் அதிகளவில் தேவைப்படுகின்றன. ஏனென்றால், நகரங்கள் மட்டும் இல்லாமல், கிராமப்புறங்களிலும் காற்று மாசு அதிகரித்து வருகிறது.

2020-ம் ஆண்டுக்குள் உலகளவில் இதய நோயால் பாதிக்கப்பட்டவர்களில், 60% இந்தியாவில் இருப்பார்கள்; சர்க்கரை நோயாளிகள் 50% இருப்பார்கள் என ஒரு புள்ளிவிபரம் தெரிவிக்கிறது. இது மெத்தனப்போக்கால் ஏற்பட்ட மிகப் பெரிய பேரழிவு. இதைக் குறைக்காவிட்டால் சர்க்கரை நோய், ரத்தக்கொதிப்பு மற்றும் உடல் பருமன் போன்றவை அதிகரிக்கும். 

இந்நிலை நீடித்தால் தற்போது உள்ள மருத்துவமனைகள் கண்டிப்பாக போதாது. இந்த நோய்கள் எல்லாம் போதிய உடல் உழைப்பு இல்லாத காரணத்தால், நாமே வரவழைத்துக் கொண்ட நோய்கள். இந்த ஆபத்தான அவல நிலையை நம்மால் நிச்சயம் தவிர்க்க முடியும். 

பெற்றோரே கவனியுங்கள் 

‘பள்ளிக்குச் செல்லுங்கள்: டியூஷனுக்குப் போங்கள்’ எனக் குழந்தைகளை அறிவுறுத்துவதுபோல், ‘மாலை நேரங்களில் விளையாட செல்லுங்கள்’ எனவும் சொல்லித் தர வேண்டும். இன்றைய தலைமுறையினர், ஆடம்பரமான சொகுசு வாழ்க்கை வாழ்ந்தால் போதும் எனக் கருதுகின்றனர். இது கொஞ்ச நேரம்தான் நீடிக்கும். இந்த நிலை மாறாவிட்டால், மருத்துவமனைகளில் நாமும் ஓர் அங்கமாக மாறிவிடுவோம்.

வாழ்க்கை முறை மாற்றங்களால், நமது உணவுப்பழக்கம் முற்றிலும் மாறிவிட்டது. கார்போஹைட்ரேட், சர்க்கரை அதிகம் உள்ள அரிசி வகை உணவுகளைத்தான் அதிகளவில் உண்கிறோம். அதைத் தவிர்த்து குதிரை வாலி, கம்பு, கேழ்வரகு ஆகிய சிறுதானியங்களை உணவில் சேர்த்துக் கொள்வது பயன் தரும். பசித்த பின் சாப்பிட வேண்டும். இவ்விடத்தில், வள்ளலாரின் ‘பசித்திரு’ என்பதைக் 

கவனத்தில் கொள்ள வேண்டும்.

விவேகானந்தர் சொன்னது... 

‘தோட்டத்தில் மண்வெட்டி, கடப்பாரைக் கொண்டு வேலை செய்பவர்களைவிட கால்பந்தாட்டம் ஆடுபவர்கள் நேரடியாக சொர்க்கம் அடைவார்கள்!’ - என்பது சுவாமி விவேகானந்தரின் வாக்கு; இதன்மூலம், ஆன்மிகமும் விளையாட்டுக்கு எவ்வளவு முக்கியத்துவம் தருகிறது என்பதை உணரலாம்.

நோய்கள் வராமல் தடுக்க ஃபிட்னெஸ் என்ற மெடிசின் அவசியம். இதை பின்பற்றாத இடத்தில் உலகப்போரில் உயிரிழந்தவர்களைவிட, அதிகமாக உயிரிழக்க நேரிடும்; இது அனைவருக்கும் மிகப்பெரிய சவால். நோய்கள் வந்த பின்னர், பார்த்து கொள்ளலாம் என்பது அறிவீனம்.

குழு மனப்பான்மை வளரும் ஒவ்வொருவருடைய வாழ்க்கையும் அவரவர் கையில்தான் உள்ளது. அதாவது, நோய் வராமல் தடுத்து, ஆரோக்கியமாய் வாழ்வதற்கு பிறரின் உதவி தேவையில்லை. உடலுக்குத் தேவையான உழைப்பு; மனதுக்குத் தேவையான அமைதி என ஆரோக்கியத்துக்கு இன்றியமையாத எல்லா மருந்துகளும் நமது உடலில் உள்ளன. 

விளையாட்டின் மூலம் குழு மனப்பான்மையும் வளரும். கிரிக்கெட்டோ, ஷட்டில்காக் நமக்குத் தெரிந்த, நமக்குப் பிடித்த ஏதேனும் ஒரு விளையாட்டு விளையாடுவதை வழக்கமாகக் கொண்டால் ஆரோக்கியமான வாழ்வு நிச்சயம்.

முளைகட்டிய தானியங்கள்...!

ஒரு கைப்பிடி அளவு முளைகட்டிய தானியத்தில் ஏராளமான சத்துக்கள் இருக்கிறது. முழு தாவரமாக வளர்வதற்கான ஆற்றலை விதையிலிருந்து வெளிவரும் சிறு முளை கொண்டிருப்பதால், அதைவிட பலமடங்கு சத்து அதிகம் உள்ளது. 

அன்றாடம் மற்ற உணவுப்பொருட்களை எடுத்துக் கொள்வதைப் போல முளைகட்டிய தானியத்தை நாம் கண்டு கொள்வதில்லை. உண்மையில், தாதுக்கள், வைட்டமின்கள், என்சைம்கள், ஆக்ஸிஜனேற்றிகள், அமினோ அமிலங்கள்,  ஃபோலேட், மெக்னீசியம், பாஸ்பரஸ், ஃபோலிக் ஆசிட், பொட்டாசியம், நார்சத்து, தாமிரம், பீட்டா கரோட்டின், கால்சியம், மாவுச்சத்து, கொழுப்பு, மாங்கனீசு மற்றும் வைட்டமின்கள் சி, ஏ, கே என பலவகையான ஊட்டச்சத்துக்களின் பெட்டகமாக முளைகட்டிய தானியங்களைச் சொல்லலாம். 

எல்லா வகை தானியங்களையும் முளைகட்டி எடுத்துக் கொள்ளலாம். ஒவ்வொரு வகை முளைகட்டிய தானியத்திற்கும் பிரத்யேக நன்மைகள் உண்டு. உடல் தசைகளுக்கு வலிமையும், உடனடி ஆற்றலும் கொடுக்கக்கூடியது என்பதால், உடற்பயிற்சி செய்பவர்கள் காலையில் இதை ஒரு கைப்பிடி அளவு எடுத்துக் கொள்ளலாம். 

இதய நோயாளிகள், சர்க்கரை நோயாளிகள் அன்றாட உணவில் எடுத்துக் கொள்ளலாம். எலும்பு வளர்ச்சிக்கும், ரத்த ஓட்டத்துக்கும், வளர்ச்சி குறைபாடு உள்ள குழந்தைகளின் தசைகளை வலுவாக்குவதற்கும் ஏற்றது முளைகட்டிய பச்சைப் பயறு.

முளைகட்டுவதில் என்ன நன்மை?

குறிப்பாக, இங்கு  முளைகட்டும் செயல்முறைதான் இங்கு தானியத்தின் சத்து மதிப்பைக் கூட்டுகிறது. விதைகளை தண்ணீரில் ஊறவைக்கும்போது, ​​அவை ஈரப்பதத்தின் காரணமாக மிக இளம் தாவரங்களாக முளைக்கின்றன. தண்ணீரில் ஊறும் போது, விதைகளின் வெளிப்புற அடுக்குகளை மென்மையாக்கி, பின்னர் மேலடுக்கை திறந்து முளைப்பது, ஊட்டச்சத்து மதிப்பை பல மடங்கு அதிகரிக்க உதவுகிறது. இந்த செயல்முறைதான் முளைகளை மிகவும் ஆரோக்கியமாக்குகிறது. 

நீண்ட நேரம் தண்ணீரில் ஊறவைத்து முளைகட்டுவதால், விதையின் மேல்புறத்தில் உள்ள பைடிக் அமிலம் போன்ற எதிர்ப்பு ஊட்டச்சத்து காரணிகள் நீங்கி, விதையின் உள்ளே இருக்கும் அனைத்து ஊட்டச்சத்துக்களும்  முளைமூலம் வெளி வந்து அதிக உயிர் கிடைக்கச் செய்கிறது. 

முளைகட்டும் செயலானது விதையின் ஊட்டச்சத்து மதிப்பை மேம்படுத்துகிறது. இதில் செரிமானத்திற்கு உதவும், உணவை மிகவும் திறம்பட உடைக்கக்கூடிய நேரடி என்சைம்கள் நிறைந்துள்ளது. மேலும், முளைகட்டுதல், ஒரு குறிப்பிட்ட பயறு அல்லது பருப்பை எளிதில் செரிமானமாவதை எளிதாக்குகிறது. 

முளைக்கும்போது தானியத்தில் இருக்கும் சில சிக்கலான கலவைகள் எளிமையான வடிவங்களாக உடைக்கப்பட்டு, தேவையற்ற பொருட்கள் செயலற்றவகைளாக மாற்றப்படுவதால், முளைவிட்ட தானியங்கள் எளிதில் செரிமானமாகின்றன.

இதனால்தான் முளைவிட்ட தானியங்கள் முன் கூட்டிய செரிமானமாக்கப்பட்ட உணவாக  கருதப்படுகின்றன. சிலருக்கு புரத உணவு, நார்ச்சத்து உணவு எளிதில் செரிமானமாகாது. இவர்கள் முளைவிட்ட தானியங்களை எடுத்துக் கொள்வதன் மூலம் தேவையான புரதச்சத்தையும், நார்ச்சத்தையும் பெற முடியும். 

முளைகட்டிய தானியங்களின் பயன்கள்

முளைவிட்ட தானியத்தில் இருக்கும் ஃபோலேட் என்னும் நுண்ணூட்டச்சத்து, ரத்தத்தில் ஹீமோகுளோபின் அளவை அதிகரிக்கிறது. இதய நோய், ஆஸ்துமா, வயிற்றுப்புண், அழற்சி போன்ற நோய்களுக்கு எதிரான விளைவைக் கொண்டுள்ளது. நோய் எதிர்ப்புத்திறன், நச்சுக்கள் நீக்கும் தன்மை, ஒவ்வாமையை குறைக்கும் ஆற்றல் போன்ற சிறப்புத்தன்மைகளும் முளைவிட்ட தானியங்களுக்கு உண்டு. ஒட்டுமொத்த செல்களின் ஆரோக்கியத்திற்கு உதவுகிறது. 

எப்படி முளை கட்டச் செய்வது?

உங்களுக்கு வேண்டிய தானியத்தை முதல் நாள் இரவில் ஊற வைக்க வேண்டும். மறுநாள் காலையில் தண்ணீரை வடித்துவிட்டு சுத்தமான காட்டன் துணியில் வைத்து கட்டி விட வேண்டும். பின் 24 மணி நேரம் கழித்து பார்த்தால் முளைகட்டிய பயறு தயாராகிவிடும். 

செரிமானம் அடைவதற்கு கொஞ்ச நேரம் எடுத்துக் கொள்ளும் என்பதால், முளைவிட்ட பயறுகளை காலையில் சாப்பிடுவது நல்லது. சிலருக்கு வயிற்றுப் பொருமல், வயிற்று உப்பசம் ஏற்படக்கூடும் என்பதால், அவர்கள் முளைவிட்ட பயறை கொஞ்சமாக தண்ணீர் விட்டு 5 நிமிடம் வேக வைத்து சாப்பிடலாம். காலை நேர உணவுடன் ஒரு கப் முளைகட்டிய பயிறை நேரடியாகவோ, காய்கறி சாலட்டுடன் சேர்த்தோ சாப்பிடலாம். ஒரு நாளைக்கு 50 கிராம் அளவு முளைகட்டிய பயறு போதுமானது. கல்லீரல் பாதிப்பு உள்ளவர்கள் கண்டிப்பாக சாப்பிடக்கூடாது.

 மூக்கடைப்பு

--------------------

பூண்டுத் தோல், மிளகு, ஓமம், ஆகியவற்றை இடித்து நெருப்பு அனலில் இட்டுப்புகையைப் பிடித்தால் மூக்கடைப்பு மூக்கில் நீர்வடிதல் முதலிய நோய்கள் குணமாகும்.

கடுக்காய் பவுடர், நெல்லிக்காய் பொடி இரண்டையும் தேனுடன் சேர்த்து சாப்பிட்டால் மூக்கடைப்பு குணமாகும்.

ஒரு கப் தண்ணீரில் 2-3 பூண்டு பற்கள், 1 1/2 டீஸ்பூன் மஞ்சள் தூள் ஆகியவற்றை சேர்த்து கொதிக்க வைத்து, தொடர்ந்து குடித்து வர வேண்டும்.

இரண்டு கப் வெது வெதுப்பான நீரில் ஒரு டேபிள் ஸ்பூன் உப்பு கலந்து அதில் ஒரு துளியை மூக்கில் விட்டால் மூக்கடைப்பு குணமாகும்.

2-3 துளிகள் யூகலிப்டஸ் ஆயிலை மெல்லிய துணியில் ஊற்றி, அதை சுவாசிக்க வேண்டும். இம்முறையால் மூக்கடைப்பு பிரச்சனைக்கு நல்ல நிவாரணம் கிடைக்கும்.

இரண்டு கப் வெது வெதுப்பான நீரில் ஒரு டேபிள் ஸ்பூன் உப்பு கலந்து அதில் ஒரு துளியை மூக்கில் விட்டால் மூக்கடைப்பு குணமாகும்.

ஒரு துணியை வெதுவெதுப்பான நீரில் நனைத்து பிழிந்து, முகத்தின் மீது 10-15 நிமிடம் வைக்க வேண்டும். இதை ஒரு நாளைக்கு பலமுறை செய்தால் பலன் கிடைக்கும்.மூக்கடைப்பு ஏற்படும் போது சுடு நீரில் ஒரு குளியல் போட்டால் மூக்கடைப்பு தானாக சரியாகி விடும்.

தினமும் புதினா, இஞ்சி, ஏலக்காய், துளசி ஆகிய பொருட்கள் சேர்ந்த டீயை தயாரித்து, குடித்து வந்தால் மூக்கடைப்பு ஏற்படுவதைத் தடுக்கலாம்.

ஒரு துண்டு சுக்கை தோல் நீக்கி அரை லிட்டர் நீரில் போட்டு சுண்டக் காய்ச்சி, பால், சர்க்கரை சேர்த்துக் காலை, மாலை சாப்பிட்டு வர மூக்கடைப்பு விரைவில் நீங்கும்.

நல்லெண்ணெயில் சிறிதளவு மிளகுத்தூளை கலந்து, அதை மூக்கைச் சுற்றி தடவி, மூச்சை உள்ளிழுக்க வேண்டும். இம்முறையை தொடர்ந்து செய்தால் சளி வெளியேற்றப்பட்டு மூக்கடைப்பு தடுக்கப்படும்.

இரண்டு ஸ்பூன் மஞ்சள் பொடி கால் ஸ்பூன் சுண்ணாம்பு எடுத்து கலந்து பத்து போடும் பதத்தில் எடுத்துக் கொள்ள வேண்டும். இதை நெற்றி மற்றும் மூக்கின் மேல் தடவிக் கொண்டால் மூக்கடைப்பு நீங்கி நிவாரணம் பெறலாம்.

10 அல்லது 12 மிளகு இரவில் இரண்டு ஸ்பூன் தேனில் ஊற வைக்க வேண்டும். காலையில் அதை சாப்பிட வேண்டும். மிளகை நன்கு மென்று சாப்பிடுவது நலம். இதன் மூலம் மூக்கடைப்பில் இருந்து நிவாரணம் பெறலாம்.

சாதாரணமாக வீட்டில் ரசம் செய்யும் போது அதில் தூதுவளை சேர்த்து செய்து சாப்பிட்டால் சளி மற்றும் மூக்கடைப்பில் இருந்து விடுபடலாம்.

மூக்கடைப்பு ஏற்படும் போது உடனடி நிவாரணம் பெற ஆவி பிடிக்க வேண்டும். மூக்கு ஒழுகுதலும் கட்டுப்படும். அரை வாளி நீரில் 2 டேபிள் ஸ்பூன் வினிகர் சேர்த்து ஆவி பிடித்தால் நல்ல பலனைப் பெறலாம்.

 ஹீமோகுளோபின் அதிகரிக்க செய்ய வேண்டியது 

உடலுக்கு முக்கியமான தேவையாக இருப்பதும், உடல் இயக்கங்கள் அனைத்தும் சரி வர இயங்க தேவையானதுமாய் இருப்பதும் இரத்தம் தான். இந்த இரத்தம் உடலுக்கு மிகவும் முக்கியமான ஒன்றாகும்..!

ஹீமோகுளோபின். ‘ஹீம்’ என்றால் ‘இரும்பு’ என்று அர்த்தம். அது நமக்கு உணவின் மூலமாகக் கிடைக்கிறது. உணவில் இரும்புச்சத்து அதிகமாக இருந்தால், ரத்த சிவப்பணுக்களின் எண்ணிக்கையும் அதிகமாக இருக்கும்.

இந்த ஹீமோகுளோபின் அளவை நீங்கள் இயற்கையாகவும் மிகவும் எளிமையாகவும் தினசரி சாப்பிடும் உணவுகளின் மூலமாகவே அதிகரிக்கலாம். 

அறிகுறிகள் 

உடலில் அதிகமான அசதி. எந்த செயலை செய்ய வேண்டுமானாலும், பிறகு செய்து கொள்ளலாம் என்று தள்ளிப்போடும் மனநிலை. உற்சாகமின்மை, எதிலும் ஆர்வமின்மை, உண்பதற்கு கூட எழுந்துபோய் உட்கார்ந்து உண்ண வேண்டுமே, என்று எண்ணத் தோன்றும்! எப்பொழுது பார்த்தாலும் களைப்பு, தூங்கவேண்டும் போல் இருக்கும், ஆனால் படுத்தால் தூக்கம் வராது. தூக்கம் வராததால் உடல் ஓய்வு பெறாமல் ஏற்படும் உடல் வலி, அதனால் ஏற்படும் அசதி. எழுந்து வேலை செய்ய சோம்பேறித்தனம். இந்த நிலையில்தான் இன்று பலபேர் இருக்கின்றனர்.

ஹீமோகுளோபின் அளவு 

ரத்தத்தில் ஆண்களுக்கு ஹீமோகுளோபின் 14 - 18 கிராம் அளவிலும், பெண்களுக்கு 12 - 16 கிராம் அளவிலும் இருக்கவேண்டும். 8 கிராம் அளவிற்கு கீழே குறையும் பொழுது, இரத்த சோகை என்ற நோயும், மற்ற தீவிரமான நோய்களும் வருவதற்கு சந்தர்ப்பங்கள் உருவாகின்றன. ஹீமோகுளோபின் இருக்க வேண்டிய அளவிற்கு குறையும் பொழுது, உடல் மெலிந்து, களைப்பு, இயலாமை முதலியன ஏற்பட ஆரம்பிக்கின்றன.

உலர்ந்த திராட்சை  

கருப்பு திராட்சை, பச்சை திராட்சை என இரண்டு வகைகள் உள்ளன. கருப்பு திராட்சை சிறந்து. தொடர்ந்து சாப்பிட்டு வந்தால் இரத்தம் அதிகரிக்கும்

பேரீச்சம்பழம் 

பேரிச்சையில் இரும்புச்சத்து அதிகமாக இருப்பதால், இரத்தம் அதிகரிக்கும் நோய் எதிர்ப்பு சக்தியும் இதில் அதிகமாகக் கிடைக்கும்.

மாதுளைப் பழம் 

குழந்தைகள் முதல் பெரியவர் வரை விரும்பிச் சாப்பிடும் பழங்களில் ஒன்று, மாதுளை. இதில் சிவப்பு மாதுளை இரத்த உற்பத்தியை பெருக்கும். 

அத்திப்பழம் 

உலர்ந்த நிலையில் நாட்டுமருந்து கடை மளிகை கடைகளில் கிடைக்கும், பழக்கடைகளில் பழமாக கிடைத்தாலும் வாங்கி சாப்பிடலாம் பலன் தரும்.

போலிக் அமிலம் 

சிவப்பு இரத்த அணுக்களை உருவாக்க தேவையாக இருப்பது பி-காம்ப்ளக்ஸ் வைட்டமினான ஃபோலிக் அமிலமாகும். அதனால் ஃபோலிக் அமில குறைபாடு இருந்தால், ஹீமோகுளோபின் அளவு தானாகவே குறைந்து விடும். அதனால் ஃபோலிக் அமிலம் வளமையாக உள்ள பச்சை காய்கறிகள், கீரை வகைககள், ஈரல், அரிசி சாதம், முளைத்த பயறு, காய்ந்த பீன்ஸ், கோதுமை, பாதாம், சிறு தானியங்கள், கடலை, வாழைப்பழம் மற்றும் ப்ராக்கோலி போன்ற உணவுகளை உட்கொள்ளுங்கள்.

பீட்ரூட் 

ஹீமோகுளோபின் அளவை அதிகரிக்க வைக்க பீட்ரூட் மிகுதியாக பரிந்துரைக்கப்படுகிறது. இரும்பு சத்து, ஃபோலிக் அமிலம், நார்ச்சத்து மற்றும் பொட்டாசியம் இதில் வளமையாக உள்ளது. இதிலுள்ள ஊட்டச்சத்துக்கள் உடலில் உள்ள சிவப்பு இரத்த அணுக்களின் எண்ணிக்கையை அதிகரிக்க உதவும். 

பீட்ரூட்டை நீர் ஊற்றி வேகவைக்க வேண்டும், பீட்ரூட் நன்கு வெந்தவுடன் வடிகட்டி அந்த நீரை பருகலாம், அந்த பீட்ரூட்டை பொரியல் பண்ணி சாப்பிடலாம். 

ஆப்பிள் 

தினமும் ஒரு ஆப்பிள் உட்கொண்டால் இயல்பான ஹீமோகுளோபின் அளவை பராமரிக்கலாம். ஆப்பிள்களில் இரும்புச்சத்துடன் சேர்த்து உடல்நலத்திற்கு நன்மையை அளிக்கும் பல பொருட்களை வளமையாக உள்ளது. தினமும் தோலுடன் கூடிய ஒரு ஆப்பிளை (முடிந்தால் கிரீன் ஆப்பிள்) கண்டிப்பாக உண்ணுங்கள்.

உடற்பயிற்சி 

தினமும் சில உடற்பயிற்சிகளை செய்திடுங்கள். நீங்கள் உடற்பயிற்சி செய்யும் போது, உடல் முழுவதும் தேவையான ஆக்சிஜனை அதிகரிக்க உங்கள் உடல் அதிகமான அளவில் ஹீமோகுளோபினை உற்பத்தி செய்யும். 

வைட்டமின் சி 

வைட்டமின் சி குறைபாடு இருந்தாலும் ஹீமோகுளோபின் அளவு குறையும். அதனை சீர்செய்ய வைட்டமின் சி அதிகமாக உள்ள உணவுகளை உண்ணவும். வைட்டமின் சி வளமையாக உள்ள பப்பாளி, ஆரஞ்சுப் பழம், எலுமிச்சை, ஸ்ட்ராபெர்ரி, குடைமிளகாய், ப்ராக்கோலி, பப்ளிமாஸ் மற்றும் தக்காளி போன்றவற்றை உண்ணவும். அதிலும் மருத்துவரை கலந்தாலோசித்த பிறகு வைட்டமின் சி அடங்கியுள்ள மாத்திரைகளையும் உண்ணலாம்.

கருப்பு சர்க்கரைப்பாகு (கருப்பட்டி) 

இரத்த சோகையை எதிர்த்து போராடவும், ஹீமோகுளோபின் அளவை அதிகரிக்கவும் இனிப்புக்கு கருப்பட்டி பயன்படுத்தலாம். 

குறிப்பு :

எந்தப் பழத்தையும் சாப்பிடுவதற்கு முன்னர் உப்புத் தண்ணீரில் ஒரு மணி நேரமாவது ஊறவைத்து, பிறகு சாதாரண நீரில் நன்றாகக் கழுவி உண்ண வேண்டும். காய்கறி மற்றும் கீரை வகைகளை சமைக்கும் முன் கால் மணி நேரமாவது உப்புத் தண்ணீரில் ஊறவைத்து, பிறகு சாதாரண நீரில் நன்றாகக் கழுவி சமைப்பது நல்லது இப்படிச் செய்வது காய் கனி மற்றும் கீரையின் மேற்புறத்தில் உள்ள பூச்சிக்கொல்லிப் படிமங்களை நீக்கிவிடும்

 நம்மால் என்ன செய்ய முடியாது.??

நம்மால் என்ன செய்ய முடியாது? மனம் நினைக்கின்ற அனைத்தையும் செய்து முடிக்க வல்லவர்கள் நாம்.

மனித வாழ்க்கை எவ்வளவு மகத்தானது?

பல லட்சம் ஆண்டுகள் பரிணாம வளர்ச்சியில் நமக்குக் கிடைத்த அற்புத வாய்ப்பு. நம் உடலும் மனமும் கொண்டுள்ள சக்தி தான் மனித இனத்தை இந்த உலகத்தின் தலைமையாக ஆக்கி உள்ளது.

நம்மால் என்ன செய்ய முடியாது?

மனம் நினைக்கின்ற அனைத்தையும் செய்து முடிக்க வல்லவர்கள் நாம்.

‘‘என்னவெல்லாம் இல்லை என்னிடம்’’ என்று பட்டியல் இடுவதற்குப் பதில் ‘‘என்னவெல்லாம் என்னிடம் இருக்கிறது’’ என்று பட்டியல் போட்டால் அது வாழ்க்கையின் கண்ணோட்டத்தையே மாற்றி விடும்.

உங்கள் வாழ்க்கைக்கு அர்த்தம் கொடுக்க ஒன்று செய்யலாம். உங்களால் பிறருக்கு என்னவெல்லாம் செய்ய முடியும் என்று யோசியுங்கள். கொடுப்பது தான் மன நலத்தைக் காக்கும் பெருமருந்து.

என்ன கொடுக்கலாம்?

ஒவ்வொருவரிடமும் கொடுக்க நிறைய உள்ளது. பெரிதாகப் பணம் இருக்க வேண்டும் என்று அவசியமே இல்லை.

பார்வையற்றவருக்குப் 

படித்துக் காட்டுங்கள். 

உங்கள் பணியாளர்

குழந்தைகளுக்குப்

பாடம் எடுங்கள்.

உறுப்பு தானம்

செய்யலாம். 

நீங்கள் பயன்படுத்தாத பல பொருட்களை நல்ல நிலையில் இல்லாதவருக்குக் கொடுக்கலாம்

ஆலயத்தை

சுத்தப்படுத்தலாம்.

முதியோர் இல்லத்தில் சென்று அவர்களுடன் அன்பு பாராட்டலாம் 

தேர்வுப் பணம் கட்ட

முடியாதவருக்கு பணம் கட்டலாம்.

மனம் சோர்ந்தவர்களிடம் உற்சாக வார்த்தைகள் பேசலாம். ஆலோசனை சொல்லலாம்.

வசதி உள்ளவர்கள் சேவை மனப்பான்மை கொண்டவர்களுக்கு நிறைய செய்யலாம். 

கொடுப்பது என்பது தான் முக்கியம். யாருக்கு எதைக் கொடுப்பது என்பது அவரவர் தேர்வுகள்.

கொடுப்பது துக்க நிலையை மாற்றும். துக்கம் சுய நலமான உணர்வு. எனக்கு இது இல்லையே என்ற சுய பரிதாபம் தரும் சோகம் தான் துக்கத்தில் பிரதான பகுதி. தன் மேலுள்ள சிந்தனையை மாற்றப் பிறருக்கு உதவ ஆரம்பியுங்கள். துக்கம் விலகும். புதிய நம்பிக்கைகள் பிறக்கும். பல பிடிமானங்கள் வாழ்க்கையில் உள்ளது தெரியும்.

மனநலம் நன்றாக இருந்தால் தான் உடல்நலம் நன்றாக இருக்கும். எனவே நாம் மனதை எப்பொழுதும் நன்றாக வைத்துக் கொள்ள முயற்சி செய்வோம். மனநலம் நன்றாக இருக்க  

கோபத்தை

கட்டுப்படுத்தவும்

மற்றவர்களோடு

ஒப்பிடுதலை

தவிர்க்கவும்.

அடுத்தவர்களின்

பாராட்டுதலுக்கு

ஏங்காதீர்கள்.

தவறுகளிலிருந்து

கற்றுக் கொள்ளுங்கள்

உங்களின் ரசனைகள்

தாம் கடைசி

வரை இருக்கும்

மற்றவர்களை

பொது இடத்தில்

பாராட்டுங்கள்.

அடுத்தவரின் குறையை

தனிமையில் சொல்லுங்கள்.

திருப்தியுள்ள

மனதுக்கு

துக்கமில்லை.

இந்த வாழ்க்கை

உங்களுக்காக

இருக்கட்டும்.

நதிமேல் இலையாக

எல்லாவற்றையும்

கடந்து செல்லவும்.

சொந்த வாழ்வில் சோகங்கள் இல்லாதவர்கள் யார்?

ஆனால் பிறரின் சோகத்தைத் துடைக்கத் துணிகையில் சொந்த சோகம் இடம் தெரியாமல் போகும்

எல்லா உலகத் தலைவர்களும் இதை உணர்ந்தவர்கள் தான். டால்ஸ்டாய் மோசமான தாம்பத்திய வாழ்க்கையை அனுபவித்தவர். ஆனால் இலக்கியம் அவரை இளைப்பாற்றியது.

தேசத்துக்கே பிதாவான காந்திஜியின் புதல்வர் ஹரிலால். அவருக்கும் காந்திக்கும் ஒரே மோதலும் முரண்பாடும் தான். ஆனால் தேசப்பணி காந்திஜியைச் சோகத்தில் ஆழ்ந்து விடாமல் பார்த்துக் கொண்டது.

படிப்பில்லை. பணமில்லை. சொந்த பந்த ஆதரவில்லை. பிள்ளைகள் சரியில்லை. நோய்கள். பணியில் பிரச்சினைகள்.

யாருக்குத் தான் சோகமில்லை?

ஆனால் மரணம் அதற்குத் தீர்வில்லை. தற்கொலை செய்தவரின் குடும்பம் எத்தனை காலம் அந்த ரணத்தைச் சுமக்க வேண்டியிருக்கும்?

வாழ்க்கையில் நம்பிக்கைகள் முக்கியம். நமக்கேற்ற பிடிமானங்களைத் தேர்வு செய்து கொள்வது மிக முக்கியம். அது மதமோ, விளையாட்டோ, அரசியலோ, சினிமாவோ, இலக்கியமோ, சமூகச் சேவையோ, வேலையோ ஏதோ ஒன்று இருக்கட்டும்.

வாழ்வின் இன்பங்கள்

விரைவில் திகட்டி விடும்.

துக்கங்கள் என்றும் 

தொடர்ந்து வரும்.

ஆனால்,

வாழ்வில் நாம்

வைத்துள்ள

குறிக்கோள்

நம்மைச் சீராக

இயக்கிச் செல்லும். 

சொந்த வாழ்வின்

சோகங்களையும்

புறந்தள்ள வைக்கும்.

வாழ்வினிது.. 

சிந்தித்து

செயலாற்றுங்கள்.

வாழ்க வளமுடன்

 *எலும்புகளை உறுதியாக்க ஈஸி டிப்ஸ் !*

எலும்புகள்தான் ஆரோக்கியமான உடலின் அஸ்திவாரம். நாம் நிற்க, அமர, நடக்க, ஓட என துடிப்பான எந்தச் செயலைச் செய்யவும் எலும்புகள் உறுதியாக இருப்பது அவசியம். எலும்பு ஆரோக்கியமாக, வலிமையாக இருக்கவும், முறிந்த எலும்பு விரைவில் ஒன்றுசோர உதவும் உணவுகள் என்னென்ன என்பதை இந்த பதிவில் காண்போம்.

* எலும்பு உறுதியாக இருக்க, எலும்புமுறிவு ஏற்பட்டால், விரைவில் இணையவும் கால்சியம் அவசியம். கால்சியம் சத்தை கிரகிக்க வைட்டமின் டி தேவை. இந்த இரண்டும் போதுமான அளவில் கிடைத்துவிட்டால் பிரச்னை இல்லை.

* கால்சியம் நிறைந்த உணவுகளில் முக்கியப்பங்கு வகிப்பவை பால் மற்றும் பால் பொருட்கள். தினசரி, நம் உடலுக்கு 1-1.3 கிராம் (1000- 1300 மில்லி கிராம்) கால்சியம் தேவை.

* கால் எலும்பு முறிவு ஏற்பட்டவர்கள், மூன்று முதல் நான்கு மாதங்கள் வரை வீட்டில் ஓய்வெடுக்க வேண்டியிருக்கும். இந்தக் காலத்தில், உடல் உழைப்பு இல்லாத காரணத்தால் அதீத உடல்பருமனுக்கு ஆளாக நேரிடலாம். இவர்கள், கொழுப்பு நீக்கப்பட்ட ஸ்கிம்டு மில்க், டோன்டு மில்க் சாப்பிடலாம்.

* லாக்டோஸ் இண்டாலரன்ஸ் எனும் பால் ஒவ்வாமை உடையவர்கள், தினசரி சோயா, கீரை, பீன்ஸ், பழச்சாறு சாப்பிட்டாலே ஒரு கிராம் (1000 மி.கி) கால்சியம் கிடைத்துவிடும்.

* 100 மி.கி சோயா பீன்ஸில் 25 மி.கி கால்சியம் உள்ளது. எலும்பு முறிவு ஏற்பட்டவர்கள், தினமும் காலையில் சோயாப்பால் அருந்துவது நல்லது. இதில், கொழுப்பு மிகமிகக் குறைவு என்பதால் உடல் பருமனானவர்களும் சாப்பிடலாம்.

* 100 மி.கி மீனில், 15 மி.கி கால்சியம் உள்ளது. ஒமேகா 3 கொழுப்பு அமிலங்கள் கொண்ட நெத்திலி, வஞ்சிரம், கட்லா உள்ளிட்ட மீன்களைச் சாப்பிடுவதன் மூலமாக எலும்பு அடர்த்தி அதிகரிக்கிறது.

* ஆட்டுக்கால் சூப் குடிக்கலாம். ஆட்டுக்கால் எலும்பு மஜ்ஜையில் கால்சியம் பாஸ்பரஸ், மக்னீசியம், இரும்புச்சத்து உள்ளிட்ட தாதுஉப்புக்கள் நிறைந்துள்ளன. இதனைச் சாப்பிடுவதால் எலும்பு விரைவில் கூடும்.

* 100 மி.கி நண்டில் 16 மி.கி கால்சியம் உள்ளது. எலும்புமுறிவு ஏற்பட்டவர்கள், மூன்று நாளுக்கு ஒரு முறை நண்டு சூப் குடிக்கலாம். அதிக உஷ்ணம் உள்ளதால் இதனை வெயில் காலங்களில் தவிர்ப்பது நல்லது.

* கொள்ளில், சோயாவுக்கு இணையாக கால்சியம் நிறைந்தது. எலும்பு உறுதிக்குக் கொள்ளு மிகவும் அவசியம். 70 வயதுக்கு மேற்பட்டவர்கள், சைவம் சாப்பிடுபவர்கள் கொள்ளு ரசம் வைத்துக் குடித்துவந்தால் எலும்பு வலுவாகும்.

* புரோகோலி, முட்டைக்கோஸ், காலிஃபிளவர், பீட்ரூட் போன்ற காய்கறிகளைத் தினசரி சேர்த்துக்கொள்வதன் மூலம் எலும்புகள் வலுப்பெறும். வைட்டமின் சி நிறைந்த பழங்களைச் சாப்பிடலாம்.

* ஆரஞ்சு, கொய்யா, ஸ்ட்ராபெர்ரி, வாழைப்பழம், ஆப்பிள் போன்றவை எலும்புகளைப் பாதுகாப்பாகவைத்திருக்கும்.

* அத்திப்பழத்தில் கால்சியம் நிறைந்துள்ளது. 100 மி.கி அத்திப் பழத்தில் 26 மி.கி கால்சியம் உள்ளது. இதுதவிர கேரட், வெண்டைக்காய், வெங்காயம், சர்க்கரைவள்ளிக் கிழங்கு ஆகியவற்றை அன்றாட உணவில் சேர்த்துக்கொள்ள வேண்டும்.

* கீரைகளில் வெந்தயக் கீரை, வெங்காயத்தாள், முருங்கை, கொத்தமல்லி, முள்ளங்கிக்கீரை, பாலக்கீரை ஆகியவற்றில் கால்சியம் உள்ளது.

* கீரைகளை அசைவத்தோடு சேர்த்துச் சாப்பிடக் கூடாது. இரவில் சாப்பிடக் கூடாது. இதனால், செரிமானம் தாமதப்படும். காலை, மதிய உணவில் கீரை சாப்பிடலாம்.

* 100 மி.கி கேழ்வரகில் 35 மி.கி கால்சியம் உள்ளது. அவ்வப்போது ராகி கஞ்சி, எண்ணெய் அதிகம் சேர்க்கப்படாத ராகிதோசை சாப்பிடலாம்.

* முந்திரியில் 37 மி.கி., பாதாமில் 26 மி.கி., பிஸ்தாவில் 10 மி.கி கால்சியம் உள்ளது. மேலும், உடலுக்குத் தேவையான மக்னீசியம், மாங்கனீஸ், பாஸ்பரஸ் போன்ற தாதுஉப்புகள் உள்ளன. இவற்றை உணவில் சேர்த்துக்கொள்வதன் மூலம் உடைந்த எலும்பு விரைவில் குணமாகும். எலும்பு நோய்கள் தடுக்கப்படும். உடல் பருமனானவர்கள் இவற்றை அளவாகச் சாப்பிடுவது நல்லது.

* 100 மி.கி பேரீச்சம் பழத்தில் 39 மி.கி கால்சியம் உள்ளது. அதேபோல், மாங்கனீஸ், தாமிரம், மங்கனீசியம் உள்ளிட்ட தாதுஉப்புக்கள் உள்ளன. இது எலும்புகளை ஆரோக்கியமாக வைத்திருக்கிறது.

* 100 மி.கி கறுப்பு உளுந்தில் 13 மி.கி கால்சியம் நிறைந்துள்ளது. கறுப்பு உளுந்து சுண்டல் சாப்பிடுவது நல்லது. இதுதவிர, முளைகட்டிய பயறு, கொண்டைக்கடலை ஆகியவற்றைச் சுண்டல்செய்து சாப்பிடலாம்.

* எலும்புகளின் வளர்ச்சிக்கு வைட்டமின் டி அவசியம். வைட்டமின் டி சத்து நிறைந்த ஆரஞ்சு, சோயா, பருப்பு வகைகளைச் சாப்பிடலாம்.

* சூரிய ஒளியில் வைட்டமின் டி அதிகமாக உள்ளது. எலும்பு முறிவு ஏற்பட்டவர்கள் தினமும் காலை 7:00 - 8:00 மணி வெயிலில் நிற்கலாம். இதனால், வைட்டமின் டி உற்பத்தியாகி எலும்புகளின் உறுதி அதிகரிக்கும்.